Joon 14:26 - ŊWÀʼ NYÙY

²⁶ Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Joon 14:26 Referans Kwoze

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

Joon 14:16

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m,

1 Joon 2:27

M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

1 Joon 2:20

Bó vèn yòʼ dzə̀ moo wír vee shooy. Jesus Kristu fò ne ven Kiyoy ke Ranén kí, vèn wáa kiíy kinyo ke dzəə̀n ke ru kí.

1 Korin 6:19

Bó vèn yòʼ kì ji wún wóné dzə̀ lav ye Kiyoy ke Ranén kí shiiy sho à? Fó Nyùy Kiyoy kfə́ kee shoon, a bó yòʼ kér ven vitú vén, kér wun woo Nyùy ven.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Efesor 1:17

A m lón fo Nyùy woo Ŋgaà Vikùʼùy, wun woo Tàr à Taàtá wòsən Jesus Kristu ji wù ku mvə̀ʼ vifií vén, é vèn wáa kiíy mo vinyo ve wù din e vèn ví dzəə̀n, e nèn màysì, e kiíy wun.

Ŋwàʼ woó Rom 15:13

M nén a lon jii, Nyùy wo vèsən shiy ji wù wíy lùŋèr vèsən və̀n ku yiì, é vèn maysi, e wày shilív e Jesus Kristu wùn, é kishéʼrì ki rún e věn meliv, é mè wáa dzə nyaáŋ. Vèn lóo yiì bèy, é Kiyoy ke Ranén kí kfə́n a tavír melív men, é vèn wáa dzə, a leéy a dzə̀ fó mbìy, a shìy ŋkàʼme Nyùy, é wù luŋer ven.

Lim Aŋgàa Ntum 2:4

Kiyoy ke Ranén kí ku nèn wìy, e rùn aáwuné meliv, e yiì, áwune kèʼ, a suŋnín lám sé vitum jeéy jeéy.

Joon 2:22

Wón və́ lìme nèn wìy sìíy sa, a kuumé kinyo ke wù‑uù màʼàn kin, a wù fəə́ ne fo kpu. Á nèn biìmé ji kinyo ke Jesus‑eè suuyin, a vé‑eè lo dìn sa e Ŋwàʼ Nyùy kìn, ki dzə̀ á rú.

Aysaya 54:13

Mómò woo Nyùy Tàr, m wíy yeʼéy wír ve á dzə́ e wò ŋkàlaʼ adzə̀m. Áwune wíy a dzə dzə́ yee nyaáŋ, a ker kifá kidzə̀m ke á kér shií shó.

Lim Aŋgàa Ntum 13:2

Wìy lòo dzə e ghan símóʼ sí, áwune wáa lèm jíŋ, a bùnrì. Kiyoy ke Ranén kí wìy lò, e sùúy aáwune jii, «Vèn bay Banabar wùn Saul fo věn ŋgoo, e lèm, aá wáa yiì lim ye mò‑oò liìn áwune shó.»

1 Pita 1:12

Nyùy nèn yiì, áwune kiíy ji vinyo ve áwune rə́si tiísi vìn vi yòʼ waà wíy koóy aáwuné ghan. Ví wìy sìíy, a koóy a dzə̀ e věn kiwo. Nén a dzə víwun ve vèn sí yú lèn fo wír ve á fiʼtì sáʼka Nyùy wo juŋ e vèn, aá fiʼtì a dzə̀ mo Kiyoy ke Nyùy‑iì tumen fó yuv kí bánri áwune, réŋréŋ mo wù‑uù bánri vee fó mbìy. A vèn nə̀ə́ ne lèn e vinyò a dzə̀ ve nshèelav se Nyùy si diy feyì ji á kiíy á mo ví dzəə̀n.

