Joon 16:1 - ŊWÀʼ NYÙY

¹ «M fèr ne vinyo vìn vidzə̀m e vèn fo melív men mè wìy sìíy, a weèy.

Joon 16:1 Referans Kwoze

1 Pita 2:8

Kí kfə́n a dzə mo vé‑eè saŋen sá jii: «Tíy rəne wíy a yiì, é wíri wáa bàyrìn sho. Kilán, a wíri wíy a gbùkìr sho.» Á ku nèn a bàyrìn sho bèy, a dzə̀ bìʼ fo á tenen fó yu jí Nyùy, réŋréŋ mo Nyùy‑iì sìysìn ji kí wíy koóy áwune.

Matio 13:21

Wù nén a dzə moo kifá kee là gháŋ, e làa yòʼ a tiytíy. Ŋgeʼ wùn à vibàn ví keʼ bìʼ kinyo ke Nyùy kee shooy, wù nèn bìn ndzə̀m.

Joon 16:4

M sùúy ne vinyo vìn e vèn lèn ji ví wíy lóo koóy, é vèn nèn a kuumé ji mò‑oò ló a suúy e vèn fó ghan. «A bó m yòʼ‑oò lo tàv, a suúy vinyo vìn e vèn, bìʼ fo kù‑uù rə́si dzə́ vèsən.

Matio 24:10

Kí kooy bèy, é wíri bin ndzə̀m e mò anín, e bìnkìr, a bàn afə́r vév, a kar menàŋ aáwuné bàm.

Ŋwàʼ woó Rom 14:21

Kí nen ghèén ji vèsən léʼ á vifá vidzə̀m ve dzə̀ ví yiì, fər wòsən jày kinyo. Kìn dzə̀ meluʼ, lá wìr yòʼ dzə́ə a no, kìn dzə̀ nyám, lá wìr yòʼ dzə́ə a yi.

Matio 13:57

Áwune dzə́tí bey, e nèn kèʼ, a meŋ wun. Jesus nèn lò, e sùúy aáwune jii, «Wíri yii ghvə́m *ŋgaà ntum Nyùy virə́ʼ vidzə̀m, a kù jòʼsì wír vee áwuné ntèʼ wùn à vee wùn kfəə.»

Matio 11:6

A kishéʼrì ki dzə̀ ké wìr wo bó wù yòʼ méŋnin mo.»

Joon 15:11

M sùúy ne vinyo vìn e vèn ben, é kishéʼrì ke kí dzəə̀n e mǒ shiliv kí fíʼ a dzə sa e věn meliv, é vèn maysi rú, a ker kishéʼrì.

Filipi 1:10

Vèn lóo səə̀m, é vèn nèn a fəə́r a dzə̀ ve juujùŋ vi, é wíy lóo dzə e kishiíy ke Jesus Kristu kfə́n e bàm, é vèn wáa tiy e wùn si là nsem, a wàrkìr.