Joon 14:18 - ŊWÀʼ NYÙY

¹⁸ «Bó m yòʼ wíy màʼtì ven ji vèn siíy, e jàáy jaayín. M wíy kfən, a dzə vèsən.

Joon 14:18 Referans Kwoze

Joon 14:3

M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

Nsùyrì Nyùy 23:4

Áà Nyùy Tàr, a m fèn shaa e kiwoóy, a kí sə́n, beéme e le, la m yòʼ a fàn kileémé, bìʼ fo à dzəə̀n wòsò. À kiŋsìn mo e kibur ké ki, danèr mo e mbàŋ yè, a m yú vijuŋ.

Matio 18:20

A wíri dzə̀ʼə̀m abaà, kìn ataár e mo woo Jesus yir, bo m kù dzə̀ aáwuné nsàn.»

Joon 14:16

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m,

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Hibru 2:18

Mo wù‑uù yenen ŋgeʼ, vinyo vi mùm wun vinín, wù nèn kìíy mo dzə̀ wù sə̀ wír ve vinyo vi mum sa áwune.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Aysaya 43:1

Yii bèy, vèn yú kinyo ke Nyùy Tàr suuy ki lèn, Nyùy Tàr wo wù‑uù bomen ven vee rám Jakov, wun wo wù‑uù yiìn, é bo ven vee Isray wáa dzə ji kitúm. Wù suuy jii, «Lá vèn yòʼ a fàn, m tìn ne ven fó vikwàn. M kì ven é yír yir, a vèn dzə̀ wír vém.

Nsùyrì Nyùy 101:2

M yíi a tiír kiwúu kém a fìʼ, a dzə là nsem. Éè Nyùy, à yíi wìy, a tavír mo, a dzə̀ é ghàn ka? M kù yíi a saʼ ntoʼ yem é dzəə yee réŋ, shilív shimòʼón,

2 Tesalonika 2:16

Vèr ku nèn a lon fo wúnwun woo Taàtá wòsən Jesus Kristu wùn Tàr wòsən Nyùy jii, á kú a bayrí melív men, a tavír ven, é vèn wáa suúy, a yiì a dzə̀ vinyo ve juŋ vi. A Nyùy wo vèsən lón fo fo və̀n‑eè lo dìn ji wun koŋ vèsən. Wù‑uù shàm vèsən, e yiì, melív mèsən mè wáa lùm ghán sidzə̀m, e kfə̀n yiì, vèsən wáa shìy a dzə̀ vijuŋ ve wù‑uù kàʼàn vèsən shó.

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

Aysaya 51:12

Nyùy Tàr suuy jii, «Kù dzə̀ mo və̀n wo m shám ven, rəər shilív shén, bo wìr msòŋ á ka, é bo vèn wáa fàn wun. Wír, a dzəʼə̀m rəə́ kù lo, e mày, kù mo yòvrí viŋgà.

Yòvdìy 5:3

Vèr sì ji wón tsə̀, atàr vérí yòʼ dzə̀ə́, aàyìy vérí sì ji vikǐy ŋkfə.

Joon 16:16

«Bèr shishàr, é la vèn yòʼ dzəə wìy yèn mo. Shintàm shi lóo dàtìr, é vèn kfən yèn mo.»