1 Joon 5:7

Vifá vi nén a dzə vitaár ve ví din ji Jesus‑eè ló a dzə e nsay fèn,

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Ŋwàʼ Luk 24:49

Vèn wáa kiíy jii, m yíi tsənsí ven mbùʼmé wo Tàr wor‑iì kàʼàn ven shó. Kí nén a dzə jii, vèn goʼ é mvə̀mlaʼ fèn, e dù, e meé e ghan se Nyùy wíy fo ven vitaáví ve ví loòn fó yuv.»

Ŋwàʼ Jud 1:20

Ŋkàr sem, vèn ku nèn a kìm vitú vén, a tiy a dzə̀ e Nyùy kinyò ke vèn biimen, a dù duùn fó mbìy, a tiír Kiyoy ke Ranén kí fó mbìy, a bùnrì ghán sidzə̀m.

Hibru 9:8

Mo kí dzəə̀n bey, Kiyoy ke Ranén kí nèn a dìn, kí wáa yensín rú jii, yì‑iì dzə̀ é ghan se vé‑eè cu Nyùy e kibàn fóo fèy, a bó dzəə̀ yòʼ dzə̀ ye dzə̀ wìr nə̀ə́ fó mvəm fo Nyùy dzəə̀n.

Hibru 3:7

Vèsən ku nèn yuùrí kinyo kímóʼ kí ke Kiyoy ke Ranén kí‑iì suuyin jii: «A vèn yù, a Nyùy yoŋ ven lán,

2 Korin 13:14

M nén a lon jii, Tàr wòsən Jesus Kristu kú a leéy fo vèn, é Nyùy wáa kòŋ ven, é Kiyoy ke Ranén kí tátí ven, aá wáa dzə amòʼón.

1 Tesalonika 4:8

Kí nén a dzə jii, wìr wo wù leey ntir rə̀n ntéŋ, leey a dzə̀ á Nyùy ntéŋ, wù yòʼ leey a dzə̀ wír. A Nyùy wo ŋgaàŋ leey ntéŋ və̀n dzə̀ wo wù fó ven Kiyoy kfə́ ke Ranén kí.

1 Korin 12:3

M nén a tàʼ lèn ji vèn kiíy kijuŋ a ji wìr wo wù suuy kfə́ kinyo ke kí loòn a dzə̀ fo Kiyoy ke Nyùy ki yòʼ dzə̀ á wù kfə̀n a dzə ji lòné shóv Jesus. A bó yòʼ dzə̀ wìr kfə̀n a fìʼtì ji dzə̀ Jesus wo dzəə̀n Tàr, a bó bánrí Kiyoy ke Nyùy ŋgaàŋ.

2 Pita 1:21

Á yòʼ‑oò ló a tiisí kinyo ke kwaʼ áwune gheéy. Kù‑uù bánri Kiyoy ke Ranén kí áwune, aá tiísi a dzə̀ kinyo ke Nyùy suuyì.

Ŋwàʼ Luk 11:13

Mo vèn dzəə̀n wír ve á kù yii vinyo ve bi ví, kù yòʼ kiiy mo dzə̀ á fò vifá ve juŋ vi e wón véné, bo dzə̀ Tàr won wo wù dzəə̀n é yuv fò sá Kiyoy ke Ranén kí e wír ve á lón fo wune.»

Nsùyrì Nyùy 51:11

Lá à yòʼ jùm mo fo wò si. Lá à yòʼ sə̀ Kiyoy ké ke Ranén kí fo mò.

Ŋwàʼ woó Rom 15:16

Wù‑uù lì mo ji m wáa dzə ŋgaà ntum Jesus Kristu, a fìʼtì sáʼka və wo juŋ e wír ve bó yòʼ dzəə̀n veé Judàa. A m fiʼtì bèy ji Kiyoy ke Ranén kí fiʼ bìnèr áwune, aá wáa dzə wír wun woo Nyùy, é m wáa dzə kém moo taà cù wo wù báʼti áwune, e cù Nyùy sho, é wù wáa kòŋ.

