Joon 14:19 - ŊWÀʼ NYÙY

¹⁹ Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

Joon 14:19 Referans Kwoze

Joon 16:16

«Bèr shishàr, é la vèn yòʼ dzəə wìy yèn mo. Shintàm shi lóo dàtìr, é vèn kfən yèn mo.»

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Joon 11:25

Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,

1 Korin 15:45

Vé‑eè sàŋ é Ŋwàʼ Nyùy jii, «Nyùy‑iì bòm Adam, wo dzəə̀n wir mbìy, e fò kiyoy sho, wù wáa yòy, a dzə e tin.» Yii bèy, ké Jesus Kristu wo dzəə̀n Adam wo wù jòʼsìn bám kí nén a dzə jii, wù dzə̀ kfə́ Kiyoy ke kí yii, bo wíri wáa lùŋ.

Joon 16:22

Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

Ŋwàʼ woó Rom 8:34

Wìr dzə̀ shó wo dzə̀ wù wày vèsən é ŋgeʼ ji nsaʼ koò vèsən á? Jesus Kristu‑uù kpù ne fo vèsə́n ajay, e kfə̀n fəə̀ fó kpu, a wù dzə́ lèn e Nyùy ghaŋ, tóm vinyo vesən.

Ŋwàʼ woó Rom 5:10

Kí kfə́n a dzə jii, vèsən‑eè dzə́, yii vinyo ve bi ví, ban Nyùy bánen. Mo wù‑uù yiìn, Wan və kpú, e màn vinyo vee shooy, vèsən wáa dzə ŋkar sə́ lèn, bo dzə̀ vèsən wàa kiíy sa jii, mo Wan və fəən ne fo kpu, a wù kù yíi a dzə sho, bo wù kù wíy yiì sa, é vèsən luŋ, a dzə a vèsən à Nyùy.

1 Korin 15:20

Yii bèy, ke kí dzəə̀n rú kí dzə̀ jii, Nyùy‑iì lo fə̀ə́r a Kristu fo kpu ji wir mbìy wo wù ghém dzə́ə fo ve vé‑eè kpukin nee.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 13:33

Jesus nèn kfə̀n yòŋ jii, «Wónen, bó m yòʼ dzəə́ yìi dzə̀ʼtì vèsən shinín. Vèn wíy siíy, a tàʼ mo, e làa yòʼ yen. A kù dzə̀ kíwun ke mò‑oò suuy e vé wòŋe ji bó yòʼ dzə̀ á wìy fo m du.

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Joon 8:21

Wù yiì lò, e kfə̀n a suúy jii, «M sí du, a vèn wíy siíy, a tàʼ mo, e kpu vèn à njò yen. A bó yòʼ dzə̀ vèn wìy fo m du.»

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Lim Aŋgàa Ntum 10:41

A bó yòʼ‑oò yèn wir dzə̀m. Kù‑uù yèn ver ve Nyùy‑iì shoʼon fó mbìy ji á wáa fìʼtì kinyo ke Jesus. Vèr à Jesus‑eè ló a yinín, a nonín, a Nyùy fəə́r ne wun fo kpu,

Ŋgaà Yen 20:4

M nèn kfə̀n yèn, aá tiír akàvàʼ, a wíri dzə́ sho, a dzə̀ ve Nyùy lèmèn ji á wáa tinén nsaʼ se wíri. Vé kàvàʼ vìne‑eè dzə̀ wír ve vé‑eè yuyrin, bìʼ fo vé‑eè tíy wùn à Jesus, fiʼtì kinyo ke Nyùy, e làa yòʼ a ghvəm nyám ye beemén wùn à kibámmbó kfə́ kí, e tèn fó sə nsáŋtí və aáwuné yírvishi, kìn é wo. M wáa yen áwune, aá kfə́n ne atin, a dzə vitú ve saʼ wùn à Kristu ji á sáʼ ndzə kiyá nsə̀kì.