Joon 16:7 - ŊWÀʼ NYÙY

⁷ A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

Joon 16:7 Referans Kwoze

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Ŋwàʼ Luk 24:49

Vèn wáa kiíy jii, m yíi tsənsí ven mbùʼmé wo Tàr wor‑iì kàʼàn ven shó. Kí nén a dzə jii, vèn goʼ é mvə̀mlaʼ fèn, e dù, e meé e ghan se Nyùy wíy fo ven vitaáví ve ví loòn fó yuv.»

Lim Aŋgàa Ntum 10:34

Pita nèn kèʼ, a suŋnín, a suúy jii, «M yèn ne rú lèn ji bó Nyùy yòʼ nyaʼ wír.

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 14:3

M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Ŋwàʼ Luk 9:27

Vèn wáa kiíy rú ji wír ámóʼó tíy fèn lèn, a bó á yòʼ wíy kpukír, a bó á yén sáʼ Nyùy yee shooy.»

Ŋwàʼ Luk 4:25

Vèn yú kinyo kímóʼ kí. Yì‑iì dzə̀ é ghan se Elija‑aà dzəə̀n ŋgaà ntum Nyùy, Nyùy tiír wuú viyá vitaár e ŋwee ntuùfú, jìŋ koó woŋ e dzə̀m. Vèn kì sá rú ji vikǐy ŋkfəə‑əə̀ ló a dzə e wòŋ Isray fèn e ghan see shooy anín,

2 Korin 4:17

A ŋgeʼ se vèr yén fo shintàm fèn sìn si náŋsin ver náŋsín, é vèr wìy nə̀ə́ e Nyùy mvə̀m vijùŋ ve ghaʼán ví, ve bó yòʼ dzə̀ ví mày, a bó yòʼ dzə̀ wìr kìíy móo fìʼ.

Joon 16:8

Wù wíy wìy, é wù din e wír veé ndzə fène mo áwune jáy, e bó a meŋ kinyo ke dzəə̀n ke bi kí, a meŋ ke ru kí, e kfə̀n a meŋ lǒn vinyò ve bi ví.