Joon 15:16 - ŊWÀʼ NYÙY

¹⁶ Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Joon 15:16 Referans Kwoze

Joon 15:19

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Efesor 2:10

Ke kí dzəə̀n kí dzə̀ jii, yì‑iì tàtí Nyùy vèsən à Kristu ji vèsən wáa dzə, a yiì a vinyo ve juŋ vi. A vinyo vìn vi dzə̀ ve wù‑uù yiìn ne sìysì fo ŋgùʼ ji vèsən wíy lòo dzə, aá wáa yiì.

Ŋwàʼ Luk 6:13

Ndzə rán, wù jàŋrì aŋgaà və́ ŋgoo adzə̀m. Á wìy, wù shóʼtí ámóʼó nshòv sibaà e ghvə̀m, e yòŋ ji *aŋgaà və́ ntum.

Galatia 1:15

Yii bèy, a Nyùy‑iì shàm ne mo, e shàv, a m dzə̀ə́ e yè wór bvə̀m, e lì mo ji ŋgaà lìm və.

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

Lim Aŋgàa Ntum 22:14

Wù suúy e mò jii, ‹Nyùy atǎr ram yesən shòʼ ne wò ji à kiíy kinyo ke wun woo Nyùy sìysìn ji wun wíy yiì. Wù nen yiì, à yén Ŋgaà və Lìm woo rú e sí yée, e kfə̀n yù, a wù súŋnin fo wùn shuù.

2 Timoti 2:2

Kú a kuumé kinyo ke wò‑oò yú, a m fiʼtì, a wíri tíy, yú anín ki. Ku lì kinyo kee shooy ki lèn, e wày e wír ámóʼó wo ve à kiìn ji dzə̀ wír vee jwáʼ, aá wáa yeʼéy sa wíri shó.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

1 Pita 3:15

Vèn ku tìír melív men a dzə̀ e Kristu wùn moo Taàtá won, a yuurí a dzə̀ fó fo. Vèn kú a yiì bèy, a dzə kibáʼtín ghán sidzə̀m. Wìr dzə́r kinyo ke kí yiìn, bo vèn wáa lì vinyo vén vidzə̀m ji weè, a leéy a dzə̀ fó mbìy, vèn naàrì shó kijuŋ.

Nsùyrì Nyùy 71:18

Éè Nyùy, lèn mo m dzə̀nèn ne, kitú ki fə́r, lá à yòʼ màʼày mo máʼayin. Kú a dzə wòsò, é m wáa fìʼtì vinyo vé ve ghaʼtín ví, a fìʼtì e ŋgwàʼ se sí wiy fo bàm sí.

1 Joon 4:10

A dzə̀ vèsən kù lèéy kinyo ke Nyùy mùmèn, e bóo kiíy rú kinyo ke dzəə̀n ji koŋ. Wù‑uù koŋ vèsən, a bó vèsən yòʼ fə̀m sí koŋ wun. Wù nèn tùm Wán və é nsay fèn ji wù wiy, e kpù, e tàŋrí vèsən, é wun fiʼ làysìn ajay vesən.

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

Lim Aŋgàa Ntum 1:24

Á nèn a bùnrì, a suúy jii, «Tàr, kù kì wò melív me wìr dzə̀m. Ku dìn wír wo à shoʼon

Aysaya 27:6

Ké rám Jakov, wíy lòo dzə e ghan se sí wiyì, é yí kfən kèʼ, a kuy. Kitúm kee Isray kìn ki kfə̀n wíy tokír, e fo vibuushì, é báŋ se kí koom si rún kitú ke nsay.

Ŋwàʼ woó Rom 15:4

Vinyo ve vé‑eè saŋen é Ŋwàʼ Nyùy fo mbìy vi‑iì dzə̀ ji ví wáa yeʼéy vèsən, a lùmèr melív mèsən, é vèsən wáa yeʼtí a dzə̀ e Nyùy wùn, a leéy fó mbìy, a yu a dzə̀ fo wun.

