Joon 15:8 - ŊWÀʼ NYÙY

⁸ Vèn lóo dzə moo tám wo wú koom kijuŋ, bo vèn kóʼor a dzə̀ yír Tàr wor, din ji vèn dzə̀ rú wír vém.

Joon 15:8 Referans Kwoze

Joon 8:31

Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

Matio 5:16

Kù dzə̀ sá mo vèn wáa fo rán e wíri. Vèn wáa dìn wíri a dzə̀ vinyo ve ru ví, á lóo yen, aá wáa burí Tàr won wo wù dzəə̀n é yuv.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Joon 15:5

Dzə̀ mo kitiír, a vèn dzə̀ kén ji tám si. Wìr wo wù tíy e mǒ wùn, a m tíy vèr ŋgaàŋ, dzə̀ moo tám wo wú koom kijuŋ. A bó yòʼ dzə̀ wìr yiì kinyo ke ru kí gheéy, a bó ŋgaàŋ kù tíy e mǒ wùn.

1 Pita 4:11

A Nyùy bùʼ wír, wù kiíy mo dzə̀ wù fìʼtì kinyo, ŋgaàŋ wàa fìʼtì a dzə̀ kinyo ke kí lo fo Nyùy. A wo wìr woo mbùʼmé dzə̀ ji wù wáa sə wíri, ŋgaàŋ kù bàʼtí vitaáví ve Nyùy foon e wun vee shooy vidzə̀m, a sə wíri shó kijuŋ. Vèn ku nèn a yiì vinyo vidzə̀m bèy, ji wíri fíʼ a burí Nyùy bìʼ Jesus Kristu wo wù bánri ven, é bo á wáa yiì. Vèsən wáa burí wun, a koʼór yír rə́, é sáʼ rəə́ wáa dù fo mbìy viyá viyá, là may. Amen.

Joon 13:35

Vèn lóo kòŋnìn bèy, é wír adzə̀me nèn yèn rú ji vèn dzə̀ wír vém.»

Aysaya 60:21

Wír vén adzə̀m veé Israyi wíy a ghan e Nyùy mbòv. Áwune wíy yòv nsay ji vitsə́ʼ vév ŋkuuŋkùŋ. Áwune wíy a dzə moo kitiír ke m bìyìn. Dzə̀ wír vém féyì feyì, a bòm mo áwune e wó yémé. M yiì bèy ji wíri fíʼ a burí mo.

1 Korin 10:31

M nén a suúy kém jii, a wìr fə̀m yí kifá ke yiín kí, kìn wù nó a dzə̀ ke noón kí, vèn kù a yiì vinyo vee shoon vidzə̀m ji wíri wáa yen, a burí a dzə̀ á Nyùy.

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

1 Korin 6:20

Wù‑uù yùn ne ven, e tàŋ káv e gháʼán. Vèn ku nèn a lì wún wón, a yiì vinyo sho a dzə̀ ve á wáa burí Nyùy.

Ŋwàʼ Luk 6:35

Ke kí dzəə̀n kí dzə̀ jii, vèn wáa kòŋ aŋgaà vén vibàn, a yiì kijuŋ aáwune, e kfə̀n a foòr kifá, e làa yòʼ a shìy ji á wíy siìr. Vèn lóo yiì bèy, é wìy laàmé Nyùy ven kijuujùŋ, é vèn kfə́n a dzə wón wun woo Nyùy woo Taà Vitu, bìʼ fo vèn yii a dzə̀ mo wù yii sa. Wù yii vinyo ve juŋ vi e wír ve bií, a bó á yòʼ fə̀m beerì wun.

Hagay 1:8

Vèn lo lèn, e kòʼ áàgwan, e tòʼ vicí ví, e wìy sho, e bàʼrì lav cù, é m wáa yu vijuŋ sho, é vèn wáa cù mo, mo kì dzə̀ á wàa cù.› Suuy mo woo Nyùy Tàr.

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

Titur 2:10

e làa yòʼ a shwìvìr kifá. Áwune kú a yiì vinyo tìítiy, a dìn ji áwune dzə̀ á wír vee réŋ. Á lóo yiì bèy, é wíri nèn a yen duŋrì ye vèsən duŋrì kùm Nyùy wo wù luŋèr vèsən ji kinyo.

Titur 2:5

Aá kfə́n a kiíy sa mo dzə̀ á wàa kwàʼtì kinyo, e bó a yiì, e làa yòʼ a leéy ndzə. Á wáa leéy a dzə̀ fo áwuné nsaàlav kijuŋ, a ker liì wo juŋ, a yu fo alúm véví. Á lóo yiì bèy, é la wìr yòʼ dzə́ə a nyàysì kinyo ke Nyùy ke vèsən áwune tíy sho.

Matio 5:44

Yii bèy, a m duŋrì kém jii, vèn wáa kòŋ aŋgaà vén vibàn, a bùnrì a fo wír ve á nəʼsì vené.

Matio 9:8

Màŋgòŋ wo wù‑uù dzəə̀n fó yén kinyo ke kí kooyin, a ker gháʼ, a burí Nyùy wo wù foon vitaáví vee ben e wìr.