Biblia Todo Logo
Bib sou entènèt

- Piblisite -




Joon 15:15 - ŊWÀʼ NYÙY

15 M yòʼ dzəə́ yoŋ ven ji wónlè vém. Wónlě wìri dzə̀, a bó á yòʼ kì vinyo vidzə̀m ve Tàr wov yii. Vèn sì kén ji ŋkar sém, bìʼ fo m fèrìn ne vinyo ve mò‑oò yuun fo Tàr wor vidzə̀m e vèn.

Gade chapit la Kopi




Joon 15:15
32 Referans Kwoze  

Nyùy Tàr koó viŋkar wùn à wír ve á ghvə́m wune, yii, aá kiiy mensaŋ mvə.


Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.


Kí nen ghèén mo vé‑eè saŋen é Ŋwàʼ Nyùy jii, «Abraham‑eè biìmé kinyo ke Nyùy, Nyùy nèn lì wun ji wír woo là jay bìʼ shilív she wù‑uù wayin e wun wùn,» á wáa yòŋ wun ji ŋkar Nyùy.


Yì‑iì dzə̀ fó mbìy, a kinyo ke m fiʼtì kìn ki dzə̀ é kilìr, la wìr yòʼ a kiíy, e shem lèn, a Nyùy yiì ne, vèsən vee wír vəə́ kiíy lèn.


Kinyo ke kí dzəə̀n é ŋwàʼ fèn ki dzə̀ ke Nyùy‑iì ghemrin ndzə e Jesus Kristu ji wù din e wír vəə́ mo vinyo vi yíi rəʼtí, a koóy. Kristu nèn tùm nshìylav rə, yì wìy, e yèn Joon woo ŋgaà lìm və, e dìn vinyo vee shooy sho.


Yì‑iì dzə̀ fó mbìy, a bó Nyùy yòʼ‑oò lo dìn kinyo ke wù‑uù sìysìn kin ji wíri kiíy. A wù tùm ne Kiyoy kfə́ lèn, kí dín a dzə̀ áàŋgàa ntum Kristu ve wù shavin jeéy, á wáa yu kinyo fo wun woo Nyùy shùu.


Wù yiì ne lèn, vèsən kiíy kinyo ke wù‑uù yiìn ne sìysì fo ŋgùʼ, e tìír e Kristu wùn kin, a kí‑iì dzə̀ é kilìtì, la wìr yòʼ a kiíy. A wù‑uù ghàn a dzə̀ é dzəə̀ vifiì, e bóo dìn, é vèsən kiíy, bìʼ fo wù kiìn mo vifií vé wìr vi dzəə̀n.


Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»


Ŋwàʼ və̀ne sàŋ mo woo Simon Pita. M dzə̀ ŋgaà lìm Jesus Kristu, e kfə̀n a dzə ŋgaà ntum və. A m sàŋ a dzə̀ fo vèn adzə̀m ve á tíy e kinyò kee shó ke ver vee aŋgàa ntume tíy sho. Dzə̀ kinyo feyì feyì, a wày sá Jesus Kristu e věn kiwo, bìʼ fo wù kù yii yii kinyo kfə́ réŋ. Dzə̀ wun Nyùy wòsən, kfə́n a dzə Ŋgaà Lùŋèr wòsən.


Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.


A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»


A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»


Rúrú, Nyùy Tàr woo Taà Ndzə yòʼ yii yii kinyo kfə́, a bó wù suúy áàŋgàa ntum vəə́.


Kiyoy ke Kristu ke kí‑iì dzəə̀n aáwuné meliv kí‑iì rə́si yii, aáwune tiísi ji Kristu kù wíy yen ŋgeʼ, fo bàm, é bo Nyùy kóʼór á wun. Á ku nèn a sòvìr ji á kiíy á ghán se vinyo vìn vi wíy koóy, e kfə̀n kìíy saa mo ví wíy ghan, e bóo koóy.


Ŋwàʼ və̀ne sàŋ mo woo Jeem wo dzəə̀n ŋgaà lìm Nyùy wùn Taàtá wòsən Jesus Kristu. A m sàŋ, a shàʼtì ven vee wír Nyùy ve á taʼrin, a dzə woŋ dzə̀m.


Kèʼ fo lèn, wù yòʼ dzə̀ə́ cáʼ ji kwàn wó. Wù shaà ne kilíŋ kee shooy feyì. Wù sì fər wò lèn wo dzə̀ à wày é shiliv bìʼ kinyo ke Jesus Kristu. Dzə̀ wír fo mò féyì, a wù yíi a dzə fo wò, e shaà bèy. Vèn wun tàtí ne ji wír Kristu, a wù kfə̀n yíi a lìm fo wò.


Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»


Vèn kuúmé kinyo ke mò‑oò suuyin ji bó wàn lìm yòʼ yii kuʼ, shaa tàr wov. Mo vé‑eè sí ban mo, bo kù dzə̀ sá, á wàa bàn ven. A dzə̀ ji vé‑eè yú kinyo kém, bo á wáa yu sa kén.


Vèn wáa kiíy rúrú jii, bó wan lìm yòʼ dzə̀ wù shaà tàr wov lìm. A bó yòʼ dzə̀ wír wo á tumen túmén shaà sá wír wo wù tumen wun.


Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.


Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.


Wiíy və̀y yú kee shooy, e yòŋ jii, «Taàtá, m kìíy ne lèn ji à dzə̀ *ŋgaà ntum Nyùy.


Wù lò, e bìnkìr, a sə̀mrì e wón və́ lìme jii, «Vishí vén vi bòŋ feyì, vèn wáa yen vinyo vìn e sí yéné.


Wìr lóo ker ŋkar sinín, wù kpù kitan, yii bèy, a ŋkar yìmòʼ bòŋ, e shaà fə́r.


«Vinyo vi dzə̀ə́ sho vinín ve kì dzə̀ m fèr e vèn, a bó yòʼ dzə̀ lèn vèn kìíy vidzə̀m.


Ke kí kooy mo kí nén a dzə jii, m lóo yiì kinyo, la m yòʼ kìíy a mo kí dzəə̀n. A kí dzə̀ jii, bó m yòʼ yii kinyo, a dzə̀ á ke shilív shém shí koŋ ji m yii. M lo fo fo, m nèn yiì a dzə̀ ke shilív shém shí banè.


bìʼ fo vé‑eè saŋen jii, «Bó wìr yòʼ dzə̀ shó wo wù kiìn kinyo ke Nyùy kwaʼtì, e bóo tir wun.» Vèsən wáa dzə késən, aá sí kér kwaʼtì a dzə̀ yé Kristu.


Swiv nou:

Piblisite


Piblisite