Joon 15:14 - ŊWÀʼ NYÙY

¹⁴ A vèn yú kinyo kém rú, bo vèn sì ŋkar sém.

Joon 15:14 Referans Kwoze

Matio 12:50

Wìr wo wù yii kinyo ke Tàr wor wo wù dzəə̀n é yuv taʼ ji wù wáa yiì, dzə̀ wo dzəə̀n jemèr yem, e kfə̀n a dzə lúmér yem, a dzə yè wor.»

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

Jeem 2:23

Kí nen ghèén mo vé‑eè saŋen é Ŋwàʼ Nyùy jii, «Abraham‑eè biìmé kinyo ke Nyùy, Nyùy nèn lì wun ji wír woo là jay bìʼ shilív she wù‑uù wayin e wun wùn,» á wáa yòŋ wun ji ŋkar Nyùy.

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

Joon 14:15

«A vèn koŋ mo, vèn wàa lèm nsər se dzəə̀n sém.

Ŋwàʼ Luk 12:4

«Ŋkar sem, m nén a suúy e vèn jii, lá vèn yòʼ a fàn wír. A dzə̀ á kù yùyrí ven a dzə̀ fó wùn cáʼcáʼ, a bó yòʼ dzə̀ á kfə̀n yiì kinyo kímóʼ kí.

Joon 13:17

Mo vèn kiiyin ne kinyo kìn lèn, a vèn lò, a yiì, é vèn wáa yu vijuŋ.

Aysaya 41:8

Yii bèy, wír veé Isray, vèn dzə̀ vé lìm vém. Ven vee rám Jakov, m shòʼ ne ven ji wír vém. Vèn dzə̀ rám Abraham wo yì‑iì dzəə̀n ŋkar yem,

Joon 2:5

Yè wov ku yòʼ sùúy e vé kijàvi jii, «Vèn wáa yu a dzə̀ fo Jesus, wù suuy mo wù suuyin, vèn wàa yiì.»

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

2 Wòŋ 20:7

Éè Nyùy wor, wò‑oò jùm vitúm fo wír veé Israyí mbìy, ve ví‑iì dzə́ e nsay fèn, e nèn fò nsay rə̀n ji sì á ye rám Abraham woo ŋkar yè, e wìy dù, e mày.

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

Ŋgàn 18:24

Wìr lóo ker ŋkar sinín, wù kpù kitan, yii bèy, a ŋkar yìmòʼ bòŋ, e shaà fə́r.

Ŋwàʼ Fəə 7:6

Mooser wùn Aaron ku nèn yiì réŋréŋ mo Nyùy‑iì suuyin aáwune.

Ŋwàʼ Rut 3:6

Rut nèn kù sə̀y é riimé fóo fèy, e yiì réŋréŋ mo yìy à ŋkfə lum və kì naàrìn.

1 Afòn 4:5

Asaria woo wan Natan‑eè dzə̀ kitú ke aŋgàa saʼ veé viliŋ ve wòŋ, taà cù woo Tsabud wo dzəə̀n wan Natan wáa dzə ŋgaà ntir fòn.

2 Afòn 18:6

Wù‑uù jumrì Nyùy Tàr féyì, a bó wù yòʼ‑oò lo ghàn sìíy yàr fó a jùmrì wun. Wù‑uù yú nsər se Nyùy Tàr‑iì foon e Mooser.

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Esiker 12:7

M ku nèn yiì mo Nyùy Tàr‑iì yòŋèn ji m yii, e lì vibam vém e shùy moo vé ŋgaà nsàm. Lòo dzə e ŋkuùr, m bùʼ shuu e kirəv ké lav, e kiwó kém kí, e fə̀ə́r vifá vém dzə́ə fó fo. M ŋáʼáy, a dù e vibam vém ví mbèʼ, a ndzə sí sə́né, aá yéné.