Joon 14:2 - ŊWÀʼ NYÙY

² Vèn wáa kiíy jii, lav si dzə̀ e Tàr wór laʼ sinín, a m du bèn a dzə̀ ji m náŋsín mbìv yìmòʼ, e lèm e vèn. A là bey, bo bó m yóʼ lò a suúy e vèn.

Joon 14:2 Referans Kwoze

2 Korin 5:1

A bó yòʼ dzə̀ vèr wàa dor fo Nyùy lìm, bìʼ fo vèr kiìn jii, a fə̀m dzə̀ ji yúyrí, á yúyrí wún vən, bo á sàʼ a dzə̀ á táv wo vèr bee sho e ndzə fèn, é vèr wáa ker a dzə̀ lav e yuv. Lèm Nyùy yee shooy, a bó yòʼ dzə̀ moo ye bàʼrìn wír. Yì wíy a tiy fo ghán sidzə̀m, a bó yòʼ dzə̀ yì sàʼkìr.

Joon 13:36

Simon Pita nèn sàyín jii, «Tàr, à du a dzə̀ feé?» Jesus bìnèr jii, «M du e kirə̀ʼ, a bó yòʼ dzə̀ à wìy fó lèn. À wíy siíy, e jùmrì mo a dzə̀ é ghan sé bàm sí.»

Hibru 13:14

A dzə̀ vèsən kù dù bèy, bìʼ fo vèsən kiìn ji bó á yòʼ kér a láʼ yímóʼó é nsay fèn ye yí jòʼsìn ŋkuuŋkùŋ. Vèsən sí leey a dzə̀ láʼ yesən yeé yuv ye yí wíy wìy.

Ŋgaà Yen 21:2

M nèn yèn Jerusalem wo fíy wo dzəə̀n láʼ Nyùy, a wù sə́ʼəy fo yuv fo Nyùy wùn, aá náŋsín, e wàyrí moo jín wo á du sho fo lum.

Ŋgaà Yen 3:12

Wìr wo wù wíy so ndzə ye bi rə̀n dzə̀ wo m wíy fèr ji kfəy e Tàr wor woo Nyùy lav, é wù wáa dzə fo ghán sidzə̀m. M wíy tooŋé yír Nyùy woo Tàr wor é wùn wó, e kfə̀n tooŋé yír Jerusalem wo fíy sho, a dzə̀ láʼ wun woo Nyùy ye yí wíy səʼə́y fo yuv fo wù dzəə̀n. A m kfə̀n wíy tooŋé sa yír yém ye fíyi shó.

Hibru 11:10

Abraham kú a shiíy a dzə̀ é tàv, e làa yòʼ a ci, bìʼ fo wù‑uù leey a dzə̀ fó mbìy, shiy ji wun wìy nə̀ə́ e laʼ a dzə̀ ye bàʼrìn Nyùy e kitu ke kinsə̀ŋ, a wáy wun woo Nyùy.

Joon 13:33

Jesus nèn kfə̀n yòŋ jii, «Wónen, bó m yòʼ dzəə́ yìi dzə̀ʼtì vèsən shinín. Vèn wíy siíy, a tàʼ mo, e làa yòʼ yen. A kù dzə̀ kíwun ke mò‑oò suuy e vé wòŋe ji bó yòʼ dzə̀ á wìy fo m du.

Joon 16:4

M sùúy ne vinyo vìn e vèn lèn ji ví wíy lóo koóy, é vèn nèn a kuumé ji mò‑oò ló a suúy e vèn fó ghan. «A bó m yòʼ‑oò lo tàv, a suúy vinyo vìn e vèn, bìʼ fo kù‑uù rə́si dzə́ vèsən.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Hibru 6:20

bìʼ fo Jesus nəən ne fo e vèsə́n mbìy, a wù dzə́ wùn Nyùy lèn ji taà cù wòsən wo kùʼùn wo wù dzəə̀n moo *Melkisedek, lón fo vèsən ghán sidzə̀m, e dù, e mày.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

Hibru 9:8

Mo kí dzəə̀n bey, Kiyoy ke Ranén kí nèn a dìn, kí wáa yensín rú jii, yì‑iì dzə̀ é ghan se vé‑eè cu Nyùy e kibàn fóo fèy, a bó dzəə̀ yòʼ dzə̀ ye dzə̀ wìr nə̀ə́ fó mvəm fo Nyùy dzəə̀n.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

1 Tesalonika 5:9

Nyùy yòʼ‑oò lo shòʼ vèsən ji wun wáy é ŋgeʼ. Wù‑uù shòʼ ji vèsən fíʼ lùŋ bìʼ Tàr wòsən Jesus Kristu

Lim Aŋgàa Ntum 9:16

A m wíy dìn sho mo wù kér fó wìy yen ŋgeʼ bìʼ mo.»

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Ŋwàʼ Luk 14:22

Wù dù, e wìy, e yòŋ jii, ‹Tàr, m yiì ne mo à kì suuyin, a bó lav yoʼ rùn.›