Joon 15:26 - ŊWÀʼ NYÙY

²⁶ «Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

Joon 15:26 Referans Kwoze

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Lim Aŋgàa Ntum 5:32

Vèr ku nèn a fìʼtì vinyo vee shooy. A fiʼtì vèr à Kiyoy ke Ranén kí ke Nyùy fó e wír ve á yú wune adzə̀m.»

Lim Aŋgàa Ntum 15:8

A Nyùy wo wù kiìn melív me wìr dzə̀m‑eè lo bìnsí áwune ji wír və́. Wù‑uù fò áwune Kiyoy ke Ranén kí, réŋréŋ mo wù‑uù foon e vèsən fó mbìy.

Ŋwàʼ Luk 24:49

Vèn wáa kiíy jii, m yíi tsənsí ven mbùʼmé wo Tàr wor‑iì kàʼàn ven shó. Kí nén a dzə jii, vèn goʼ é mvə̀mlaʼ fèn, e dù, e meé e ghan se Nyùy wíy fo ven vitaáví ve ví loòn fó yuv.»

Ŋgaà Yen 22:1

Nshìylav Nyùy rə̀y nèn dìn mo ndzə́v ye wìr nó, wù wàa ker dzəʼə̀m yee là may. A yí rán ji rèéŋ moo kileèy, fəə́ fo sar kàvàʼ wo dzəə̀n wo Nyùy wùn Wàn Njiì və,

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

1 Korin 1:6

A dzə̀ sá mo vèn‑eè yuun kinyo ke Jesus Kristu, e ghàr, kí tuúy e věn meliv.

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Lim Aŋgàa Ntum 1:4

Wùn áwune wáa dzə bèy, wù nèn fò nsər aáwune jii, «Vèn wíy siiy, lá vèn yòʼ lò fo Jerusalem. Vèn wáa shìy ŋkàʼme Nyùy Tàr wo mò‑oò suuyin e vèn.