Joon 16:15 - ŊWÀʼ NYÙY

¹⁵ Vinyo ve Tàr wor vidzə̀m vi dzə̀ sá vém. Á kinyo ke kí yiìn, bo m wáa suúy ji Kiyoy ke Nyùy kìn ki wíy lì a dzə̀ vinyo vém, a fèr e vèn.

Joon 16:15 Referans Kwoze

Joon 17:10

Wír ve m kér adzə̀me kù dzə̀ ji vé, a vée dzə̀ vém. A dzə̀ áwune vin ve á din mo vikuʼùy vém ví dzəə̀n.

Joon 3:35

Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Kolosia 1:19

A yì‑iì sìysì Nyùy bèy, bìʼ fo wù‑uù taʼ ji Wan və kú a dzə réŋréŋ vinyo vidzə̀m ji wun,

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Kolosia 2:9

Kristu dzə̀ kinyo kidzə̀m ji Nyùy. Mo wù‑uù liìn mbom wìr, vinyo ve Nyùy vi nén a yensín e wun wùn vidzə̀m.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Kolosia 2:3

Kù mày wun woo Kristu wo dzə̀ wù mvə̀ʼ vifií vé wìr, bo wù yén rán, e kìíy kinyo ke dzəə̀n ke ru kí.

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»