Joon 16:13 - ŊWÀʼ NYÙY

¹³ Wun woo Kiyoy ke Ranén kí wíy wìy, é wù yii, é vèn kiíy vinyo ve dzəə̀n ve ru ví vidzə̀m, bìʼ fo kù yii din wun kinyo ke dzəə̀n ke ru kí. A bó wù yòʼ wíy a suúy kinyo ji suuy wun. Wù kù wíy a tiisí a dzə̀ kinyo ke wù yú, a fèr ven vinyo ve ví dzəə́ wìy a koóy.

Joon 16:13 Referans Kwoze

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Joon 14:17

a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

1 Joon 2:27

M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

1 Joon 2:20

Bó vèn yòʼ dzə̀ moo wír vee shooy. Jesus Kristu fò ne ven Kiyoy ke Ranén kí, vèn wáa kiíy kinyo ke dzəə̀n ke ru kí.

Joon 12:49

Bó m yòʼ fiʼtì kinyo ji fiʼtì mo. M kù fiʼtì kinyo a dzə̀ ke Tàr wor wo wù tumen mo tiisin ji m wáa fìʼtì.

1 Joon 4:6

Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Ŋgaà Yen 1:19

Wù nèn kfə̀n sùúy e mò jii, «Sáŋ vinyo ve à yén vi vidzə̀m e ŋwàʼ, kìn dzə̀ ve ví sí kooyì, kìn ve ví dzəə́ wìy a koóy.

Joon 8:38

M fiʼtì vinyo a dzə̀ ve mò‑oò yenen e Tàr wór laʼ, a vèn yii kén vinyo a dzə̀ ve vén vee atàrí‑iì dànèn ven shó.»

2 Tesalonika 2:3

Vèn wáa yen fo wìr bóʼtí ven é kinyò kímóʼ kí. Vèn wáa kiíy ji bó yòʼ dzə̀ kishiíy kee shooy ki wìy a gheén, a bó wíri sí táŋ sáʼ Nyùy, é Fòn Vinyò ve Bi ví bvə́y, a dzə̀ wun woo shooy wo wù wíy dù e və̀y.

Ŋgaà Yen 1:1

Kinyo ke kí dzəə̀n é ŋwàʼ fèn ki dzə̀ ke Nyùy‑iì ghemrin ndzə e Jesus Kristu ji wù din e wír vəə́ mo vinyo vi yíi rəʼtí, a koóy. Kristu nèn tùm nshìylav rə, yì wìy, e yèn Joon woo ŋgaà lìm və, e dìn vinyo vee shooy sho.

2 Tesalonika 2:12

Aá biímé bey, é nsaʼ Nyùy nèn wìy koò áwune vee shooy adzə̀m ve á tenen kinyo ke ru kí, a jùmrì ké kisaŋ ki.

Lim Aŋgàa Ntum 27:24

e yòŋ mo jii, ‹Por, lá à yòʼ a fàn. À kér fó wìy tiím e Fòn woó Rom si, a Nyùy bùʼ ne wò jii, wìr fo ve vèn áwune dzəə̀n é kikoŋe yòʼ wíy lày.›

Joel 2:28

Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Lim Aŋgàa Ntum 20:23

Kinyo ke m kiìn cáʼ ki dzə̀ jii, virə́ʼ ve m shaa sho vidzə̀m, Kiyoy ke Ranén kí kù yii, a wíri tiísi e mò ji m wíy meé e Jerusalem, a ker a ŋgeʼ, aá wáy mo é sháŋ.

Joon 3:32

wù nén a fìʼtì sa a dzə̀ vinyo ve kù‑uù yén wun, kfə̀n yú e vituʼùr və́ ví. A bó wíri yòʼ fə̀m biíme kinyo kfə́ gheéy.

Lim Aŋgàa Ntum 11:28

Kiyoy ke Ranén kí nèn yiì, wùmòʼ woo wír nànèn, aá yoŋ ji Agabur, a tiisí jii, «Jìŋ ye ghaʼán wíy koo a woŋ dzə̀m.» Yì nèn wìy sìíy, a koo a dzə̀ é ghan se Kiladiyur‑iì dzəə̀n Fon woó *Rom.

Aysaya 11:2

Kiyoy ke Nyùy Tàr kí wíy a dzə wùn wun, a dànèr wun. Kí wíy fo wun vifií ve ru ví, e yiì, é wù wáa kiíy jeéyjeéy fó kinyò, e kfə̀n yiì, é wù wáa dzə ŋgaà saʼ wo ghaʼán, a kiíy mó a kwàŋrì vinyo veé wòŋ. Kí wíy yiì, é wù kiíy Nyùy Tàr, a ghvəm wun woo Taà Vitu.

Joon 16:12

«Vinyo vi dzə̀ə́ sho vinín ve kì dzə̀ m fèr e vèn, a bó yòʼ dzə̀ lèn vèn kìíy vidzə̀m.

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

1 Joon 5:6

Jesus Kristu və̀n‑eè lo wìy, a dzə e nsay fèn, e dù, á wáy wun e ndzəv. Wù kfən dù, á yúyrí wun, mensə́ mvə mè cùrkìr. Mo wù wìyìn bey, e làa yòʼ dù a dzə̀ é ndzəv cáʼcáʼ. Wù‑uù dù sá, á yúyrí wun, mensə́ mvə mè cùrkìr. A Kiyoy ke Ranén kí bínsi sa ji kinyo kee shooy ki‑iì lo kòóy a bèy, a kí yii suuy kfə́ a dzə̀ kinyo ke ru kí.