Joon 15:6 - ŊWÀʼ NYÙY

⁶ Wìr wo bó wù yòʼ tíy e mǒ wùn nén a dzə moo tám wo á faàn, e màʼày, wú yúm. Á lo, á bàʼtí, e tòn a dzə̀ é və̀y.

Joon 15:6 Referans Kwoze

Matio 7:19

Lóo dzə vicí ve bó ví yòʼ koom vifá ve juŋ vi, á gwàr vee shooy vidzə̀m, a tòn tònèn.

Joon 15:2

Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Matio 13:41

A kí dzə̀ jii, ŋgaà wo yírí dzəə̀n Wanwìr wíy tum nshèelav sə́, é sí tar wír ve á yii vinyo ve bi ví, kfə̀n báyir wír ámóʼó, aá yii sa bèy. Á tarì, aá nèn fə̀ə́r fo wùn mvə̀m saʼ,

Matio 3:10

Vèn wáa kiíy jii, á nàn ne njàm ji á sí gwar vicí ve bó ví yòʼ koom vifá ve juŋ vi vidzə̀m. Aá yíi mèn, à gháŋé shó, e tòn e və̀y.»

2 Pita 2:20

Vèn wáa kiíy jii, a wìr kìíy ne Taàtá wòsən Jesus Kristu wo wù‑uù tinen vèsən fó lòn, a leʼ vinyo ve ví‑iì bívir wun e ndzə fèn, e kfə̀n lò, a way kiwó e vinyò foo fèy, bo ké ŋgaàŋ ki bìr ne lèn, e shaà kee fó mbìy.

Hibru 10:27

Wù kù sí dzə́, fan a dzə̀ ghán se Nyùy wíy saʼ wun, e way e ŋgeʼ, bìʼ fo və́y wo ghaʼáné wíy tòn wír ve á ban Nyùy adzə̀m, aá bvə́ʼə́y.

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

1 Joon 2:19

A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

Esiker 17:9

«Á bèy, mo woo Nyùy Tàr woo Taà Ndzə nén a ghay jii, ‹Kí sà kù yòʼ wíy kuy a vèné? Wo mbìy woo lùŋ sà yòʼ wíy dzə̀n gháŋ, e kuúy báŋ si, e kivtí tám se sí teʼè, é kí yóvrí á? Bó kí yòʼ wíy a tàʼ wír woo ntav wo wù dzən. Kí yòʼ wíy a tàʼ mànjòŋ wo wiy wo wù men.

Aysaya 14:19

Yii bèy, à yíi lày ké, é la á yòʼ lìtì wò. Á yíi màʼày dzə́n yé máʼayin moo tám kici wo á faàn, e màʼ. Dzə́n yée kù yíi a neŋ e shùu rər, a neŋ wùn à sé wìr ámóʼó sí mo á gwàtìn fó. Dzə́n se wíri shaa, nyeŋrì, aá kù yíi kuusí a dzə̀ é bií vilan.

Nsùyrì Nyùy 80:15

kitiír ke wò‑oò bìyìn e wó yée.

Ŋwàʼ Jov 15:30

Wù yòʼ wíy bòy fo kpúu wo. Wù kù wíy a dzə moo kicí ke və́yí tònèn ne tám si, é Nyùy yoy yóyin, e fèér wun.

Matio 27:5

Judar nèn màʼ mbàm sìy e lav cù, e fəə̀, e dù, e kèsìn.

Aysaya 27:10

Ŋkà se laʼ se á kìŋsìn e káyi sí sí tíynin e vifə̀m, a wìr dzə̀m woo fó léʼ ne, e màʼày fó. Ŋkà se laʼ sìn si sì moo wóʼ fo nyám si ghán, taʼ yí. Kù dzə̀ fó, fo sí sí meemè, sooy tám se vici.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

2 Samuel 23:7

Á kù wíy tòn tònèn, aá shwí, e rèŋ. Á lóo baʼtí, á tàʼ a dzə̀ kifá ke kishà ki, kìn à li shwán kòŋ, bóo baʼtí sho.»