Lim Aŋgàa Ntum 9:15

Taàtá Jesus bìnèr sho jii, «Ku dù fo. M shòʼ ne wír woo shooy ji ŋgaà wom lìm, é wù wáa fìʼtì kinyo kém e wír ve bó yòʼ dzəə̀n veé Israyi, e kfə̀n a fìʼtì aàfon véví, a fìʼtì sa e wír veé Israyi.

Matio 21:22

A vèn bunrì, lón ka, wáy shilív a dzə̀ e Nyùy wùn, vèn wàa ker kíwun.»

Nsùyrì Nyùy 145:4

Nyùy Tàr, á kù wíy a burí lim sé, a burí, é ŋgwàʼ wáa fèr e yìmòʼ, a fìʼtì viŋgaʼnìn ve vinyò ve à yii.

2 Timoti 1:11

Nyùy‑iì lì mo ji m wáa fìʼtì a dzə̀ á sáʼka woo shooy, a ghan, a tiisí ntum Kristu, a yeʼéy wíri kinyo kfə́.

1 Korin 10:11

Vinyo ve ví‑iì kooyin wír vìn vidzə̀m vi dzə̀ kisəəm ke kí din mo kí wíy koóy wír ve á yii sa vinyo vee ben. A vé‑eè sàŋ é ŋwàʼ bèn ji ví fíʼ a tir vèsən vee lán ve á sí méʼ ghán se ndzə wíy mày.

Ŋwàʼ woó Rom 9:21

Kù kì wír wo wù bóm kíŋ kifá ke dzə̀ wù bòm e ntuʼ mbóm. A wù kòŋ, wù lì ntuʼ e mòʼón, e bòm kíŋ shó e baà jeéy jeéy, yímóʼó yé kinyò, ye á wáa geʼ sho, yímóʼó fó tèr ye dzə̀ á wàa nyàvrì sho.

Jeem 3:18

Kù dzə̀ mo vé kimane yii rə́si wáy ŋgoòy ye juŋ ji nyaáŋ, a nèn káv wír anín vijuŋ fo fo.

Hibru 11:4

A kù dzə̀ sá mo kinyo ke Abel wùn Keen ki‑iì dzəə̀n. Abel‑iì cù Nyùy e dzəə yee réŋ, e shaà Keen, bìʼ fo wù‑uù cu kfə́, wáy shilív a dzə̀ e Nyùy wùn. Nyùy nèn biìmé wun, e lì ji wír woo là jay. A wù‑uù lo dìn rú bey, bìʼ fo wù‑uù səən rə́ yee cu. Abel kpú, yii bèy, a kinyo kee mo wù‑uù wayin shilív e Nyùy wùn kí kù dzəə́ yéʼey vèsən, e shem lán.

Titur 1:5

Mò‑oò lo màʼtì wò e wòŋ woo Kiret ji à siysi á vinyo ve ví dzəə́ bér e vintatì vee fó. A kí‑iì dzə̀ ji à wáa lèm a atǎr kintatì ntèʼ sidzə̀m. Lóo lèm, à wàa jùmrì a dzə̀ vinyo ve mò‑oò suuyin e wò jii,

Kolosia 1:6

Sáʼka və̀n sí ghán lèn virə́ʼ vidzə̀m, du duùn fó mbìy, yii, a wíri yú vijuŋ anín. A kù dzə̀ mo sáʼka woo shooy yii e věn mvəm, e kèʼ fo kishiíy ké mbìy ki ke vé‑eè wìyìn, e fìʼtì e vèn. Vèn‑eè yù mo Nyùy koŋ ven, shám ven, vèn nèn kìíy ji dzə̀ á kinyo ke ru kí.

Ŋwàʼ woó Rom 1:5

A dzə̀ wun woo Jesus Kristu wo wù‑uù bùʼùn mo ji m wáa dzə ŋgaà ntum və, a ghan e wùn yir, a fìʼtì kinyo ke Nyùy e vitum ve bó yòʼ dzəə̀n veé Juda vidzə̀m, é wíri fíʼ a way shilív e Nyùy wùn, a yu a dzə̀ fó fo.

