Joon 16:11 - ŊWÀʼ NYÙY

¹¹ Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

Joon 16:11 Referans Kwoze

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

Hibru 2:14

Wù wáa suúy bèy, a wón və́ vin adzə̀me kù dzə̀ wíri, aá kér wún, kér mensə́ mo wíri yii kérí. Wun woo Jesus nèn lì wún a dzə̀ wó wìr, e bìnkìr a dzə moo áwune ji wun fíʼ kpu, e ndzəə̀r vitaáví vé Satan ve dzə̀ wù lì wír wo wù sí kpú sho.

Kolosia 2:15

Wù yiì bèy, e nèn màʼ anyùy wùn à vitú vév vé saʼ vi. Mo Kristu kpuun é kintam, kí nèn a dzə ji Nyùy wày ne áwune é njoy, a toʼnín wáy shó moo wír ve á koon fó kwaʼ rər, a wìy, a binsí mbeeteé.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Ŋgaà Yen 1:7

Vèn wáa kiíy ji Jesus waà sí wiyì, a wù wíy fəəsín a dzə̀ fó mvə̀m mbàʼ, é wìr dzə̀m yén e sí yéví. Wír ve vé‑eè sòvìn nsaŋ rə e kòŋé víyi wíy yen sa, é vitúm veé kitu ke nsay vidzə̀m vi yén wun, a yàʼ, a toŋnín. A kù dzə̀ mo kí wíy a dzə. Amen.

2 Pita 3:7

A kù dzə̀ mo wù‑uù suuyin sá ji nsay wùn à yúv wo wú dzəə̀n lène waà wíy shwi, a wù shiy a dzə̀ kishiíy ke wù wíy saʼ wír ve á méŋ wun adzə̀m, e laàr.

Hibru 9:27

Wìr kù yii kpú kàŋ mòʼón. Mo wù kpuun, wù nèn a shìy a dzə̀ ghán sé nsaʼ.

Hibru 6:2

A bó yòʼ dzə̀ sá á kfə̀n rə̀sí, a yeʼéy ven mo dzə̀ á wày wír e ndzəv, kìn mo dzə̀ á neèr wó e wìr kitu, e bùnrì fo fo. A bó yòʼ dzə̀ sá, á kfə̀n a yìmrì yìmrìn ji Nyùy wíy fəə́r ven fó kpu, a fìʼ mo nsaʼ kinjòʼsìbàm wíy a dzə.

Efesor 2:2

Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Lim Aŋgàa Ntum 10:42

wù wáa suúy e vèr ji á wáa fìʼtì kinyo ke Nyùy e wíri, a suúy a jii, Nyùy‑iì lèm a dzə̀ wun woo Jesus ji wír wo wù wíy saʼ nsaʼ wìr ve tine wùn aàŋkfəə.

Ŋwàʼ Luk 10:18

Jesus bìnèr jii, «Dzə̀ rú, mò‑oò lo yèn, a Satan njáʼám fó yuv, e gbù e nsay moo kishèv.

Matio 12:36

A m suuy e vèn jii, wíy lòo dzə e kishiíy ké nsaʼ, é wìr kú a taŋrí jí se kisaŋ si se sí‑iì fəə́ fo wùn shuù. Wù kù wíy taŋrí feyì e mòʼón, e mòʼón, a yì fə̀m dòr é le.

Matio 12:18

«Vèn yén ŋgaà wom lìm wo m shoʼon. M koŋ wun e ŋàŋ, a shilív shém shí tíy a dzə̀ é wùn wó. M wíy fo Kiyoy kém shó, é wù wáa fìʼtì sáʼ ye dzəə̀n yee réŋ e vitúm ve bó yòʼ dzəə̀n wír veé Isray vi.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Ŋwàʼ woó Rom 16:20

Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.

Ŋwàʼ woó Rom 2:16

A kù dzə̀ mo sáʼka Nyùy wo m fiʼtì və̀n din ji Nyùy wíy tinén nsaʼ wìr dzə̀m. Wíy lòo dzə e kishiíy fóo fèy, é wáa ghemrí Taàtá Jesus Kristu vinyo ve wíri lem aáwuné meliv vidzə̀m, e bó a tinén nsaʼ yev shó.

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Lim Aŋgàa Ntum 24:25

Wù yiì lò, a naàrì mo dzə̀ wìr wàa dzə kijuŋ, a kuʼtí wún fó jay kinyo, e kfə̀n a suúy ji Nyùy wíy tinén a nsaʼ wìr dzə̀m. Feliy nèn fàn, e sùúy jii, a dzə̀ à wàa dù lèn, m wíy koóy ghán, é m kfən jàŋ wò, e yù kinyo ké.

Joon 16:12

«Vinyo vi dzə̀ə́ sho vinín ve kì dzə̀ m fèr e vèn, a bó yòʼ dzə̀ lèn vèn kìíy vidzə̀m.