Kinyo ke dzə̀ kí wàa dìn ji vèsən koŋ Nyùy ki dzə̀ jii, vèsən wáa lèm a nsər sə́. A nsər ye wù‑uù foon e vèsən fó mbìy, e kèʼ mo vèsən‑eè yuun kinyo kfə́ dzə̀ jii, vèsən wáa kòŋnìn.
Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,
A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.
«Kí nén a dzə jii, a wìr koŋ tàr wov wùn yè wov, e shaà mo, bo bó ŋgaàŋ yoʼ ghèén ji ŋgaà wom ŋgoo. Wìr kfə́n a kòŋ wán və woo lumèn, kìn woo wiíy, a shaà mo, bo bó ŋgaàŋ yoʼ ghèén sa ji ŋgaà wom ŋgoo.
Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.