Joon 16:19 - ŊWÀʼ NYÙY

¹⁹ Jesus kiíy ji á taʼ, e dzər a kinyo, e dzə̀r jii, «Kinyo ke vèn gháynin kìn ki dzə̀ ke m kì suuyin ji bèr shishàr, é la vèn yòʼ dzəə wìy a yen mo, shintàm shi lóo dàtìr, aá kfən yèn à?

Joon 16:19 Referans Kwoze

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

Joon 16:16

«Bèr shishàr, é la vèn yòʼ dzəə wìy yèn mo. Shintàm shi lóo dàtìr, é vèn kfən yèn mo.»

Joon 14:19

Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

Joon 13:33

Jesus nèn kfə̀n yòŋ jii, «Wónen, bó m yòʼ dzəə́ yìi dzə̀ʼtì vèsən shinín. Vèn wíy siíy, a tàʼ mo, e làa yòʼ yen. A kù dzə̀ kíwun ke mò‑oò suuy e vé wòŋe ji bó yòʼ dzə̀ á wìy fo m du.

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Matio 9:4

Jesus kiíy kinyo ke áwune kwaʼtì, e dzə̀r jii, «Vèn kér kwaʼtì ye bií e věn meliv bìʼ ka?

Matio 6:8

Lá vèn yòʼ a yiì bèy. Vèn wáa kiíy jii, vèn lóo lon kifá, a Tàr won kì kìíy ne kifá ke kí gháʼ ven.

Maak 9:32

Wù suúy bey, la wón və́ lìme yòʼ kìíy, e nèn kfə̀n a fàn fó dzər sho.

Joon 6:61

Jesus ku nèn kìíy ji aŋgaà və́ ŋgoo sí ghvəvrì a kisúŋnìn kfə́, e dzə̀r jii, «A dzə̀ jí sin si yiì, vèn nyèŋ mo nyéŋén a?

Joon 16:18

Shintàm she wù yoŋ shìn shi dzə̀ sheé le? Vèsən yoʼ kìíy kinyo ke wù suuy kìn.»

Joon 16:23

«Wíy lóo dzə e ghan see shooy, é la vèn yòʼ dzə́ə a dzər kifá a dzə̀ e mò. M suuy ven kinyo ke ru kí jii, vèn wíy lon kifá a dzə̀ fo Tàr wor e mǒ yir, é wù ku nèn fò kíwun.

Joon 16:26

Sí wíy gheén, é vèn nèn a lon kifá ke á lón fo Tàr wor a dzə̀ e mǒ yir. A bó yòʼ dzə̀ ji wíy a lon mo fo Tàr wor ji wù fó kifá kee shooy e vèn.