Joon 15:12 - ŊWÀʼ NYÙY

¹² Yéem yee nsər ye m fó e vèn nén a dzə jii, wìr koŋ wùmòʼ réŋréŋ mo m koŋ ven.

Joon 15:12 Referans Kwoze

1 Joon 4:21

Nsər ye Jesus‑eè foon e vèsən dzə̀ jii, wìr wo wù koŋ Nyùy kú a kòŋ saa fə́r və.

Joon 13:34

M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

1 Pita 4:8

A kinyo ke kí shaàn vidzə̀m ki dzə̀ jii, wìr wáa kòŋ a wír shilív shidzə̀m, bìʼ fo kikoŋnìn ki yii sə́ti ajay anín.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

Ŋwàʼ woó Rom 12:10

Vèn wáa kòŋnìn mo wìr yii koŋ fə́r və, é wìr wáa yen wír, a shaà kitú kfə́.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

1 Pita 3:8

M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

1 Tesalonika 3:12

A vèr kfə̀n lón sa ji Taàtá Jesus ku yiì, é vèn wáa kòŋnìn, e kfə̀n a kòŋ sa wir dzə̀m, a dù fo mbìy réŋréŋ mo vèr koŋ sa ven.

2 Tesalonika 1:3

A dzə̀ vèr kù a beèrì Nyùy bìʼ ven ghán sidzə̀m. A kí ghèén fo vèr wáa yiì bèy, bìʼ fo vèn wáy shilív e Nyùy wùn kijuŋ, du duùn fó mbìy, kfə̀n koŋ vitú vén féyì.

Malakay 1:2

Wír veé Isray, Nyùy Tàr suuy e vèn jii, «M kòŋ ne ven féyì. Yii bèy, vèn ló kén, a yòŋ jii, ‹Nyùy koŋ ver a dzə̀ é dzəə rəné?› » Binèr Nyùy Tàrí wáa dzə jii, «Bó Esav wùn Jakov yòʼ‑oò dzə̀ afə́r a? Yii bèy, m shóʼ a dzə̀ Jakov,

Joon 15:17

Ke m tiir e věn wùn kí kù dzə̀ jii, vèn wáa kòŋnìn.

2 Joon 1:5

Kii wò Yìy à Wíri, m nén a lon ji vèn à wóné ku nèn a lèm a nsər ye yì dzəə̀n ji vèsən wáa kòŋnìn. A bó yòʼ dzə̀ nsər ye fíy yìmòʼ, kù dzə̀ yìwun ye vèsən‑eè sí yú, e kèʼ mo vèsən‑eè yuun kinyo ke Nyùy.