Joon 14:23 - ŊWÀʼ NYÙY

²³ Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Joon 14:23 Referans Kwoze

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

Joon 14:15

«A vèn koŋ mo, vèn wàa lèm nsər se dzəə̀n sém.

1 Joon 2:24

M nén a suúy e vèn jii, vèn kú a tiy a dzə̀ é kinyò ke vèn‑eè tòmbìy yù kí. Vèn lóo tiy sho bèy, é vèn à Wàn Nyùy nèn a dzə kintatì, é vèn wáa dzə sa vèn à Nyùy.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

Nsùyrì Nyùy 91:1

Wìr wo wù bee kfə́ e Nyùy woo Taà Vitu sar kikfəvsì, a Nyùy woo Ŋgaà Vitaàví Vidzə̀m kúʼti wun,

Joon 10:30

a vèr Tàr wor dzə̀ ji kitú kimòʼón.»

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

Joon 14:17

a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Kèʼlo 1:26

Nyùy nèn sùúy jii, «Vèsən fer wíri e vèsə́n nshwìnín, aá wáa dzə moo vèsən, e yiì, aáwune wáa ker vitaáví vé a leéy sə́ si wùn à menə́n mè, à nyám seé laʼ wùn à seé kwaʼ si, à vifá vidzə̀m ve ví ŋaŋrì e nsay, e kfə̀n a saʼ kitú ke nsay kidzə̀m.»

Ŋgaà Yen 21:22

M yén láʼ yee shooy, e làa yòʼ yen lav yìmòʼ fó jeéy ji ye Nyùy Tàr, wun woo Nyùy woo Ŋgaà Vitaàví Vidzə̀m, a wùn Wàn Njiì və ghán fo virə́ʼ vidzə̀m.

Kèʼlo 11:7

Vèsən sə́y fó, e tòvsìn lám wóv, é la wìr wùmòʼ yòʼ a yu kinyo ke wùmòʼ suuyì.»

Ŋgaà Yen 22:3

Láʼ rə̀ne wáa dzə bèn, a bó yòʼ dzə̀ á kfə̀n yèn kifá kímóʼ kí fó ke kí wáa koʼóy fo Nyùy. Dzə̀ fo kàvàʼ Nyùy wùn Wàn Njiì və wíy a tiy, é wír ve dzəə̀n vəə́ wáa ghvəm wun fo.

Nsùyrì Nyùy 90:1

Nyùy Tàr, à kù‑uù sì ji láʼ fo vèr. À kù‑uù sì ji láʼ yér mo ŋgwàʼ sér sí‑iì dzəə̀n.

Joon 8:51

«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Joon 14:24

Wìr wo wù yòʼ koŋ mo, yòʼ lem kinyo kém. A bó kinyo ke vèn yú fo mò kí yòʼ fə̀m dzə̀ kém. Dzə̀ ké Tàr wor wo wù tumen mo.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 16:27

Tàr wor sí koŋ ven, bìʼ fo vèn‑eè sí koŋ mo, biíme ji m lò rú a dzə̀ fo wun woo Tàr wor.

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

1 Joon 2:5

Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

2 Joon 1:6

Kinyo ke dzə̀ kí wàa dìn ji vèsən koŋ Nyùy ki dzə̀ jii, vèsən wáa lèm a nsər sə́. A nsər ye wù‑uù foon e vèsən fó mbìy, e kèʼ mo vèsən‑eè yuun kinyo kfə́ dzə̀ jii, vèsən wáa kòŋnìn.

Ŋgaà Yen 21:3

M yú, a jì yìmòʼ súŋnin fo lum kàvàʼ kitávín, suuy jii, «Á yén ri lèn, Nyùy sí dzə́ wùn à wíri. Wù wíy a shiíy wùn áwune, aáwune wáa dzə wír və́. Wúnwun woo Nyùy kù sí wìy a dzə wùn áwune.