Joon 14:9 - ŊWÀʼ NYÙY

⁹ Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?

Joon 14:9 Referans Kwoze

Kolosia 1:15

Kristu woo Wan Nyùy dzə̀ wúntí Nyùy wo bó wìr yòʼ yii shóv e si. Wù kfə́n a dzə ji kitú fo vifa ve vé‑eè bomen vidzə̀m.

Joon 12:45

Wìr wáa yén mo, bo wù yén sa a dzə̀ wír wo wù tumen mo.

Joon 14:7

A vèn kì kì rú mo m dzəə̀n, bo vèn kìíy ne a dzə̀ Tàr wor. Yii bèy, kèʼ fo lèn, vèn yíi kiíy Tàr wor, a vèn‑eè sí yén wun e sí yéné.»

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Joon 10:30

a vèr Tàr wor dzə̀ ji kitú kimòʼón.»

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Filipi 2:6

Mo wù fə̀m‑eè dzəə̀n réŋréŋ ji Nyùy, bó wù yòʼ‑oò ló a tàŋèn ji wun kú a ker kilíŋ ke Nyùy kee shooy.

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Maak 9:19

Jesus nèn sùúy e wón vəə́ jii, «Vèn dzə̀ ben, a bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén vin e meé e le? Vèn taʼ ji m wìy dzə̀ʼə̀m vèsən e mèé e le? Vèn wiy e wan woo shooy, e fò shan.»

Ŋwàʼ Luk 12:56

Abìnbìnteʼnsə́m vin, mo vèn yii leey yúv wùn à nsay, á səə̀m mo ndzə yíi a dzə, bó yòʼ dzə̀ sá vèn səə̀m vinyo ve Nyùy din e ghan sin à?

1 Korin 15:12

Mo vèr áwune fiʼtì ji Kristu‑uù fəə̀ fó kpu, kí ghán é le, bo wìr kfən lò fo věn mvəm, a kìnèn ji wíri yòʼ wíy fəə fo kpu?

Jeremia 2:23

«A dzə̀ à ghàn é le, e bó a yòŋ ji à yoʼ lòr kitú ké, e kfə̀n a yòŋ ji à yòʼ kóyti mebvə̀m me Baal? Leéy mo wò‑oò lóvti e kiwoóy, e yèn kinyo ke wò‑oò yiìn kí. Leéy mo à léʼnin, du e mbìy, léʼnin, kfə́n e bàm moo *kamer woo wiíy, kamer wo wù jòyìn, a tàʼ lúm.

Nsùyrì Nyùy 11:1

M lir a dzə̀ e Nyùy Tǎr wùn, a dzə̀ vèn ghàn é le, e bó a suúy e mò jii, «Féŋ é njà shinə̀n, e kòʼ áàgwan.

Kèʼlo 26:9

Fòn Abimelek nèn tòóy Aysi, e sùúy sho jii, «M yèn ne rú ji Rebeka dzə̀ á wiiy wò. Kì yiì ka, é bo à wáa yòŋ ji jemèr yè?» Aysi bìnèr jii, «M kì kwaʼtì ji tàm m ràn á dzəʼə̀m yém bìʼ wun.»

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.