Joon 16:22 - ŊWÀʼ NYÙY

²² Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

Joon 16:22 Referans Kwoze

1 Pita 1:8

Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,

Lim Aŋgàa Ntum 13:52

Aŋgàa biimé vìyi ku sìíy, a dzə, Kiyoy ke Ranén kí wáa run aáwuné meliv, á wáa ker kishéʼrì ke kuʼùn kí.

Joon 16:6

Yii bèy, mo suuyin ne mo lèn, vèn nén a dzə, a sòv a dzə̀ kitú.

2 Tesalonika 2:16

Vèr ku nèn a lon fo wúnwun woo Taàtá wòsən Jesus Kristu wùn Tàr wòsən Nyùy jii, á kú a bayrí melív men, a tavír ven, é vèn wáa suúy, a yiì a dzə̀ vinyo ve juŋ vi. A Nyùy wo vèsən lón fo fo və̀n‑eè lo dìn ji wun koŋ vèsən. Wù‑uù shàm vèsən, e yiì, melív mèsən mè wáa lùm ghán sidzə̀m, e kfə̀n yiì, vèsən wáa shìy a dzə̀ vijuŋ ve wù‑uù kàʼàn vèsən shó.

Lim Aŋgàa Ntum 16:25

Yiì lòo dzə e ntìntìn vitsə̀ʼ, Por wùn Silar wáa bùnrì, a yòv luŋ, a burí Nyùy, vé sháŋé wáa yuurí.

Aysaya 25:9

Kishiíy kin ki wíy gheén, é wíri wáa yòŋ jii, «Vèn yén, Nyùy wor və̀ne, a vèr kù‑uù yoy, tiir a dzə̀ ji wù wíy lùŋèr ver. Nyùy Tàr wo vèr‑iì tiir vifií vér shó və̀ne. Vèsən kú a sheʼrí, a yu vijuŋ ji wù lùŋèr ne vèsən.»

Nsùyrì Nyùy 146:2

M kù wíy a burí Nyùy Tàr, e dù, e meé mo m wíy kpu. Mo m dzəə̀n e tin, m kù yíi a yòv luŋ, a burí Nyùy sho.

Lim Aŋgàa Ntum 2:46

Á kfə́n a lò, a tarnín sa e *lav cù yeé Jerusalem foo fèy vishiíy vidzə̀m, a bùnrì, e kfə̀n a yikír e melav, a fonín e kishéʼrì ki,

Hibru 10:34

Vèn‑eè yii bèy, bìʼ fo vé‑eè rə́r mendzən fo vé sháŋ vee shooyi. Wíri‑iì lóo bàn ven, lóo faàsì vifá vén, vèn kù a biimé biimén, a sheʼrí, bìʼ fo vèn kiìn ji vèn kér vifá vén vímóʼ ví ve ví shaàn veé nsay fèn vìn, a bó yòʼ dzə̀ vee shooy vi wìy mày.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Joon 21:7

Wan lìm Jesus wo wù‑uù koŋ e ŋàŋ və̀y nèn sùúy e Pita jii, «Wìr və̀sə dzə̀ Tàr wòsən.» Pita yú ji dzə̀ á Taàtá Jesus, a wù kì tàm ndzə̀y támén, e kù nèn màʼ kikúm, e lìy fó kikoŋ, e tò é ndzəv, a dù fo.

Joon 14:27

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

Joon 14:1

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Ŋwàʼ Luk 24:41

Aáwune kù leey wun, jaay jaàyín, a yúy kishéʼrì, la á yòʼ tàv biìmé gheéy. Wù nèn lò, e dzə̀r jii, «Vèn kér kifá ke yi fèn gheéy á?»

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Ŋwàʼ Luk 10:42

a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

Matio 28:8

Vikìy víyi nèn tùmnín fo kitu ke sày, aá fan fànèn, kfə̀n shéʼri kinyo kee shooy feyì. Á nèn a nyeŋ ji á du, e fìʼtì e wón lìm Jesuse.

Joon 16:20

M suuy e vèn rúrú jii, vèn wíy siíy, a dìy, a sòv vitú, é wír veé ndzə fène wáa sheʼrí kév sheʼrín. Yii bèy, fo bàm, é nsòvkìtu won kfə́n é kisheʼrì.

Ŋwàʼ Luk 19:26

Wù suúy jii, ‹Vèn wáa kiíy jii, wìr wo wù kér séʼ e kitu ke kifa, á yíi dzə̀sì. Wír wo wù buŋen, aá maysi shishàr wo wù kérí, e gèr gérín.

Ŋwàʼ Jov 34:29

A Nyùy fə̀m dzə́, e làa yòʼ a ghay, a dzə̀ roòmè la wun? A wù bìn ndzə̀m e wíri, a dzə̀ yèn la wun? Yii bèy, kù kér wun wír, a kù kér wun kitúm,

Joon 16:16

«Bèr shishàr, é la vèn yòʼ dzəə wìy yèn mo. Shintàm shi lóo dàtìr, é vèn kfən yèn mo.»

Nsùyrì Nyùy 33:21

Rúrú, vèr shéʼri wun, wun wo yír rəə́ dzəə̀n e ránén. Vèr kù tiir vifií a dzə̀ e wun wùn.

Jeremia 31:12

Áwune wíy a wìy, a yòv, a yu vijuŋ e Gwan Sion. Á wíy a sheʼrí afómo ve Nyùy Tàr foon aáwune. Á wíy a sheʼrí vifá ve yi wùn à meluʼ mè, à meŋgvə́r mè, a sheʼrí ŋgoo se bvəy wùn à sé nàʼ si. Dzəʼə̀m yéví wíy a dzə moo kiboó ke kí rəsìn ghán sidzə̀m, é la áwune yòʼ dzəə wìy a ker kíghàʼ gheéy.

Joon 14:19

Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.