Joon 16:33 - ŊWÀʼ NYÙY

³³ M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Joon 16:33 Referans Kwoze

Joon 14:27

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

2 Tesalonika 3:16

M nén a shàʼtì ven adzə̀m, a lon jii, wun woo Taàtá wòsən Jesus wo wù fó nyaáŋ kú a yiì, é melív men mè wáa dzə a nyaáŋ, a fə̀m kooy ka. A m kfə̀n lón ji wù kú a dzə a vèn áwune ghán sidzə̀m.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

Filipi 4:7

Vèn lóo yiì bèy, é Nyùy nèn a yiì, é melív men mè wáa dzə nyaáŋ, é wùn à vifií vén ví ku nèn a tiy a dzə̀ e Jesus Kristu wùn. A bó yòʼ dzə̀ wìr kìíy móo fìʼ nyaáŋ wo Nyùy fó və̀n gheéy.

1 Pita 5:9

Vèn ku wày a dzə̀ shilív e Nyùy wùn, a tiy kitávín, e làa yòʼ fo kilíŋ sho gheéy, a kuumé jii, kù dzə̀ sáa mo afə́r vén ámóʼó yén ŋgeʼ e Satan wo woŋ e dzə̀m.

Joon 14:1

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

2 Timoti 3:12

A dzə̀ mo kí kù yii dzə́. Wìr yii lóo tiy kfə́ wùn Jesus Kristu ji wun kù yú a dzə̀ fo Nyùy, bo kù dzə̀ mo á yíi a ròn wuú rə́,

Lim Aŋgàa Ntum 14:22

Á wáa ghan bèy, a lùmèr melív me aŋgàa biimé, a tir áwune ji á kú a ghar kinyo ke Jesus kijuŋ, a kiíy a ji wùn áwune kér fó wìy yen ŋgeʼ sinín, e bóo wìy nəə́ e Nyùy mvə̀m saʼ.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

Hibru 11:25

Wù kàŋ kfə́ ji kí bòŋ a ji wun wáa yen a dzə̀ ŋgeʼ wùn à wír ve dzəə̀n vé Nyùyi, e shaà fó a way kiwó e kinyò ke bi kí ji wun wáa yu vijuŋ, a bó yòʼ dzə̀ ví tìytíy.

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.

1 Tesalonika 3:7

Afə̀r ver, vèr dzə́ bèn, a vèr yén sa ŋgeʼ, a wíri kfə̀n ban ver. Mo vèr yuun ne lèn ji vèn kù dzəə́ tíy vèn à Nyùy, shilív shí nen neèm ver fó ŋgeʼ fèn.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Kolosia 1:20

e fíʼ lì vifá veé ndzə vidzə̀m, é ví kfə́n fo wun woo Nyùy, kìn dzə̀ veé yuv, kìn veé nsay. Wù nèn yiì, Wan və wìy, e cùtì mensə́ mvə, e kpù é kintam, wù mán vinyo veé ndzə, wùn à vifá vidzə̀m vi kfən bòŋnìn.

2 Korin 1:3

Vèsən kú a beèrì Nyùy wo dzəə̀n Tàr à Taàtá wòsən Jesus Kristu. Nyùy, wo wù shám wíri adzə̀m, rəər melív mev.

2 Korin 13:11

Afə́r vem, m nén a shàʼtì ven ji á bèr á ne. A m tír ven ji vèn navti vinyo vén, e yuùrí ntir sém kijuŋ. Vèn kfə́n shuu e mòʼón, a dzə dzə́ yee nyaáŋ, é Nyùy wo wù koŋ ven, kfə̀n yii, a melív men mè dzə́ nyaáŋ, nèn a dzə e věn mvəm.

1 Tesalonika 3:4

Vèn kuúmé mo mò‑oò sí tír ven é ghan se vèsən‑eè dzəə̀n ji ŋgeʼ si waà wíy a koóy. A sì síwun se sí kooy ven lèn.

Galatia 6:14

A kém kí dzə̀, a bó m yòʼ taʼ, a sùmrì wún, e shaà kinyo kimòʼón ke m tíy sho ji Tàr wòsən Jesus Kristu‑uù lo kpù é kintam. Mo wù‑uù kpuun a dzə̀ bìʼ vinyo veé ndzə fèn vidzə̀m, vinyo vee shooy vi kpù ne fo mò, m kpú saa fo fo.

2 Korin 7:4

Vifií vém ví kfə̀n tíy e věn wùn féyì, a m nyavnìn feyì bìʼ ven. Vèn rəər shilív shém ghán sidzə̀m. A m fə̀m yén ŋgeʼ e le, m kù a sheʼrí sheʼrín bìʼ ven.

Lim Aŋgàa Ntum 27:25

Mo nshìylav Nyùy tiisin bey, vèn kúr ri shilív. M wáy shilív e Nyùy wùn féyì ji wù kù wíy yiì mo wù suuyin.

