Joon 15:1 - ŊWÀʼ NYÙY

¹ Jesus kfə́n a suúy jii, «Dzə̀ mo kitiír ké *vayin ke ru kí, Tàr wor nén a dzə wír wo wù náŋsin kitiír kee shooy.

Joon 15:1 Referans Kwoze

Jeremia 2:21

Mò‑oò bìy wò moo kitiír ke tayín kí, kitiír ké *vayin ke á tayin mbìy táyín. À yèe, e bóo dù ji kitiír ke bi kí, a koóm a dzə̀ báŋ se bi sí?

1 Korin 3:9

A ver vee abaà víne tàtí wó a dzə̀ vèr à Nyùy ji á wáa yiì lim rə́. Vèn nén a dzə kén moo súm wo Nyùy taʼ, e fùm, e kfə̀n a dzə moo lav ye wù bómé.

Aysaya 60:21

Wír vén adzə̀m veé Israyi wíy a ghan e Nyùy mbòv. Áwune wíy yòv nsay ji vitsə́ʼ vév ŋkuuŋkùŋ. Áwune wíy a dzə moo kitiír ke m bìyìn. Dzə̀ wír vém féyì feyì, a bòm mo áwune e wó yémé. M yiì bèy ji wíri fíʼ a burí mo.

Aysaya 4:2

Wíy lòo dzə e ghan fóo fèy, é Nyùy Tàr yii, é tám kici wo fíyi tó, a dzə kifá ke kí din vijuŋ wùn à vikuʼùy ví. Nsay wíy fəə́r vifá ve yi nyanyày, é shúu wáa ma wír veé Isray ve á wíy bòy fo ŋgeʼlàʼ. Aáwune wáa yu wún bìʼ vifá ve nsay yev fəərì.

Joon 6:55

Wún wómé dzə̀ vifá ve yi ve ru ví, a mensə́ mem mè dzə̀ nó yee rú.

Jeremia 12:10

Vé saʼ vee vitúme bìvír ne súm wóm vitiír vé *vayin. Á fòr ne kwáʼ wóm fórin. Á lòvtí ne e nsay yem ye juŋ lóvtín, yì kfə́n ji wóʼ.

1 Joon 2:8

A Jesus‑eè ló a lèm nsər yee shoon, á wáa yen e fíy. Aá kfə̀n sí yén sa lèn mo vèn lemè. A dzə̀ yìwun ye m sáŋ fo vèn, a yì yénsin e fíy, bìʼ fo ndzə ye sənér sí shaa, a ye ranén wiyì.

Maak 12:1

Jesus nèn lò, a yòv a dzə̀ ŋgàn e wír vee shooyí wùn, a fèr jii, «Wìr‑iì mvə̀ʼ súm vitiír vé *vayin, e bòm kay, e kaàrí sho, e tàr, e kfə̀n bùʼ bií é kilan wo á wáa kòy báŋ se vitiír vee shooy, a nyèŋ sho, é meluʼ mè wáa fəə. Wù kfən bòm kitaàtì ke ŋgaà shìy wáa dzə sho. Wù màysì súm woo shooy, e nàŋsín, e nèn tìr wír ámóʼó shó, e dù ghán e wòŋ wúmóʼó.

Matio 21:33

«Vèn yuúrí yìmòʼ yee ŋgàn. Wìr‑iì mvə̀ʼ súm vitiír vé *vayin, e bòm kay, e kaàrí sho, e tàr, e kfə̀n bùʼ bií é kilan wo á wáa kòy báŋ se vitiír vee shooy, a nyèŋ sho, é meluʼ mè wáa fəə. Wù kfən bòm kitaàtì ke ŋgaà shìy wáa dzə sho. Mo wù naŋsin súm woo shooy, e nèn tìr wír ámóʼó shó, e dù ghán e wòŋ wúmóʼó.

Hosea 10:1

Wír veé Israyi‑iì dzə̀ moo kitiír ké *vayin, kitiír, a tútúʼ koóm shó nyanyày. Mo vikuʼùy ví‑iì nəə áwune, kù dzə̀ sá réŋréŋ mo vé‑eè bóm kíy se cù. Mo nsay yev‑iì fəər vifá ve yi nyanyày, kù dzə̀ mo áwune‑eè náŋsin sə́y se anyùy, a sí njaʼkìrì.

Joon 6:32

Jesus bìnèr jii, «Vèn wáa kiíy rúrú ji bó yòʼ‑oò fó Mooser ven vifá ve yi ve ví‑iì lo fo yuv. Kù dzə̀ Tàr wor wo wù fó ven vifá ve yi ve dzəə̀n rú veé yuv.

Ŋwàʼ Luk 13:6

Wù nèn yòv ŋgàn yìmòʼ jii, «Yì‑iì dzə̀ é ghan símóʼ sí, wìr bìy kicí ké *fig e wùn súm vitiír vé *vayin. Ghán sí gheén, wù wìy ji wun koy kicí kee shooy, e làa yòʼ yen kifá sho.

Matio 20:1

Jesus kfə́n a suúy jii, «Sáʼ Nyùyi dzə̀ moo kinyo ke ŋgaà sùm wo wù‑uù fəən kijàvaʼndzə, a tàʼ vé lìme ji á du, a lìm e wùn súm vitiír vé *vayin.

Yòv Viŋgér 7:12

Wòsò yíi lò kijàvndzə kijàvndzə, e dù e súm vitiír vé vayin, du, aá leéy ó ji vitiír ví sá ne kèʼ, a saàm a, e leéy ji vibuushì və́ ví sá ne bvə̀ykír a, kìn ji vicí vé *grenadin vi sá ne fə̀ʼ a. Dzə̀ é kiboo fóo fèy fo m yíi nyòmèr wò.

Sekariya 3:8

Éè Joshua, wò woo taà cù wo kuʼùn, vèn aàtàá cù ve á dzə́ e wò ghaŋe yuúrí lèn. Vèn dzə̀ kisəəm ké kinyò ke juŋ kímóʼ kí ke kí dzəə́ wiyì. Vèn yú, m wíy yiì, é ŋgaà wom lìm wiy, wùwun, aá yoŋ ji Tám.

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Joon 1:17

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

Esiker 19:10

« ‹E ké ru kí, yè won‑eè dzə̀ moo kitiír ké *vayin, kitiír ke á bìyìn é ghaa ndzəv, kí téʼ é mbòŋ, e fə̀ə́r tám si, e kòóm, a kù‑uù yiì mendzə́v meé ŋàŋ.

Matio 15:13

Jesus bìnèr jii, «A dzə̀ kifá, a bó yòʼ‑oò bìy Tàr wor wo wù dzəə̀n é yuv, bo á kù kér fó wìy dzə̀n kidzə̀m, à gháŋé shó.

Joon 15:2

Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Ŋwàʼ woó Rom 11:17

Wír veé Israyi nén a dzə moo kicí ke Nyùy bìyìn, kí kúy, a koóm. A ven ve bó yòʼ dzəə̀n wír veé Israyi dzə̀ kén moo kicí ke kí kúy kuyín é kwaʼ, a bó á yòʼ yii kfə́rí. Nyùy nen faàrì símóʼ see tám fo wǔn kici fey, e lì ven, e bàrír fo, vèn wáa nyoŋ mendzə́v fo kicí kee shooy kí wùn, a koóm.