Ŋwàʼ Luk 1:41

Mo Lisaber yuun shaʼtì rə́, wàn nèn wàʼrì fo wùn bvə̀m, Kiyoy ke Ranén kí kfən wìy, e rùn e wùn shiliv.

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

2 Timoti 1:14

Kú a kuumé ji wày á Kiyoy ke Ranén kí ke kí dzəə̀n e vèsə́n meliv lim rə̀n e wò kiwo. Ku nèn a leéy fo fo kijuŋ.

Efesor 4:30

Lá vèn yòʼ a yiì kinyo ke Kiyoy ke Ranén kí wáa yu ntéŋ, a sòv kitú. Vèn wáa kuumé ji Kiyoy ke Ranén kin ki dzə̀ kisəə́y ke Nyùy‑iì foon e vèn ji kishiíy kí wíy gheén, é wù luŋèr ven ŋkuuŋkùŋ.

Ŋwàʼ woó Rom 14:17

A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ.

Ŋwàʼ woó Rom 5:5

A bó yòʼ dzə̀ kinyo kee shoon ki shaà fó ghaŋ, bìʼ fo Nyùy foon ne kitiír, a dzə̀ Kiyoy ke Ranén kí ke wù wayin e vèsə́n meliv, kí wáa yiì, vèsən wáa kiíy rú mo wù koŋ vèsən.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

Lim Aŋgàa Ntum 11:16

M yén, e nèn kuùmé kinyo ke Tàr wòsən Jesus‑eè suuyin jii, ‹Joon‑eè wáy wíri é ndzəv, aá wíy a way ven a dzə̀ e Kiyoy ke Ranén kí kiwo.›

Lim Aŋgàa Ntum 1:8

Ke vèn wáa kiíy ki dzə̀ jii, Kiyoy ke Ranén kí wíy wìy fo vèn, é wù fó ven vitaáví, é vèn wáa fìʼtì mo m dzəə̀n. A vèn wíy a fìʼtì e Jerusalem, e kfə̀n a fìʼtì woŋ wìr veé Juda e dzə̀m, a fìʼtì sa e wòŋ *Samaria, e dù, e meé fo nsay jòʼsìn.»

Joon 20:22

Wù suúy bey, e nèn yòy aáwuné wùn, e sùúy jii, «Vèn ko Kiyoy ke Ranén kí.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Maak 13:11

«Kí nén a dzə jii, á wíy koó ven, lóo dù sho e lav nsaʼ, lá wìr yòʼ a rə̀m ji wun sà yíi dù, e bìnèr ji ka á? Vèn wíy du, vèn wàa suúy a dzə̀ kinyo ke kí wìyìn e věn shuù e ghan see shó, bìʼ fo bó yòʼ wíy a bìnèr ven fo věn vifii, wíy a fo Kiyoy ke Ranén kí jí ye dzə̀ vèn bìnèr.

Matio 1:20

Wù kú a kwàʼtì bèy, e lòo buuné, njèm shí wun, wù yén nshìylav Nyùy Tàr. Yì yòŋ wun jii, «Joosev woo wán woo Fòn Davir ram, kú a kiíy jii, Maria dzə̀ e bvə́me, a yiì Kiyoy ke Ranén kí. Lá à yòʼ a fàn fó lì, e way e lav.

Hibru 10:15

A Kiyoy ke Ranén kí din e vèsən sá ji kinyo kee shooy ki dzə̀ á bèy. Wù suúy fómóʼó jii:

Joon 12:16

Wón lìm Jesuse yén kinyo kìn, e làa yòʼ a gwàrìr kinyo ke vé‑eè saŋen kiy. Wìy lòo dzə fo bàm, a Nyùy lí ne Jesus e yuv, bo kí wiy aáwuné vifii ji vé‑eè sàŋ kinyo kee shooy a dzə̀ bìʼ Jesus, kí ku kòóy a mo vé‑eè saŋen.

