Joon 15:25 - ŊWÀʼ NYÙY

²⁵ A kí kooy bèy ji kinyo ke vé‑eè saŋen é Ŋwàʼ Nyùy jii: ‹Vé‑eè ban mo kisáŋ›, ki fiʼ ghèén.

Joon 15:25 Referans Kwoze

Nsùyrì Nyùy 109:3

Á sùm ne mo e vibàn ví, guutì mo, a m dzə̀ là njò.

Nsùyrì Nyùy 69:4

Wír ve á ban mo kisáŋe kùʼ ne. Á kùʼ, e shaà nə́ŋ see mǒ kitu. Wír ve á taʼ e laàr moó ghàʼ féyì. Áwune gim mo e kimboʼtì ki, kan mo ji m siir á kifá ke bó m yoʼ shòŋ.

Nsùyrì Nyùy 35:19

Ku màʼ wír ve á ban mo kisáŋe, é la áwune yòʼ a yòv nsiì e mǒ kitu. Sə̀r wír ve á ban mo là jayi. Lá à yòʼ biìmé, aá wáa sheʼ ŋgeʼ sém.

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

2 Korin 11:7

Mo mò‑oò jayin ne, e bóo wìy, a fìʼtì sáʼka Nyùy wo juŋ e vèn kisáŋ, bo m kù‑uù jày ne. Bó m fèn‑eè jày jáyín, e bóo lì kitú kém shishàr ji m fíʼ koʼór ven á?

Ŋgaà Yen 21:6

Wù kfən sùúy e mò jii, «Nsìysì wom ghèén ne lán e dzə̀m. Dzə̀ mo *Alfa wùn *Omega, a dzə̀ jii, Keʼ wùn à Kinjòʼsì kí. M wíy a fo mendzə́v me dzəə̀n dzəʼə̀m yee là may e wìr wo kilòŋ kí yúm e dzə̀m, a mè fəə́ fo mǒ dàn ghán sidzə̀m, aá nó kisáŋ,

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

2 Tesalonika 3:8

Vèr yòʼ‑oò ló a yi kifá ke wìr kisáŋ. Vèr‑iì lim e shùy, lim vitsə́ʼ, túŋ akwiiròn, e bó a ker kifá ké a yi, bìʼ fo vèr yòʼ‑oò taʼ, e way wír wùmòʼ é kibèʼèy.

Galatia 2:21

A dzə̀ la m yòʼ màʼày kilíŋ ke Nyùy bùʼùn mo shó ji və́ə woo wír. A bèn dzə̀ rú ji dzə̀ wìr ghèén fo Nyùy ji bìʼ fo wù kì lem nsər, bo Kristu‑uù kpù kisáŋ.

Ŋwàʼ woó Rom 3:24

Yii bèy, mo Jesus Kristu wìyìn ne, e tìn wíri fó lǒn vinyò ve bi ví, a dzə̀ Nyùy lì áwune lèn adzə̀m ji wír vee là jay, é wáa dzə fómo wo wù buʼ áwune shó kisáŋ.

Ŋwàʼ woó Rom 3:19

Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev.

Joon 10:34

Jesus bìnèr jii, «Vé‑eè sàŋ e věn Ŋwàʼ Nyùy ji Nyùy‑iì suuy a jii, ‹Vèn dzə̀ sá ji anyùy›,

Nsùyrì Nyùy 7:4

a m fə̀m fiìnè ŋkar yem e ŋgaà və vibàn, kìn ji m kùúy vifá ve ŋgaà wom vibàn kisáŋ,

Joon 19:36

A vinyo vee shooy vi‑iì kooy bèy ji vinyo ve vé‑eè saŋen é Ŋwàʼ Nyùy vi fiʼ ghèén. Vé‑eè sàŋ jii, «Bó á yòʼ wíy beʼ kighvə́r kfə́ kimòʼón gheéy.»

Matio 10:8

Vèn kfə́n a fèr vé yàsíi, a yìm aŋkfə, aá wáa fəəkír fo kpu, a fèr aŋgàa shìvnsay, a kàntì anyùy, aá wáa màʼtì wíri. M fò ne vitaáví vin e vèn kisáŋ, vèn du ri, a sə sa wíri shó kisáŋ.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›