Joon 16:24 - ŊWÀʼ NYÙY

²⁴ Kèʼ mo vèsən‑eè dzəə̀n, e meé lèn, vèn yòʼ‑oò yiì ne lòn kifá fo Nyùy e mǒ yir. M nén a suúy e vèn lèn jii, vèn wáa lon rì bèy, é Nyùy wàá fó, é kishéʼrì ki nèn màysì, e rùn e věn meliv.

Joon 16:24 Referans Kwoze

Joon 15:11

M sùúy ne vinyo vìn e vèn ben, é kishéʼrì ke kí dzəə̀n e mǒ shiliv kí fíʼ a dzə sa e věn meliv, é vèn maysi rú, a ker kishéʼrì.

Joon 16:23

«Wíy lóo dzə e ghan see shooy, é la vèn yòʼ dzə́ə a dzər kifá a dzə̀ e mò. M suuy ven kinyo ke ru kí jii, vèn wíy lon kifá a dzə̀ fo Tàr wor e mǒ yir, é wù ku nèn fò kíwun.

2 Joon 1:12

Vinyo vi dzə̀ vinín ve kì dzə̀ m sùúy e vèn. Yii bèy, a bó m yòʼ sáŋ a dzə̀ é ŋwàʼ fèn. M leey ji kintóʼ ki fəə́sín, é m wiy, e ghàn á ven. Vèsən lóo dzə fo si, é bo m fer vinyo vee shooy e vèn vidzə̀m. Vèn yú, é vèsən nèn màysì, a sheʼrí.

Matio 6:9

Vèn lóo bùnrì, vèn wàa suúy jii: « ‹Tàr wor woó yuv, ku yiì, é wíri wáa ghvəm yír yé,

Joon 3:29

Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

1 Afòn 18:36

Ghán sé cù yee ŋkuùr si gheén, Elija woo *ŋgaà ntum Nyùy kóʼtí é mentsə̀m me kiy, e bùnrì jii, «Éè Nyùy Tàr, Nyùy Abraham wùn à Aysi, à Jakov, ku yiì, é kí wáa dzə kikiíyín lán e Isray ji à dzə̀ á Nyùy, a m dzə̀ á ŋgaà lìm wò, a m yii vinyo vìn vidzə̀m a dzə̀ e wò jì.

2 Tesalonika 1:2

A vèr lón ji Tàr wòsən Nyùy wùn Taàtá wòsən Jesus Kristu kú a kòŋ a ven, a leéy fo vèn, a yiì, é melív men mè wáa dzə nyaáŋ.

Kèʼlo 32:9

Á bèy, Jakov nèn tòŋ e Nyùy jii, «Éè Nyùy atàr vém vee Abraham wùn Aysi. Nyùy Tàr, kù‑uù sùúy wò ji m kfə́n á e bàm e věr wòŋ fo wír vérí dzəə̀n, e kfə̀n kàʼ ji à yíi a geʼsín a e mò.

2 Afòn 19:15

Hesekiya nèn a bùnrì Nyùy Tàr jii, «Éè Nyùy Tàr, Nyùy wìr veé Isray, wò wo à dzə́ e kàvàʼ e nsàn *vifa veé yuv ve ví kér vav si. Kù dzə̀ wò Nyùy vèn mòʼón wo à sáʼ vitúm veé kitu ke nsay vidzə̀m. Kù‑uù bòm wò yúv wùn à nsay.

Joon 14:1

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Joon 14:14

A vèn bee mo, lón ka fo Nyùy, m kù yiì kíwun.