Lim Aŋgàa Ntum 10:41

A bó yòʼ‑oò yèn wir dzə̀m. Kù‑uù yèn ver ve Nyùy‑iì shoʼon fó mbìy ji á wáa fìʼtì kinyo ke Jesus. Vèr à Jesus‑eè ló a yinín, a nonín, a Nyùy fəə́r ne wun fo kpu,

1 Timoti 2:7

Jesus Kristu nèn lì mo ji ŋgaà ntum və ji m wáa fìʼtì a dzə̀ kinyo kee shoon. Wù‑uù lo lì mo rú, a bó m yòʼ bóʼti. A wù‑uù lì jii, m wáa yeʼéy wír ve bó yòʼ dzəə̀n veé Isray kinyo ke dzəə̀n ke ru kí, aáwune wáy shilív e wun woo Kristu wùn.

Kolosia 1:23

A dzə̀ mo vèn à Nyùy kù wíy a dzə bèy, a vèn fen ghàr kinyo kfə́, a tiy sho kitávín, a leéy a dzə̀ fó mbìy ji vèn ku wìy nə̀ə́ e vijùŋ ve wù kàʼàn wír və́ shó. A dzə̀ víwun ve vèn‑eè yuun é ghan se vé‑eè wìyìn, a fìʼtì sáʼka Nyùy wo juŋ e vèn réŋréŋ mo á sí fiʼtì lèn virə́ʼ vidzə̀m, a dzə̀ yíwun yee lim ye Nyùy wayin e mo woo Por kiwo.

Mayka 5:7

Á bèy, kibér ke wìr veé Isray ke kí bòyìn, kí wíy a dzə e vitúm ví mvəm, a dzə moo ŋweʼ ye Nyùy Tàr tsə́nsi, a dzə moo wuú ye yí ŋwaʼrì e viŋgà. A bó áwune yòʼ wíy a shìy wír, aá yòʼ wíy a yeʼtí e vitaaví a dzə̀ vé wìr msòŋ.

Kèʼlo 18:18

Rám rə́ə wíy kùʼ, a dzə kitúm ke ghaʼán kí, a vitúm veé kitu ke nsay vidzə̀m vi wíy a ker kisəəvì bìʼ wun woo Abraham.

Ŋwàʼ woó Rom 1:13

Afə̀r vem, vèn wáa kiíy jii, m yii wáy e ghan sí, ghan sí ji m wiy, e ghan ven, e fíʼ bìnèr wír ámóʼó fo věn wòŋ, aá wáy shilív e Kristu wùn réŋréŋ mo m binèr sa e vitum vímóʼ ví ve bó yòʼ dzəə̀n veé Juda, kinyo ki kù jìvír.

Lim Aŋgàa Ntum 1:8

Ke vèn wáa kiíy ki dzə̀ jii, Kiyoy ke Ranén kí wíy wìy fo vèn, é wù fó ven vitaáví, é vèn wáa fìʼtì mo m dzəə̀n. A vèn wíy a fìʼtì e Jerusalem, e kfə̀n a fìʼtì woŋ wìr veé Juda e dzə̀m, a fìʼtì sa e wòŋ *Samaria, e dù, e meé fo nsay jòʼsìn.»

Matio 7:7

«Vèn lóo bùnrì, vèn wàa lon, é Nyùy fó. Vèn wáa tàʼ, é Nyùy yii, é vèn yén. Vèn wáa kùmrì shúu lavi, é Nyùy mvəʼ, é vèn nəə́.

Joon 15:5

Dzə̀ mo kitiír, a vèn dzə̀ kén ji tám si. Wìr wo wù tíy e mǒ wùn, a m tíy vèr ŋgaàŋ, dzə̀ moo tám wo wú koom kijuŋ. A bó yòʼ dzə̀ wìr yiì kinyo ke ru kí gheéy, a bó ŋgaàŋ kù tíy e mǒ wùn.