Joon 15:10 - ŊWÀʼ NYÙY

¹⁰ A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 15:10 Referans Kwoze

Joon 14:15

«A vèn koŋ mo, vèn wàa lèm nsər se dzəə̀n sém.

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

1 Joon 2:5

Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

2 Pita 2:21

A wìr yii bèy, bo kí‑iì bòŋ ji la wù yòʼ kìíy a dzə́ə ye dzəə̀n ye rù, e shaà fó kiíy, e kfə̀n màʼtì kinyo ke Nyùy‑iì suuyin ji wír vəə́ wáa yiì.

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

1 Tesalonika 4:1

Afə̀r ver, vèr nen kfə̀n a tàʼ ji vèn kuúmé á kinyo ke Tàr wòsən Jesus‑eè yiìn e vèsən, a lon feyì jii, vèn ku màysì, a nəə́ nəə́n é liì wo Nyùy taʼ ji vèn wáa ker. Liì və̀n dzə̀ wo vèr‑iì yeʼeyin ven shó, a dzə̀ woo shooy wo wù bòŋèn Nyùy.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 12:49

Bó m yòʼ fiʼtì kinyo ji fiʼtì mo. M kù fiʼtì kinyo a dzə̀ ke Tàr wor wo wù tumen mo tiisin ji m wáa fìʼtì.

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

1 Korin 7:19

Kìn wìr dzə̀ wo naŋsín, kìn dzə̀ woo là náŋsín, kee shooy ki yòʼ kér kinyo kímóʼ kí fo Nyùy. Ke kí dzəə̀n é shií kí dzə̀ ji wìr wáa yu a kinyo ke Nyùy suuyì.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

Aysaya 50:5

Nyùy Tàr woo Taà Ndzə mvə̀ʼ ne vituʼùr vém, a m yòʼ‑oò lo tèn fó yunín wun, a bó m yòʼ‑oò lo ŋwày kinyo ke wù‑uù yéʼey mo shó.

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Joon 10:18

A bó yòʼ dzə̀ ji wìr wíy yuyrí mo ji yùyrí ŋgaàŋ. Kòŋ mo, e bóo fo kitú kém. Dzə̀ kilíŋ kém fó fo kitú kém, kfə́n a dzə kilíŋ kém fó fəə fo kpu. Á mo Tàr wor‑iì suuyin ji m yii.»

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.

1 Joon 2:6

a wìr suuy ji wun tíy kfə́ wùn Nyùy, wù kù a ker a liì a dzə̀ wo Jesus‑eè kérí.

Ŋwàʼ Fəə 7:6

Mooser wùn Aaron ku nèn yiì réŋréŋ mo Nyùy‑iì suuyin aáwune.

2 Samuel 22:22

M kù‑uù ghán a dzə̀ e Nyùy Tǎr mbòv, m yòʼ‑oò lo màʼtì dzə́ə rə, e bìn e ye kisaŋ.

2 Afòn 18:6

Wù‑uù jumrì Nyùy Tàr féyì, a bó wù yòʼ‑oò lo ghàn sìíy yàr fó a jùmrì wun. Wù‑uù yú nsər se Nyùy Tàr‑iì foon e Mooser.