Joon 16:20 - ŊWÀʼ NYÙY

²⁰ M suuy e vèn rúrú jii, vèn wíy siíy, a dìy, a sòv vitú, é wír veé ndzə fène wáa sheʼrí kév sheʼrín. Yii bèy, fo bàm, é nsòvkìtu won kfə́n é kisheʼrì.

Joon 16:20 Referans Kwoze

Jeem 1:2

Afə̀r vem, ŋgeʼ si lóo koóy ven, vèn kù a lì ji bòŋ a vishí vén, a fə̀m dzə̀ kfə́ə ŋgeʼ yee ka.

Matio 5:4

Bòŋ ké wìr ve á diy lèn, bìʼ fo Nyùy wíy səmér áwune.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

Maak 16:10

Wù nèn dù, e fìʼtì aàŋgàa ŋgoo Jesuse, aá diy, sov vitú.

Jeremia 31:25

M wíy rəə̀r wír ve á dorkin ne, e tavír wír ve á yòʼ dzəə́ kér kitar.»

Ŋwàʼ Jud 1:24

M nén a way ven a dzə̀ e Nyùy kiwo. Dzə̀ wun wo dzə̀ wù wàa tom ven fo vèn gbu, a yiì, é vèn wìy a tiy e wùn si là shilóm, a yen rán rə́ ye ghaʼáné, a sheʼrí.

Ŋwàʼ Luk 24:21

Vèr‑iì tiir vifií é wùn wó ji dzə̀ wun wo wù‑uù wíy tin wír veé Isray fo ŋgeʼ. Sì lèn vishiíy vitaár mo kinyo kee shooy ki‑ii kooyin.

Nsùyrì Nyùy 30:11

Wò‑oò lo bìnèr mendzən mem é vijùŋ, m wáa sèv. Wò‑oò sòr mensíy fo mǒ si, e màʼ ndzə̀y sé viwìr e mǒ wùn,

Nsùyrì Nyùy 30:5

Dòʼshwíiy və kù yii dzə́ shintàm shishàr, a wù kù shám wíri shamén là yar. A m fə̀m sə́ʼər mensíy vitsə́ʼə́, bo m kù bvəə́shi a sheʼrí kijàvndzə.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

Ŋwàʼ woó Rom 5:11

A bó yòʼ jòʼsì kishéʼrì ke vèsən wíy a ker e ghan see shooy. Vèsən sí yú vijuŋ lèn vèsən à Nyùy, mo Tàr wòsən Jesus Kristu yiìn ne, vèsən à Nyùy koó viŋkar.

Ŋwàʼ Luk 24:17

Wù nèn dzə̀r aáwune jii, «Vèn ghán, fer a dzə̀ ka ke á fer, gháy wún ben?» Áwune tiím, e sòv vitú.

Ŋwàʼ Luk 23:27

Wùn à Jesus ku nèn a dù, màŋgòŋ shém fó bàm e gháʼán. Aámóʼó dzə̀ vikìy, á wáa toŋnín, a taŋ ŋgeʼ sə́.

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

Ŋgaà Yen 18:7

Mo wù‑uù kóʼnin, yí kitú kfə́, á kù yíi sə̀r sa wun réŋréŋ bey, é wù wáa ŋeèy, a ser e kibvə̀r. Wù‑uù sévti jii, ‹M yéʼ e kàvàʼ, a sáʼ mo woŋ. M yòʼ dzə̀ wiíy ŋkfə. M yòʼ wíy a ser e vifù é ghan símóʼ sí ji m diy kpú lum.›

Ŋgaà Yen 11:10

a seŋ ji sà kpù rú wír vìn a. *Aŋgàa ntum Nyùy vee abaà víne‑eè mùm á vinyo feyì, kitú ke nsay ki yén ŋgeʼ ŋkóŋkóŋ. Aá nèn a seŋ bèy, a nyàvnìn, a yinín.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Joon 16:6

Yii bèy, mo suuyin ne mo lèn, vèn nén a dzə, a sòv a dzə̀ kitú.

Ŋwàʼ Luk 22:62

Wù nèn fəə̀ fó ndzə, a gheèsì, a dìy.

Ŋwàʼ Luk 22:45

Wù bùnrì, e màysì, e nànèn, e kfə̀n fo wón və́ lìme kì dzəə̀n, e yèn, aá buúne, bìʼ fo vé‑eè rə̀mèn vinyo e ŋàŋ, e nèn dòr.

Ŋwàʼ Luk 6:21

Bòŋ kén, ven ve á toóŋe jíŋ lèn, bìʼ fo á wíy yiír ven, é vèn kúrkír. Bòŋ kén, ven ve á diy lèn, bìʼ fo vèn wíy a kwaà shéʼ.

Maak 14:72

Kù mo wù suuy bèy, kiyuú ki nèn tòŋ ji akàŋ abaà. Wù yú, e kuùmé kinyo ke Jesus kì suuyin jii, «Kiyuú ki yíi lòo toŋ ji akàŋ abaà, aà méŋ ne mo akàŋ ataár.» Wù nèn tsə̀m wó e si, a dìy.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Aysaya 12:1

Ghán see shooy si wíy gheén, é vèn wáa burí Nyùy, é wìr wáa suúy jii, «M beerì wò Nyùy Tàr, fə̀m mo wò‑oò shwiiy kilòŋ wòsò, dòʼshwiíy wò‑oò mày ne, à rəə́r shilív shém.

Nsùyrì Nyùy 97:11

Wír vəə́ wáa sheʼrí wun mo á shéʼri ndzə ye yì ráné. Wír ve melív mev mè dzəə̀n tìítiyi wáa yu vijuŋ adzə̀m.

Ŋwàʼ Jov 20:5

Bó kí yòʼ‑oò dzə̀ ji vijuŋ ve wìr wo wù méŋ Nyùy vi yòʼ yii tíytiyì, a shéʼe yòʼ yii laáti e wír ve bií shuù à?

1 Tesalonika 1:6

Vèr kfə́n a kuumé sa mo vèn bìʼnìn ver, a dzə̀ ji vèn bìʼnìn a dzə̀ Tàr wòsən Jesus Kristu. Vèn‑eè biìmé kinyo ke Nyùy, á nèn a rəsí, a nyàvrì e vèn, vèn kú a way shilív, Kiyoy ke Ranén kí wáa yiì, vèn wáa ker kishéʼrì e věn meliv.

Joon 20:20

Wù shàʼtì bèy, e dìn wó rə́ aáwune, e kfə̀n dìn búu və́ nsaŋ. Áwune yén Tàr wov, a sheʼrí feyì.

Matio 21:38

Wír vìyi yén, a sí wiy wan ŋgaà sùm lèn, e nèn sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›