Joon 14:20 - ŊWÀʼ NYÙY

²⁰ Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Joon 14:20 Referans Kwoze

Joon 17:26

Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Ŋwàʼ woó Rom 8:1

Kí nén a dzə jii, wìr wo wù tatin wùn Jesus Kristu bòy ne a fo lǒn vinyò ve bi ví.

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

2 Korin 13:5

Vèn ku nèn a sayrí vitú vén, a leéy ji vèn sà kù yòʼ tíy réŋréŋ é kinyò ke vèn‑eè biimen á. Bó vèn yòʼ kì ji Jesus Kristu dzə̀ e věn meliv a? Kù mày cáʼ jii, a vèn bùŋ fó wìr və́, bo wù búŋ fo věn meliv.

Kolosia 1:27

A kù dzə̀ mo wù‑uù sìysìn ji wun wíy yiì, é wír vəə́ kiíy á kinyo ke wù‑uù lìtìn kin, kee ji wun wíy bùʼ vitúm vidzə̀m e vijuŋ ve ghaʼán ví. Mo Jesus Kristu siìn e věn meliv, a dzə̀ vèn kìíy ji vèn wíy nəə́ e wun woo Nyùy mvə̀m vijùŋ veé yuv.

Joon 16:26

Sí wíy gheén, é vèn nèn a lon kifá ke á lón fo Tàr wor a dzə̀ e mǒ yir. A bó yòʼ dzə̀ ji wíy a lon mo fo Tàr wor ji wù fó kifá kee shooy e vèn.

Kolosia 2:9

Kristu dzə̀ kinyo kidzə̀m ji Nyùy. Mo wù‑uù liìn mbom wìr, vinyo ve Nyùy vi nén a yensín e wun wùn vidzə̀m.

Kolosia 1:19

A yì‑iì sìysì Nyùy bèy, bìʼ fo wù‑uù taʼ ji Wan və kú a dzə réŋréŋ vinyo vidzə̀m ji wun,

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 16:23

«Wíy lóo dzə e ghan see shooy, é la vèn yòʼ dzə́ə a dzər kifá a dzə̀ e mò. M suuy ven kinyo ke ru kí jii, vèn wíy lon kifá a dzə̀ fo Tàr wor e mǒ yir, é wù ku nèn fò kíwun.

Efesor 2:10

Ke kí dzəə̀n kí dzə̀ jii, yì‑iì tàtí Nyùy vèsən à Kristu ji vèsən wáa dzə, a yiì a vinyo ve juŋ vi. A vinyo vìn vi dzə̀ ve wù‑uù yiìn ne sìysì fo ŋgùʼ ji vèsən wíy lòo dzə, aá wáa yiì.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Joon 17:7

Aáwune kìíy ne lèn ji vinyo ve wò‑oò foon e mò vidzə̀m vi‑iì lò rú a dzə̀ fo wò.

2 Korin 12:2

Yì‑iì dzə̀ é bǎm kiya nshòv sikweè e ghvə̀m, Nyùy lì wir Kristu və̀n e ntoò yùv fo wù dzə́. Kìn wù‑uù lì mo wù dzəə̀n ben, kìn wù‑uù lì a dzə̀ kiyoy, bo bó m yòʼ kì. Kù kì wun woo Nyùy.

2 Korin 5:19

A kí dzə̀ jii, Nyùy‑iì tùm á Kristu, wù mán ajay wìr veé ndzə adzə̀m, aá fíʼ a dzə ŋkar se wun woo Nyùy, a bó wù yòʼ dzəə́ kív njò yev gheéy. Wù kfən wày sáʼka wo juŋ və̀n e věr kiwo.

Ŋwàʼ woó Rom 16:7

Vèn shaʼti Andonikur wùn Juniar ve dzəə̀n afə́r vém veé Juda ve vèr áwune‑eè lim sháŋ amòʼón. Áwune dzə̀ aŋgàa ntum Jesus Kristu ve á din vitú vév féyì ji á lim a fo Kristu. A vé‑eè biìmé kinyo kfə́, é bo m wìy sìíy, e biìmé.

Joon 14:11

A dzə̀ vèn wàa biimé mo m suuy ji kù dzə̀ vèr Tàr wor, a vèr wun dzə̀ ji kitú kimòʼón. Búŋ bèy, vèn wàa leéy rì a dzə̀ vinyo ve m yii, a biimé bìʼ vee shooy.