Joon 15:5 - ŊWÀʼ NYÙY

⁵ Dzə̀ mo kitiír, a vèn dzə̀ kén ji tám si. Wìr wo wù tíy e mǒ wùn, a m tíy vèr ŋgaàŋ, dzə̀ moo tám wo wú koom kijuŋ. A bó yòʼ dzə̀ wìr yiì kinyo ke ru kí gheéy, a bó ŋgaàŋ kù tíy e mǒ wùn.

Joon 15:5 Referans Kwoze

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

2 Korin 13:8

A kù dzə̀ mo dzə̀ vèr wàa tomrí a dzə̀ kinyo ke ru kí, a bó yòʼ dzə̀ vèr wàa sèmèr.

Joon 5:19

Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Joon 12:24

Vèn wáa kiíy rúrú jii, a ŋgoòy kifa dzə̀ là fóo nəə́ e nsay, e kpu, bo kù dzə̀ yì jòʼsì sí e mòʼón. Yì nəə e nsay, kpú, bo kitiír kí wìy sìíy, e fò yìmòʼ yee ŋgoòy e nín.

Ŋwàʼ woó Rom 7:4

Afə̀r vem, kù dzə̀ sá mo kén kí dzəə̀n. Vèn‑eè dzə́ fo mbìy, tur dzə́ə a dzə̀ fó nsər ji á fíʼ gheén fo Nyùy. Yii bèy, mo vèn tatin ne lèn vèn à Kristu, wáa dzə mo vèn kpù kpú ye wù‑uù kpuun, bo vèn à nsər jàvsìn ne, a vèn sì wír wun woo Kristu wo Nyùy‑iì fəərin fó kpu. Vèsən adzə̀m nén a dzə sa lèn a dzə̀ bìʼ wun, wù wáa dànèr vèsən, á wáa yiì vinyo ve ví gheenen fo Nyùy.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Joon 9:33

A wìr və̀n kì bùŋ fó wìr Nyùy, bo bó yòʼ dzə̀ wù yiì kinyo kee ben.»

Filipi 4:17

A bó m yòʼ suuy bèn ji m shéʼri a dzə̀ vifá ve vèn‑eè fó e mò. M shéʼri a dzə̀ vilaámé ve Nyùy wíy laamé ven shó bìʼ kinyo ke vèn yii e mò kin.

Ŋwàʼ woó Rom 6:22

Vèn dzə́ lèn, a Nyùy tín ne ven fó vikwàn vé vinyò ve bi ví. Vèn sì akwàn a dzə̀ vé wun woo Nyùy. Séʼ won woo lèn nén a dzə wo Nyùy sə́ ven, a vèn kér liì a dzə̀ wo wìr və́, du, e nəə́ e dzə̀ʼə̀m yee là may.

Lim Aŋgàa Ntum 4:12

A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»

1 Korin 12:12

A dzə̀ vèsən fìʼsìn kinyo kìn a dzə̀ mo wún wìri dzəə̀n. Wú kér vibar vinín, yii bèy, a kù dzə̀ ji wún e mòʼón. Mo vibar ve wùn vin vi yùŋsìn, e fèr wún wìr e mòʼón, kù dzə̀ réŋréŋ sá mo kintatì ke wìr Kristu ki dzəə̀n.

1 Pita 2:4

Vèn wáa koʼtí rì a dzə̀ e wùn ghaŋ. Fó wun dzəʼə̀m yee là may rə̀n. A dzə̀ wun tíy ye vé‑eè yoŋ e Ŋwàʼ Nyùy ji Nyùy‑iì tày ji yee jeéy, é bo wíri siíy, e lèéy ntéŋ.

1 Korin 12:27

Ké wùn wo dzəə̀n wó Jesus Kristu ki nén a dzə jii, dzə̀ á ven vin ve dzəə̀n wún və́ woo shooy, a wìr mòʼón mòʼón dzə̀ kibar kfə́ ké wùn kímóʼ kí.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

2 Korin 9:10

Wun woo Nyùy wo wù fó ŋgoòy se vifa e ŋgaà sùm, a sí kúy, kuʼ, a wù kooy vifá ve yi kijuŋ, kù yíi a dzə̀sì sa vén vee vifá, é ví wáa kùʼ, é vèn wáa jàv, a yiì vinyo ve juŋ vi shó, a dù duùn fó mbìy.

Kolosia 1:6

Sáʼka və̀n sí ghán lèn virə́ʼ vidzə̀m, du duùn fó mbìy, yii, a wíri yú vijuŋ anín. A kù dzə̀ mo sáʼka woo shooy yii e věn mvəm, e kèʼ fo kishiíy ké mbìy ki ke vé‑eè wìyìn, e fìʼtì e vèn. Vèn‑eè yù mo Nyùy koŋ ven, shám ven, vèn nèn kìíy ji dzə̀ á kinyo ke ru kí.

Ŋwàʼ woó Rom 12:5

Kù dzə̀ sá réŋréŋ mo vèsən loòn wír anín jeéy jeéy, vèsən à Jesus Kristu tátí, a dzə ji wún e mòʼón, a wìr tóm wír, a wìr tóm wír.

1 Korin 10:16

Mo vèsən lo, á lì bàr melùʼ, e beèrì Nyùy, a no fo fo, bo bó vèsən yòʼ tàtí, a tinnín a dzə̀ bàr mensə me Kristu à? Vèsən kfə́n lóo beʼtí kibán keé ghan see shooy, lóo yi, bo bó vèsən yòʼ tàtí a dzə̀ é kitu ke njinìn kikoŋ wo dzəə̀n wún Kristu à?

Hosea 4:8

Vèn sí kuʼkìr a dzə̀ fó cù ajay ye wíri jáy vinyo, wiy sho. Vèn ku nèn a tàʼ kén ji wíri kú a jay vinyo, a tonén tonén.

Matio 13:21

Wù nén a dzə moo kifá kee là gháŋ, e làa yòʼ a tiytíy. Ŋgeʼ wùn à vibàn ví keʼ bìʼ kinyo ke Nyùy kee shooy, wù nèn bìn ndzə̀m.