Joon 16:27 - ŊWÀʼ NYÙY

²⁷ Tàr wor sí koŋ ven, bìʼ fo vèn‑eè sí koŋ mo, biíme ji m lò rú a dzə̀ fo wun woo Tàr wor.

Joon 16:27 Referans Kwoze

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

1 Pita 1:8

Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

2 Korin 5:14

Kér kí kù dzə̀ jii, mo Jesus Kristu koŋ ver, vèr kú a yu a dzə̀ á fo fo. A vèr kì ji mo wù‑uù kpuun fo wíri, wù tàtí ne áwune adzə̀m e mvə̀m kpu yee shooy, e tìn fó ŋgeʼ.

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

Matio 10:37

«Kí nén a dzə jii, a wìr koŋ tàr wov wùn yè wov, e shaà mo, bo bó ŋgaàŋ yoʼ ghèén ji ŋgaà wom ŋgoo. Wìr kfə́n a kòŋ wán və woo lumèn, kìn woo wiíy, a shaà mo, bo bó ŋgaàŋ yoʼ ghèén sa ji ŋgaà wom ŋgoo.

Ŋgaà Yen 3:19

Vèn wáa kuumé jii, m yii lóo kòŋ wír, m kù a saʼ, a sə̀r ji wù fíʼ fiír. Vèn ku nèn lèm vinyo ve m suuy vìn e vifii, e bìnèr melív men, a yiì mo ví dzəə̀n.

Ŋgaà Yen 3:9

M kì wír ve á yoŋ vitú vév ji wír vém veé Juda, aá dzə̀ kév a dzə̀ e Satan ŋgoo. Vèn yú, m wíy yiì, aáwune kiíy ji wír ve m kòŋèné dzə̀ ven vin, e yiì, aáwune wiy, a gbù e věn si.

Efesor 6:24

Kfə̀n lón ji Nyùy kú a kòŋ ven, a leéy fo vèn adzə̀m, ven ve á wayin Tàr wòsən Jesus Kristu e shiliv, e kpù shó.

Tsəfaniya 3:17

Nyùy Tàr woo Nyùy won dzə̀ e věn mvəm. Wù dzə̀ wir rə̀r wo tavín wo wù luŋèr ven. Wù wíy a sheʼrí ven, wù wíy a kòŋ ven, é melív men mè wáa dzə ji nyaáŋ. Wù wíy a sheʼrí ven, a seŋ, a sàvnìn,

Hibru 12:6

Wù kù yii sər a dzə̀ wír wo wù koŋè, wívti a dzə̀ wír wo wù yén ji wán və.»

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

1 Korin 15:47

Adam woo wir mbìy‑iì lò kfə́ fó nsay fèn, a Nyùy‑iì bòm a dzə̀ e kibvər ki. Kristu wo wù wìyìn fó bàm nèn lò kfə́ a dzə̀ fó wòŋ woó yuv.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Joon 7:29

Kù kì mo ŋgaàŋ, bìʼ fo m loòn fo ŋgaàŋ wùn, a tùm ŋgaàŋ mo.»

Joon 3:13

Wìr wùmòʼ yòʼ‑oò yiì ne kòʼ e Nyùy wòŋ woó yuv, kù mày ŋgaà wo wù loòn fó fo, wo yírí dzəə̀n *Wanwìr.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.