Joon 15:21 - ŊWÀʼ NYÙY

²¹ Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Joon 15:21 Referans Kwoze

Matio 10:22

Wìr dzə̀m wíy a bàn ven, bìʼ fo vèn dzəə̀n wír vém. Yii bèy, vèn wáa kuumé jii, wìr wo wù wíy tiím kitávín, e dù, e jòʼsì waà wíy lùŋ.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Matio 24:9

«Wíy lòo dzə̀ e ghan fóo fèy, aá wáa koorí ven, a nyàvrì sho, a yuyrí ámóʼó. Wìr msòŋ e dzə̀m wíy a bàn ven, bìʼ fo vèn dzəə̀n wír vém.

Matio 10:18

Á wíy a toy vinyo e věn bàm, bìʼ fo vèn dzəə̀n wír vém, a lì, a dù sho fo vitú vé bàràʼ vi wùn aàfoné si. A wíy yiì Nyùy bèy ji vèn lóo tiy fo, é vèn fíʼ a fìʼtì a dzə̀ kinyo kfə́, é vitúm wùn à vé wòŋe wáa yu adzə̀m.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Ŋgaà Yen 2:3

M kì sá mo vèn rə́si biíme ŋgeʼ si bìʼ kinyo kém, kù dzə́ ji nyaáŋ, e làa yòʼ shwèy.

2 Tesalonika 1:8

A Jesus wíy wìy a dzə̀ é mvə̀m kiliìmé ke və̀y, e nèn màʼ ŋgeʼ e wír ve á méŋ Nyùyi, e kfə̀n màʼ e wír ve á tenen sáʼka Nyùy wo juŋ woo kùm wun woo Taàtá wòsən Jesuse.

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

1 Korin 2:8

A bó wír ve á sáʼ ndzə yee lèn rə̀ne yòʼ‑oò lo kìíy sa kinyo kee shooy. A vé‑eè bóo kiíy, bo bó á yòʼ‑oò lo kùm Taàtá Jesus e kici, a tíy wun vitú ve saʼ e dzə̀m.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Lim Aŋgàa Ntum 17:23

Mò‑oo lóo ghan e věn ntèʼ, a leéy virə́ʼ vén vé cù, e dù, e mèé fomóʼó, e yèn, aá sáŋ fó jii, ‹Kirə́ʼ ké nyùy wo bó á yòʼ kiìn.› Nyùy wo vèn sí ghvə́m, a bó á yòʼ kì və̀n, dzə̀ woo shó wo m suuy e vèn lèn.

Lim Aŋgàa Ntum 9:16

A m wíy dìn sho mo wù kér fó wìy yen ŋgeʼ bìʼ mo.»

Lim Aŋgàa Ntum 3:17

«Á bèy lèn, afə̀r vem, m kì ji kinyo ke vèn aàtǎr wòŋ véné‑eè tatin, e yiì e Jesus ki dzə̀, a bó á yòʼ‑oò kì kinyo ke vé‑eè yii.

Joon 8:54

Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Matio 10:39

A wìr lò, a bavtí kitú kfə́ ji fo wun kpú, bo ŋgaàŋ kù wíy kpu. Wìr maʼay kitú kfə́ bìʼ kinyo kém, bo ŋgaàŋ wíy shaàrì.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Nsùyrì Nyùy 69:7

M kù sə́ liy sìn bèn a dzə̀ bìʼ wò, a woómé si sùm ne sí yém.

Matio 5:11

Jesus kfə́n a suúy jii, «Wíri lóo kuùrì ven, lóo ròn wúu yén, lóo lor vinyo e věn wùn bìʼ fo vèn dzəə̀n wír vém, bo bòŋ vishí vén.

Maak 13:13

Wìr dzə̀m wíy a bàn ven, bìʼ fo vèn dzəə̀n wír vém. Yii bèy, a wìr wo wù wíy lùŋ dzə̀ wo bó wù yòʼ wíy bìn ndzə̀m e mò.»

Ŋwàʼ Luk 21:12

Vèn wáa kiíy ji bo vinyo vee shooy vi wáa koóy, á wíy a koorí ven, a nyàvrì sho, bìʼ fo vèn dzəə̀n wír vém. Á wíy a saʼ nsaʼ sén é ŋgày se bùnrì, a way ven é sháŋ. Kfə́n wíy lo, aá wáa tiír ven áàfone wùn à vitú ve bàràʼ ví si.

Ŋwàʼ Luk 21:17

Wìr dzə̀m wíy a bàn ven, bìʼ fo vèn dzəə̀n wír vém.

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Lim Aŋgàa Ntum 4:17

Yii bèy, fó sə̀r kinyo kee shoon fo kí kfə́n a sàmèr, vèsən ku kàntì wír vìn kántin ji lá á yòʼ dzəə mùm, e sùúy a kinyo e wìr kùm Jesus.»

Lim Aŋgàa Ntum 9:14

A wù sə̀ ne vitaáví fo vitú ve atàá cù vi, a wìy fèn lèn ji wun koórí wír ve á bunrì e wò yir adzə̀m.»

Lim Aŋgàa Ntum 26:9

«A mo woo Por‑iì lo wày sá feyì ji m ku mùm ke dzə̀ m mùm, e fíʼ laàr yír Jesus woó Naasarer.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

3 Joon 1:7

bìʼ fo áwune ghán a dzə̀ bìʼ kinyo ke Jesus Kristu, a bo á yòʼ ghán bèy, leey shúu wìr ve bó yòʼ dzəə̀n vé Nyùy.