Maak 12:36

Vèn kì sá kinyo ke Kiyoy ke Ranén kí‑iì yiìn, Fòn Davir suúy kùm Mfə̀ə́r və̀n. Wù‑uù sùúy jii: « ‹Nyùy Tàr‑iì sùúy e Tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wúu yé sho.»›

Ŋgaà Yen 2:11

«Vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo bó wù yòʼ dzəə́ wìy nəə́ e kpu yee akàŋ abaà.»

Efesor 1:13

A kù dzə̀ sá mo kén kí dzəə̀n, ven ve bó yòʼ dzəə̀n wír veé Isray. Vèn‑eè yù sáʼka woo rú woo kùm Jesus Kristu wo dzə̀ wù lùŋèr ven, e wày shilív é wùn wó. Mo vèn à Kristu siìn kintatì, Nyùy nen fò ven Kiyoy kfə́ ke Ranén kí ke wù‑uù yiìn ne kàʼ wír və́ shó. Wáa dzə kisəəm ke wù səə̀mèn ven shó ji və́ vee wír,

2 Korin 6:6

A liì wor din sa ji vèr dzə̀ rú á aŋgàa lìm Nyùy. Vèr baamè vinyo ve kisaŋ vi vidzə̀m, lóo fìʼtì kinyo kee kùm Nyùy, á wàa kiíy mo kí dzəə̀n. Vèr yú kér a dzə̀ fo Kiyoy ke Ranén kí, kér wir dzə̀m ji weè, géʼ aáwune, koŋ shilív shidzə̀m, là kiloʼ.

Lim Aŋgàa Ntum 20:35

Vinyo ve mò‑oò yii vidzə̀m vi kù‑uù din e vèn ji wìr wáa lìm e wó rəə́, e fíʼ a sə vé kitàne, a kuumé kinyo ke Tàr wòsən Jesus‑eè suuyin jii, wìr wo wù kér kishéʼrì dzə̀ wo wù jav vifá, e shaà wo wù shiy shìyìn ji á fó.»

Lim Aŋgàa Ntum 15:8

A Nyùy wo wù kiìn melív me wìr dzə̀m‑eè lo bìnsí áwune ji wír və́. Wù‑uù fò áwune Kiyoy ke Ranén kí, réŋréŋ mo wù‑uù foon e vèsən fó mbìy.

Lim Aŋgàa Ntum 7:51

Tefan fèr bèy, e sùúy jii, «Vèn tàv kitú e ŋàŋ, a melív men wùn à vituʼùr vén ví dzə̀ vé wìr ve bó á yòʼ kiìn Nyùy. Vèn kfə̀n tén fó a yu Kiyoy ke Ranén kí, yii kinyo, a kù dzə̀ ke atàr véné‑eè yii.

Lim Aŋgàa Ntum 1:4

Wùn áwune wáa dzə bèy, wù nèn fò nsər aáwune jii, «Vèn wíy siiy, lá vèn yòʼ lò fo Jerusalem. Vèn wáa shìy ŋkàʼme Nyùy Tàr wo mò‑oò suuyin e vèn.

Lim Aŋgàa Ntum 1:2

e meé e ghan se wù‑uù koʼon é yuv. Bo wù wáa koʼ e yuv, wù‑uù beè Kiyoy ke Ranén kí, e tìr aŋgàa ntum və́ ve wù‑uù shoʼtin.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Ŋwàʼ Luk 1:67

Kiyoy ke Ranén kí nèn lò, e rùn e Sekariya woo tàr à wan və̀n shiliv, wù wáa yu vinyo fo Nyùy, a tiisí jii:

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Ŋwàʼ Luk 1:15

Wan woo shoon wíy a dzə wír wo kuʼùn e Nyùy si. Kiyoy ke Ranén kí wíy run e wùn shiliv, é bo yè wov wìy a dzəə́ wun, a bó yòʼ dzə̀ wù wìy nò kifá ke dzə̀ kí koò wír e njà melùʼ.

