Joon 16:32 - ŊWÀʼ NYÙY

³² Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Joon 16:32 Referans Kwoze

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Matio 26:31

Á lòo dù, Jesus wáa suúy aáwune jii, «Vitsə́ʼ vé lán vi yíi kùʼ, é vèn bin ndzə̀m e mò adzə̀m. A dzə̀ mo vé‑eè saŋen ji Nyùy suuy jii, ‹M wíy yuy nshìy, é ŋgoo njiì táʼrí.›

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 8:16

A m kì lò ji m wáa sayrí, m kù yèn rú mo kí dzəə̀n, bìʼ fo bó m yòʼ sáyri a dzə̀ fo mǒ vifii, kù dzə̀ vèr Tàr wor wo wù tumen mo.

Maak 14:27

Á lòo dù, Jesus wáa suúy aáwune jii, «Vèn yíi bìn ndzə̀m e mò adzə̀m mo vé‑eè saŋen ji Nyùy suuy a jii, ‹M wíy yuy nshìy, é njiì táʼrí.›

Matio 26:56

A kinyo ke kí kooy kìn ki kòóy bèn ji kinyo ke aŋgàa ntum Nyùyi‑iì saŋen kí fiʼ ghèén.» Mo á koon Jesus, wón və́ lìme nèn shwèy wun adzə̀m, e lèʼkír.

Joon 20:10

Wón lìm Jesus vìyi nèn a kfən fo laʼ,

Joon 16:25

«Mò‑oò rə́si fer vinyo e vèn a dzə̀ é ŋgàn, a ghán se m wíy a fèr tìítiy, a fìʼ kiránén mo Tàr wor dzəə̀n sí sí gheenè.

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Joon 4:23

Yii bèy, ghán se wíri wíy a bùnrì Nyùy e dzəə yee réŋ virə́ʼ vidzə̀m si sí wiyì, a sí sì é kiwo. Aáwune wíy a yu a dzə̀ fo Kiyoy ke Nyùy ki, e bó a bùnrì Nyùy e dzəə yee rú. Á mo Nyùy koŋ ji wíri wáa bùnrì wun.

Joon 4:21

Jesus yòŋ jii, «Yaà, yuúrí kinyo ke m suuy ki. Ghán sí sí gheenè se bó á yòʼ dzəə́ wìy a nyàʼ fo dzə̀ á wáa bùnrì Nyùy, kìn dzə̀ é gwan fèn, kìn dzə̀ é Jerusalem.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Joon 5:28

«Lá vèn yòʼ a ker gháʼ e kinyò fèn. Vèn kú a kiíy rú ji ghán sí wíy gheén, é wír ve vé‑eè kpukin ne adzə̀me yú jí Wàn Nyùy, e fəə̀kír fo sày,

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Maak 14:50

Mo á gharin Jesus, wón və́ lìme nèn shwèy wun adzə̀m, e nyèŋkír.

Lim Aŋgàa Ntum 8:1

a Saul tíy fo, bínsi. Kèʼ fo kishiíy fóo fèy, á ku nèn a fo ŋgeʼ ye biibí e kintatì ke wìr Jesus keé Jerusalem ki, á wáa nyeŋkír adzə̀m, a taʼrí e wòŋ woo Juda. Ámóʼó dùkìr e wòŋ *Samaria, ku bèr aŋgàa ntum Jesus e Jerusalem cáʼcáʼ.

Joon 16:31

Jesus bìnèr jii, «Dzə̀ ji vèn biìmé ne lèn à?

Joon 19:27

e kfə̀n sùúy e wan və lìm və̀y jii, «Yè won və̀ne.» Kèʼ fo ghan see shooy, wàn lìm və̀y nèn lì yìy à Jesus, wù wáa dzə e wùn laʼ.

Lim Aŋgàa Ntum 21:6

Vèr nèn nə̀ə́ e kikoŋ, áwune wáa kfən fo laʼ.