Joon 16:23 - ŊWÀʼ NYÙY

²³ «Wíy lóo dzə e ghan see shooy, é la vèn yòʼ dzə́ə a dzər kifá a dzə̀ e mò. M suuy ven kinyo ke ru kí jii, vèn wíy lon kifá a dzə̀ fo Tàr wor e mǒ yir, é wù ku nèn fò kíwun.

Joon 16:23 Referans Kwoze

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Matio 21:22

A vèn bunrì, lón ka, wáy shilív a dzə̀ e Nyùy wùn, vèn wàa ker kíwun.»

Aysaya 65:24

Á wíy a jì ji á wáa toŋ e mò, a m biímé ne, lóo bunrì, aá dzəə́ bunrì bùnrìn, a m yú ne.

Matio 7:7

«Vèn lóo bùnrì, vèn wàa lon, é Nyùy fó. Vèn wáa tàʼ, é Nyùy yii, é vèn yén. Vèn wáa kùmrì shúu lavi, é Nyùy mvəʼ, é vèn nəə́.

Joon 16:26

Sí wíy gheén, é vèn nèn a lon kifá ke á lón fo Tàr wor a dzə̀ e mǒ yir. A bó yòʼ dzə̀ ji wíy a lon mo fo Tàr wor ji wù fó kifá kee shooy e vèn.

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Efesor 2:18

Vèsən adzə̀m nén a dzə lèn, a dzə̀ á wàa beè Kiyoy ke Ranén kí, a koʼtí e Nyùy woo Tàr wòsə́n si. Aá kù bee a dzə̀ Kiyoy kee shó kimòʼón.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

Joon 14:5

Tomar nèn shùsín jii, «Tàr, vèr yòʼ kì fo à du. A dzə̀ vèr kfə̀n kìíy dzə́ə é le?»

Joon 16:19

Jesus kiíy ji á taʼ, e dzər a kinyo, e dzə̀r jii, «Kinyo ke vèn gháynin kìn ki dzə̀ ke m kì suuyin ji bèr shishàr, é la vèn yòʼ dzəə wìy a yen mo, shintàm shi lóo dàtìr, aá kfən yèn à?

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

Joon 14:22

Judar wùmòʼ, a bó yòʼ dzə̀ wo á yoŋ ji Iskariyor və̀y, nèn dzə̀r jii, «Tàr, kí ghàn é le, bo à wáa suúy ji à wíy dìn kitú ké a dzə̀ e vèr, e làa yòʼ dìn e wír veé ndzə fène adzə̀m?»