Joon 16:21 - ŊWÀʼ NYÙY

²¹ Wiíy yii lóo lùm, wù wàa sòv kitú, bìʼ fo ghán sə́ sé nyar si gheenen ne. Wù yií dzəə, wù nèn a sheʼrí a dzə̀ wír wo fíy wo wù kooyin, e làa yòʼ dzə́ə a kuumé nyár rə̀y.

Joon 16:21 Referans Kwoze

Nsùyrì Nyùy 113:9

Wù lo, wù fò wiíy woo kár láʼ, e yiì, wù kfə̀n ji yeè wòn, a sheʼrí. Á wáa burí Nyùy Tàr.

Aysaya 13:8

Wúné wíy a beemé áwune, é nyári sum áwune mo sòv sòv. Á wíy a buʼ e mvə̀m nyar mo wiíy yù wán. Wìr wíy a leéy wùmòʼ, é shúu wáa ma wun, a wìr dzə̀m kù sí kiʼ fan fan.

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.

Mayka 4:10

Éè wìr veé Jerusalem, vèn gbu, a buʼtí, a konsí moo wiíy wo wù lúm wán. Vèn kù sí lo, e màʼtì ŋkàlaʼ yen, e dù, e dzə̀ʼə̀m e tím kwaʼ wo wú dzəə̀n tèéter là kikiŋ. Vèn lo, e dù e nsay Babilon. Yii bèy, Nyùy Tàr yíi sə ven fó, e bòyìr ven fo aŋgàa vibàn véné wo.

Galatia 4:27

A vinyo vìn vi dzə̀ ve vé‑eè saŋen é Ŋwàʼ Nyùy jii: «Wò woo wiíy woo kár, wo bó à yòʼ dzəə wón, kú a sheʼrí. Wò, wo bó à yòʼ kiìn mo nyár wané koó, á sheʼ, a kwakír. Kú a kiíy jii, wón wiíy woo là lúme wíy kùʼ, e shaà vé wiíy wo wù dzə́ e wun nsaàlav.»

Kèʼlo 3:16

Fo ké wiíy ki, Nyùy suúy jii: «M wíy dzə̀sì ŋgeʼ yè e ŋàáŋàŋén é ghan se à dzəə̀n e bvə́me, e dzə̀sì nyár yé e ghan se à dzəə, aà kù wíy a baŋrí a dzə̀ lum wò, a kù wíy a ker wun sáʼ, áà wáa yu fo fo.»

Aysaya 21:3

Á bèy, mo woo Aysaya yén vinyo vìn, wúné tiíné mo, nyár ye m yúu wáa dzə moo yé wiíy wo wù lúmé. Vinyo ve m yuun, e kfə̀n yèn ví jívir mo, yii, a m fanè.

Aysaya 66:7

Nyùy Tàr wáa shaà fo mbìy, a suúy jii, «Ŋkàlaʼ rə̀n dzə̀ moo wiíy woo dzəə́, e bó a lum wán. Wiíy, wo wù dzəən wán lumèn, e bóo yu sòv wàn.

Mayka 4:9

Yii bèy, lèn və̀n, vèn waáme tóŋ bìʼ ka? Fòn yòʼ dzə̀ e věn mvəm a? Vèn tóŋ bìʼ fo fòn won wo wù‑uu tír ven làyìn ne à, é bo nyári sov ven mo wiíy yù wán?

Ŋwàʼ Jov 11:16

À wíy làysìn ŋgeʼ sé sidzə̀m, é sí shaa fo wò vifii moo ndzə́v ye yí léŋé.