Joon 15:19 - ŊWÀʼ NYÙY

¹⁹ A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Joon 15:19 Referans Kwoze

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Ŋwàʼ Luk 6:32

«A vèn lò, a kòŋ a dzə̀ wír ve á koŋ sa ven, á wàa burí ven fó gha? Bó wír ve vèn nyaysì ji ve bií yòʼ yii sa bèy à? Á koŋ sa wír ve á koŋ áwune.

1 Pita 4:3

A dzə̀ vèn wàa yiì bèy lèn, a kuumé jii, vèn‑eè jìvír ne ghán fó mbìy sinín, a rəsí, a yiì vinyo a dzə̀ vé wìr ve bó á yòʼ kiìn Nyùy. Vèn‑eè yii liì kisaŋ, à vilum, à vikìy, a dzə̀ mo mensə́ men mè limè. Vèn‑eè nó meluʼ, baákirì, yí vitú vén, ghán, yor e lav se melùʼ, kfə̀n maysì cu anyùy kisaŋe, a Nyùy‑iì shàʼnín ne.

Ŋgaà Yen 12:17

Wù yén bey, e màysì, e shwìíy kilòŋ fo wiíy və̀y, e nèn fəə̀ ji wun du, e kèʼ rə́r, a màʼ kfə́ə wiíy woo shooy ye yí berin, a dzə̀ áwune ve á lem nsər se Nyùy, tíy a dzə̀ é kinyò ke Jesus.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Matio 10:22

Wìr dzə̀m wíy a bàn ven, bìʼ fo vèn dzəə̀n wír vém. Yii bèy, vèn wáa kuumé jii, wìr wo wù wíy tiím kitávín, e dù, e jòʼsì waà wíy lùŋ.

Matio 24:9

«Wíy lòo dzə̀ e ghan fóo fèy, aá wáa koorí ven, a nyàvrì sho, a yuyrí ámóʼó. Wìr msòŋ e dzə̀m wíy a bàn ven, bìʼ fo vèn dzəə̀n wír vém.

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.