Joon 15:24 - ŊWÀʼ NYÙY

²⁴ A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Joon 15:24 Referans Kwoze

Joon 14:9

Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 10:37

A vèn yén, a vinyo ve m yii vìn vi yòʼ lo a dzə̀ fo Tàr wor Nyùy, la vèn yòʼ a biìmé kinyo kém.

Joon 10:32

Wù dzə́r aáwune jii, «Vèn‑eè ló a yen, a m yii vinyo ve juŋ vi vinín, a ví lo a dzə̀ fo Tàr wor. Fo vinyò fèn, vèn taʼ ji vèn yúyrí mo a dzə̀ fo kiné kí lèn?»

Joon 9:32

Kèʼ mo ndzə‑əə̀ kèʼèn, bó á yòʼ‑oò yù ne ji wìr kì mvə̀ʼ sí wìr wo vé‑eè dzəən, a sì mfìr.

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Matio 9:33

Jesus kàntì nyùy woo shooy, wù màʼtì, wù nèn kèʼ, a suŋnín. Màŋgòŋ wo wù‑uù dzəə̀n fó yén, a ker gháʼ, a suúy jii, bó á yòʼ‑oò yiì yèn á rá kinyò kee moo kin e wòŋ Isray.

Remrí 5:9

Lá vèn yòʼ a ghvəm, lá vèn yòʼ a cù mebvə̀m mee shooy, bìʼ fo mo woo Nyùy Tàr woo Nyùy won dzəə̀n Nyùy wo wù kíyri ven é ŋàŋ. M yíi màʼ ŋgeʼ e wóné wùn, à wón woné, à wón wón woné, bìʼ ban ye atàr véví ban mo.

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

2 Timoti 3:4

Á wíy a kar menàŋ, a yiì mo áwune koó, a kwàʼ vifií kwáʼan. Á wíy a kòŋ fó a yi a dzə̀ vitú vév, a bó yòʼ dzə̀ á wàa kòŋ Nyùy gheéy.

Ŋwàʼ woó Rom 1:30

súʼ kinsuʼ. Fo mbìv Nyùy, á nén a bàn bànèn, a bó á yòʼ yú sa kinyo ke wìr gheéy. Á kù ghán, sévti a dzə̀ kinsevtì, kóʼor wún, buʼtì vinyo ve bi ví, táv kitú fo atàr vév wùn aàyìy véví.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 12:45

Wìr wáa yén mo, bo wù yén sa a dzə̀ wír wo wù tumen mo.

Joon 6:36

Yii bèy, a m lo sùúy e vèn jii, vèn yén mo e sí yéné, a bó á yòʼ fə̀m wáy shilív e mǒ wùn.

Ŋwàʼ Luk 24:19

Wù dzə́r jii, «Vinyo vee ka?» Á bìnèr jii, «Dzə̀ vinyo ve ví‑ii kooyin wír wo á yoŋ ji Jesus woó Naasarer. Wù‑uù dzə̀ *ŋgaà ntum Nyùy, yii viŋgaʼnìn ve vinyò, kfə̀n fiʼtì ve fiʼtìn ví, a Nyùy bínsi wun, a wìr dzə̀m bínsi sa.

Maak 2:12

Wù ku nèn lò e yuv, e lì vifá və́, a dù, a wìr dzə̀m yéné. Á wáa ker gháʼ, a burí Nyùy, a suúy jii, «Vèr yòʼ‑oo yií ne yèn kinyo kímóʼ kí moo kin.»

Matio 21:32

Joon woo Ŋgaà Wáyndzəv‑iì wìy, a dìn ven mo dzə̀ á ghàn, e bóo gheén fo Nyùy, vèn ku tèn kinyo kfə́ ténén. Yii bèy, nèn lò wír ve á yii sov mbàm se bàràʼ wùn aàsàkìi, e biìmé kinyo kee shooy. Vèn yén bey, e làa yòʼ fə̀m bìnèr melív men, e biimé kinyo ke Joon gheéy.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Ŋgàn 8:36

Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Nsùyrì Nyùy 81:15

é wír ve á ban mo adzə̀me tsə́m ndzəə́ e mǒ si, é m maʼ ŋgeʼ yee là may aáwuné kitu.

Ŋwàʼ Fəə 20:5

Lá vèn yòʼ a ghvəm, lá vèn yòʼ a cù mebvə̀m mee shooy, bìʼ fo mo woo Nyùy Tàr woo Nyùy won dzəə̀n Nyùy wo wù kíyri ven é ŋàŋ. M yii maʼ ŋgeʼ e wóné wùn à wón woné, à wón wón woné, bìʼ ban ye atàr véví ban mo.

Joon 12:10

Vitú ve atàá cù vi yén bey, e nèn wày wáyín ji á ku yùyrí saa Laasaror,

Joon 9:41

Wù bìnèr jii, «A vèn kì dzə̀ amfìr, bo bó á yòʼ kì kér njò. Mo vèn kù táv tavín ji vèn yén virə́ʼ, bo njò yen kù dzə̀ə́ e vèn.»

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Joon 15:22

«A mò‑oò dzə̀, e làa yòʼ wìy, e fìʼtì ntum rə̀n aáwune, bo bó á yòʼ‑oò lo lì njò. Yii bèy, mo m wìyìn, e fìʼtì, bo bó yòʼ dzə̀ áwune kfə̀n a ker kinyo kée wovrí fo vinyò ve bi ví ve á yii.

Joon 15:23

Wír wo wù ban mo dzə̀ wo wù ban sa Tàr wor.

Joon 16:9

Aá méŋ kinyo ke dzəə̀n ke bi kí, a dzə̀ bìʼ fo á tén fó biimé kém kee kinyo.