Mayka 5:5

Wù kù wíy a yiì, é wóŋe wáa dzə nyaáŋ. A wír veé Assiriyàa wìy a mùm ji á tiír kiwuú kév e věr nsay, a mùm ji á nəə́ virə́ʼ vér ve tavkín ví e rə́r sí, é ver veé Israyi tsə́nsí antav vee vilìmbìy vér, aá tám wùn áwune.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Galatia 1:4

A Jesus Kristu və̀n‑eè lo biìmé kinyo ke Nyùy woo Tàr wòsən‑eè sìysìn. Wù‑uù fò kitú kfə́, bìʼ vinyo vesən ve bi ví ji wun fíʼ taŋrí vèsən, aá boy fó ndzə yee lèn ye dzəə̀n ye vinyò ve bi ví.

Lim Aŋgàa Ntum 9:31

Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

Ŋwàʼ Luk 2:14

«Á wáa burí Nyùy wo wù dzəə̀n é ntoò yùv. Wù fò ne nyaáŋ é nsay fo wír ve wù koŋe adzə̀m.»

Lim Aŋgàa Ntum 27:22

M nén a lon ji vèn kúr á shilív. Wìr fo vèsən yòʼ wíy lày, wíy lày kikóŋ.

Ŋwàʼ Luk 19:38

Aá kwá jii, «Nyùy Tàr ku səə̀vì Fon wo wù wiy e wùn yir və̀n. Nyùy woó yuv dzə̀ Ŋgaà Nyaáŋ. Á wáa burí Nyùy woó ntoò yùv.»

Lim Aŋgàa Ntum 23:11

Yiì lòo dzə vitsə́ʼ, Jesus wìy, e tìím e Por ghaŋ, e sùúy sho jii, «Kúr shilív shí, mo à suuyin mo é Jerusalem fèn, à kù kfə̀n wíy suúy e Rom.»

Hibru 7:2

Wù səə̀vì bèy, Abraham nèn jàv vifá ve wù kì kuuyin fó shùu rər viy kirə́ʼ e ghvə̀m, e fò kee kimòʼón ki shó, a yír sé taà cù və̀n si din vinyo vibaà. Ké mbìy ki dzə̀ jii, wù dzə̀ fon yiì ye réŋé mo nsàv yìr rə́ yee Melkisedek‑iì dzəə̀n. Vee vibaà jii, wù kfə̀n dzə̀ sáa fon nyaáŋ, bìʼ fo wù dzəə̀n Fon woó Salem, a nsàv Salem dzə̀ ji nyaáŋ.

Joon 16:11

Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

Matio 9:2

Wù meé fó, wír ámóʼó toór wír, a shwín sí ndzə́m ne, e wìy, e yèn wun sho. Jesus yén mo wír vìyi wayin shilív e wun wùn é ŋàŋ, e yòŋ e ndzə́m və̀y jii, «Ŋkar yèm, vishí vé vi bòŋ ne. Á làysìn ne vinyo vé ve bi ví.»

2 Korin 2:14

A m kù yòʼ beerì Nyùy feyì, bìʼ fo mò‑oò yenen jii, a vèr fə̀m du fèé, wù kù a dànèr a ver. Vèr nén a ghan moo wír ve á ghán e Kristu ŋgoo, a wù du fo mbìy, bínsi mbeeteé, Nyùy wáa yiì, kinyo ke Kristu ki wáa sàmèr virə́ʼ vidzə̀m moo kiláy ke á ton, a kí rəm, rəʼtìnè.

2 Korin 4:7

Mo vèr fə̀m kér fùʼ woo ji á wáa fìʼtì kinyo kee shoon, wún wórí kù dzə̀ moo kifá ke á bomen, a bòmrì bòmrìn, fó dìn kiránén ji vitaáví ve ví dzəə̀n é kinyò fèn vi yòʼ dzə̀ á vér. Dzə̀ á vé Nyùy.

2 Korin 6:4

Vèr ku nèn a yiì vinyo vér vidzə̀m, a dìn ji á lim a dzə̀ á fo Nyùy. Vèr kúr shilív, li vinyo vidzə̀m ji weè, kìn dzə̀ ŋgeʼ, kìn dzə̀ kitan, kìn gháʼ ka.

1 Joon 2:13

A m sàŋ fo vèn ve siìn atàrí, bìʼ fo vèn kiiyin ne Nyùy wo wù‑uù siìn fó kèʼ, e sàŋ fo vèn vee wàʼbìn, bìʼ fo vèn soon ne Satan woo ŋgaà vinyò ve bi ví.

Atǎr Nsaʼ 3:2

Nyùy Tàr‑iì yiì kin ji wun fiʼ yèʼéy ŋgwàʼ e mòʼón mòʼón, ye yì‑iì kóʼ e Isray, aá kiíy kinyo kee kùm rə́r, bo taaka ve á yòʼ‑oò yiì ne fəə̀ é shùu rər.