Joon 15:4 - ŊWÀʼ NYÙY

⁴ Vèn kú a tiy a dzə̀ e mǒ wùn, é m nèn a tiy sa vèsən. Mo bó yòʼ dzə̀ tám kifa wú kòóm, a bó wú jáv a dzə̀ fó kitiír, dzə̀ réŋréŋ sá mo bó yòʼ dzə̀ vèn wàa yiì kinyo ke ru kí, a bó vèn yòʼ tíy e mǒ wùn.

Joon 15:4 Referans Kwoze

1 Joon 2:6

a wìr suuy ji wun tíy kfə́ wùn Nyùy, wù kù a ker a liì a dzə̀ wo Jesus‑eè kérí.

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

Joon 8:31

Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

2 Korin 13:5

Vèn ku nèn a sayrí vitú vén, a leéy ji vèn sà kù yòʼ tíy réŋréŋ é kinyò ke vèn‑eè biimen á. Bó vèn yòʼ kì ji Jesus Kristu dzə̀ e věn meliv a? Kù mày cáʼ jii, a vèn bùŋ fó wìr və́, bo wù búŋ fo věn meliv.

Kolosia 2:6

Mo vèn biimen ne ji Tàr won sì Jesus Kristu, vèn ku nèn a yiì vinyo a dzə̀ vé wìr ve dzəə̀n və́.

Kolosia 1:27

A kù dzə̀ mo wù‑uù sìysìn ji wun wíy yiì, é wír vəə́ kiíy á kinyo ke wù‑uù lìtìn kin, kee ji wun wíy bùʼ vitúm vidzə̀m e vijuŋ ve ghaʼán ví. Mo Jesus Kristu siìn e věn meliv, a dzə̀ vèn kìíy ji vèn wíy nəə́ e wun woo Nyùy mvə̀m vijùŋ veé yuv.

Lim Aŋgàa Ntum 14:22

Á wáa ghan bèy, a lùmèr melív me aŋgàa biimé, a tir áwune ji á kú a ghar kinyo ke Jesus kijuŋ, a kiíy a ji wùn áwune kér fó wìy yen ŋgeʼ sinín, e bóo wìy nəə́ e Nyùy mvə̀m saʼ.

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Hosea 14:8

Wír veé Isray, m yòʼ kfə̀n kér fó wìy yu kinyo kímóʼ kí ji mebvə̀m me vèn ghvə́mé. Dzə̀ mo wo m yú bunrì yén, leey fo vèn. M dzə̀ moo kicí ké dzəʼə̀y ke kí teʼ, boʼrì ghán sidzə̀m, kiŋsìn ven. Kisəəvì kén kidzə̀m ki kù lo a dzə̀ fo mò.»

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

Lim Aŋgàa Ntum 11:23

Wù dù, e mèé fo, e yèn mo Nyùy bùʼùn wír vìy e vijuŋ vi, wù wáa sheʼrí, a tir áwune ji á kú a tiy a wùn à Taàtá Jesus shilív shimòʼón.

Kolosia 1:23

A dzə̀ mo vèn à Nyùy kù wíy a dzə bèy, a vèn fen ghàr kinyo kfə́, a tiy sho kitávín, a leéy a dzə̀ fó mbìy ji vèn ku wìy nə̀ə́ e vijùŋ ve wù kàʼàn wír və́ shó. A dzə̀ víwun ve vèn‑eè yuun é ghan se vé‑eè wìyìn, a fìʼtì sáʼka Nyùy wo juŋ e vèn réŋréŋ mo á sí fiʼtì lèn virə́ʼ vidzə̀m, a dzə̀ yíwun yee lim ye Nyùy wayin e mo woo Por kiwo.

1 Tesalonika 3:5

Mo mò‑oò sí rəm vinyo vìn vidzə̀m, a ví tárir mo, m nen yèn ji bó yòʼ dzə̀ m kfə̀n a siʼsíʼ, e tùm Timoti fo vèn ji wù wiy, e lèéy a ji vèn sà kù dzəə́ wáy shilív e Nyùy wùn á? A mò‑oò fan fo kí wáa dzə ji kìn Satan woo ŋgaà mùm bìnèr ne ven, é lim yérí lay kisáŋ.

Yòv Viŋgér 8:5

Yímóy, kóʼ la fó kirə̀ʼ ké woʼ, kóʼ bèn, kóyti ŋkar rə tìm? Tàr à wíri, mò‑oò nyànyày wò e sar kici ké baŋ se nyomèn sí. Dzə̀ fó, fo yè won‑eè boŋen bvəm yé, a kù dzə̀ fó, fo wù‑uù lumen, e bóo dzəə́ wò.

Hibru 10:39

Mo Nyùy fə̀m suuy bèy, bó vèsən yòʼ dzə̀ wír ve á tsəʼtì wún é bàm, e wìy nəə́ e kpu yee ŋkuuŋkùŋ, e lày. Vèsən dzə̀ késən, aá wày a dzə̀ shilív e Nyùy wùn, a kiíy ji wù wíy lùŋèr a vèsən.

Matio 12:33

«Á yii kiiy kicí ke dzə á yì a dzə̀ fó kifa ke kí koom sho. Kí koom kifá ke juŋ ki, la kí yòʼ dzəə kòóm ke bi kí. Kí koóm ke bi kí, la kí yòʼ dzəə kòóm ke juŋ ki.