Matio 28:19

Vèn du ri, a ghan vitúm vidzə̀m, a yeʼéy wíri, a bìnèr ji wír vém, a way áwune é ndzəv e yír Nyùy Tàr wùn Wàn, à Kiyoy ke Ranén kí.

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.

Lim Aŋgàa Ntum 28:25

e nèn lò, e kèʼ a dzə̀ mbìʼ, e bvəə̀rí. Á lòo fəəkír, Por màʼ jí yìmòʼ jii, «Kiyoy ke Ranén kí‑iì lo sùúy kinyo ke rú kí áàtàr véné féyì mo kí‑iì tumen Aysaya woo *ŋgaà ntum Nyùy jii:

Lim Aŋgàa Ntum 16:6

Wùn à Por ku nèn a ghan, e lò ji á du, a fìʼtì sa kinyo ke Nyùy e wòŋ Asia, la Kiyoy ke Ranén kí yòʼ biìmé. Áwune nèn a shaà a dzə̀ é mvə̀m wòŋ woo Firigia wùn à woo Galatiàa.

Lim Aŋgàa Ntum 15:28

A kí dzə̀ jii, Kiyoy ke Ranén kí‑iì lo yiì, vèr yén ji bó yòʼ dzə̀ vèr wàa rəʼə́y ven ve bó yòʼ dzəə̀n wír veé Juda e kibeʼèy kímóʼ kí, e shaà vinyo ve ví dzəə̀n é shií jii,

Lim Aŋgàa Ntum 13:4

Mo Kiyoy ke Ranén kí tumen áwune, á nèn lò, e dù e ntèʼ yee Selusia, e nə̀ə́ e kikoŋ, a tumsín e wòŋ Saypur.

Lim Aŋgàa Ntum 7:55

A Tefan kù leey kfə́ a dzə̀ yúv, Kiyoy ke Ranén kí rún e wùn shiliv, wù yén rán ye dzəə̀n yé Nyùy, e kfə̀n yèn Jesus, a wù tíy e Nyùy koy yìyí.

Lim Aŋgàa Ntum 5:3

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka?

Ŋwàʼ Luk 2:25

Wáa dzə e ghan see shooy, a wìr wùmòʼ dzə̀ é Jerusalem, a yír rəə́ dzə̀ Simeon, a wù ghvə́m Nyùy, yii mo Nyùy koŋè, kfə̀n shiy ghán se Nyùy wíy rəə̀r melív me wìr veé Isray. Kiyoy ke Ranén kí wáa dzə e wùn shiliv,

Matio 1:18

Kinyo kìn ki din mo kí‑iì ghanen, é bo á dzəə́ Jesus Kristu. A dzə̀ jii, yìy à Jesus‑eè dzə̀ wánlè wiíy wùmòʼ, aá yoŋ ji Maria, a vé‑eè juùr ne e wìr wùmòʼ wo á yoŋ ji Joosev. Bo wù wáa way Maria e lav, á nèn yèn ji wù kì sì á e bvə́me, a kù‑uù yiì Kiyoy ke Ranén kí, bo wù tiím bvəm rə̀n.

Joon 1:33

Mómò, m yòʼ‑oò ló ne kìíy sa mo ŋgaàŋ dzəə̀n, a Nyùy wo wù tumen mo, bo m wáa way wíri é ndzəv‑iì sùúy ne e mò jii, m wíy yén, a Kiyoy kfə́ kí sə́ʼə́y, e dzə̀ʼə̀m e wìr kitu, bo dzə̀ á wír wo wù wíy a way kfə́ wíri a dzə̀ e Kiyoy ke Ranén kí kiwo.

Joon 14:25

«M fèr ne vinyo vìn e vèn férin lèn, a m dzə̀ə́ vèsən.