Joon 15:22 - ŊWÀʼ NYÙY

²² «A mò‑oò dzə̀, e làa yòʼ wìy, e fìʼtì ntum rə̀n aáwune, bo bó á yòʼ‑oò lo lì njò. Yii bèy, mo m wìyìn, e fìʼtì, bo bó yòʼ dzə̀ áwune kfə̀n a ker kinyo kée wovrí fo vinyò ve bi ví ve á yii.

Joon 15:22 Referans Kwoze

Joon 9:41

Wù bìnèr jii, «A vèn kì dzə̀ amfìr, bo bó á yòʼ kì kér njò. Mo vèn kù táv tavín ji vèn yén virə́ʼ, bo njò yen kù dzə̀ə́ e vèn.»

Jeem 4:17

Kí nén a dzə jii, a wìr kì kinyo kee réŋ ke wù kì yíi yiì, e làa yòʼ yiì, bo wù yiì ne a dzə̀ kinyo ke bi kí, e lì njò.

Lim Aŋgàa Ntum 17:30

Yì‑iì dzə̀ fó ŋgùʼ, a bó Nyùy yòʼ‑oò ló a nəə́ e mvə̀m vinyò ve wíri‑iì yii, a bó á yóʼ ne kìíy wun. Yii bèy, a wù suuy lèn ji wír adzə̀me biner á melív mev fó vinyò ve kisaŋ vi.

Ŋwàʼ woó Rom 1:20

Kèʼ fo ghan se wù‑uù bomen ndzə, wù‑uù lo yiì, wíri yén ji wun dzə̀ rú á Nyùy, a bó vitaáví və́ ví yòʼ dzə̀ á ví mày. A bó wù yòʼ din kitú kfə́ e wíri, bo á wáa kiíy mo wù dzəə̀n. Á kù yén a dzə̀ fó vifa ve wù‑uù bomen. Mo wíri kiiyin ne mo Nyùy dzəə̀n, bo bó yòʼ dzə̀ áwune kfə̀n a ker kinyo kee wovrí fo vinyò ve bi ve á yii gheéy.

Joon 12:48

Wìr wo wù méŋ mo, káy kinyo ke m fiʼtì, sí kér kinyo ke kí wíy saʼ wun e kishiíy ke á wíy a tinén nsaʼ se wìr dzə̀m, a kù dzə̀ jí see shooy se m fiʼtì.

1 Pita 2:16

Vèn wáa dzə, a yiì vinyo vén moo wír ve Nyùy tinen ne fo lòn, á bóy. Yii bèy, lá vèn yòʼ a kwàʼtì jii, mo vèn bòyìn ne, a dzə̀ vèn wàa yiì a vinyo ve bi ví lèn, là kinyo. Vèn kú a lì vitú vén ji akwǎn Nyùy, aá sí yú a dzə̀ á fo fo.

Ŋwàʼ woó Rom 2:1

A tàm wìr lo lèn, wù wàa roòmè wír ve á yii kfə́ə vinyò vee bey. Wò woo ŋgaà roòmè, kù yòʼ a kiíy ji à kér sa nsaʼ, a fə̀m dzə̀ wò la. Mo à roomè bèy, kfə̀n yii víwun vee vinyo, à roomè a dzə̀ á wo woo jay.

Ŋwàʼ Luk 12:46

bo tàr wov wíy sàsìn, e bvəy e ghan se wù yòʼ kì kwaʼtì. Wù wiy e kishiíy fó, é wù jum wánlè və woo shooy, é wù du a dzə wùn à wír ve á kér liì kisaŋe.

Esiker 2:5

Kìn áwune yíi dù, e yuurí, kìn á du, e ten, àshè, mo dzəə̀n wíri, aá tàv kitú, bo á kù wíy kiíy ji ŋgaà ntum‑eè ló a dzə a aáwuné mvəm.

Joon 19:11

Jesus bìnèr jii, «Bó yòʼ dzə̀ à wàa ker vitaáví ve dzə̀ à yiì kinyo e mò, a bó Nyùy biímé gheéy. Jay wo kuʼùn ku nèn a dzə wo wìr wo wù wayin mo e wò kiwo, bó yòʼ dzə̀ wo.»

Joon 15:23

Wír wo wù ban mo dzə̀ wo wù ban sa Tàr wor.

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Joon 16:9

Aá méŋ kinyo ke dzəə̀n ke bi kí, a dzə̀ bìʼ fo á tén fó biimé kém kee kinyo.