Joon 14:21 - ŊWÀʼ NYÙY

²¹ Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

Joon 14:21 Referans Kwoze

Joon 14:15

«A vèn koŋ mo, vèn wàa lèm nsər se dzəə̀n sém.

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

1 Joon 2:5

Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

2 Joon 1:6

Kinyo ke dzə̀ kí wàa dìn ji vèsən koŋ Nyùy ki dzə̀ jii, vèsən wáa lèm a nsər sə́. A nsər ye wù‑uù foon e vèsən fó mbìy, e kèʼ mo vèsən‑eè yuun kinyo kfə́ dzə̀ jii, vèsən wáa kòŋnìn.

Remrí 11:13

«Vèn wáa lèm nsər se m fó e vèn lán, a dzə̀ ji vèn wáa kòŋ Nyùy Tàr woo Nyùy won, a lìm fo wun shilív shén shidzə̀m, e fò kitú kén shó kidzə̀m.

Joon 16:27

Tàr wor sí koŋ ven, bìʼ fo vèn‑eè sí koŋ mo, biíme ji m lò rú a dzə̀ fo wun woo Tàr wor.

Ŋwàʼ Luk 11:28

Jesus bìnèr jii, «Wír ve á kér kishéʼrì ke kuʼùn kií dzə̀ ve á yú kinyo ke Nyùy, yii mo kí dzəə̀n.»

Joon 15:14

A vèn yú kinyo kém rú, bo vèn sì ŋkar sém.

Ŋgaà Yen 3:20

Vèn yú, m tíy e shùu lav, kumrì. A wìr yù jí yem, e mvə̀ʼ, m nə̀ə́ e wùn lav, é vèr wun dzəʼəm, a yikír.

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Nsùyrì Nyùy 35:27

Ké wìr ve á tom mo ji m dzə̀ là njò, ku yiì, aá wìy a sheʼrí, a sàvnìn, a binsí ji Nyùy Tàr dzə̀ rú e gháʼtín. Shií və kù dzə̀ kfə́ ji ŋgaà lìm və só.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

Tsəfaniya 3:17

Nyùy Tàr woo Nyùy won dzə̀ e věn mvəm. Wù dzə̀ wir rə̀r wo tavín wo wù luŋèr ven. Wù wíy a sheʼrí ven, wù wíy a kòŋ ven, é melív men mè wáa dzə ji nyaáŋ. Wù wíy a sheʼrí ven, a seŋ, a sàvnìn,

2 Tesalonika 2:16

Vèr ku nèn a lon fo wúnwun woo Taàtá wòsən Jesus Kristu wùn Tàr wòsən Nyùy jii, á kú a bayrí melív men, a tavír ven, é vèn wáa suúy, a yiì a dzə̀ vinyo ve juŋ vi. A Nyùy wo vèsən lón fo fo və̀n‑eè lo dìn ji wun koŋ vèsən. Wù‑uù shàm vèsən, e yiì, melív mèsən mè wáa lùm ghán sidzə̀m, e kfə̀n yiì, vèsən wáa shìy a dzə̀ vijuŋ ve wù‑uù kàʼàn vèsən shó.

Jeremia 31:31

Nyùy Tàr suuy jii, «Vèn leéy, e yèn, ghán sí wíy gheén, é m gwar *mensaŋ me fíy mè vèr à wír veé Israyi, à veé Judàa.

Joon 16:14

Wù wíy a nàn yír yém, bìʼ fo wù wíy a lì a dzə̀ vinyo vém, a fèr e vèn.

Joon 14:18

«Bó m yòʼ wíy màʼtì ven ji vèn siíy, e jàáy jaayín. M wíy kfən, a dzə vèsən.

2 Timoti 4:22

M nén a shàʼtì sa wò jii, Nyùy kú a shìy shilív shé, a leéy a fo vèn à wír vée adzə̀m.

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

Lim Aŋgàa Ntum 22:18

m yén Jesus, a wù suuy e mò jii, ‹Lò cér fo Jerusalem fèn, bìʼ fo wír vee féne yòʼ wíy biimé kinyo ke à fiʼtì kùm mo.›

2 Korin 12:8

A m lòn ne fo Nyùy, e meé akàŋ ataár feyì jii, wù ku yiì, é ndzə́m və̀n may á fo mǒ wùn.

Ŋwàʼ Fəə 33:18

Mooser nèn kfə̀n a lon Nyùy Tàr jii, «Ku yiì, é m yén vikuʼùy vé.»

Remrí 7:13

Wù kù wíy a kòŋ ven, a səə̀vì ven, e yiì, é vèn wáa kùʼ. Wù wíy səə̀vì sa kidzəə́y kén, e kfə̀n səə̀vì nsay yen, é yì wáa fəə́r vifá ve yi, a fəə́r meluʼ, a fəə́r meŋgvə́r. Wù wíy a səə̀vì nyám sén, é sí wáa dzəəkír e nsay ye wù‑uù kàʼàn atàr vén shó ji wun wíy fo e vèn.

Ŋgàn 8:17

M koŋ wir dzə̀m wo wù koŋ mo, a ve á taʼ mo é shií kù yíi yen.

2 Afòn 18:6

Wù‑uù jumrì Nyùy Tàr féyì, a bó wù yòʼ‑oò lo ghàn sìíy yàr fó a jùmrì wun. Wù‑uù yú nsər se Nyùy Tàr‑iì foon e Mooser.