13 Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.
A bó vèsən yòʼ kfə̀n dzəə́ fan sa fó a koʼtí e Nyùy si, a lon kifá, bìʼ fo vèsən kiìn jii, a vèsən fèn lón ka fo wun, a bèn dzə̀ kifá ke wù koŋè, bo wù yuúri a kinyo késən.
«Wíy lóo dzə e ghan see shooy, é la vèn yòʼ dzə́ə a dzər kifá a dzə̀ e mò. M suuy ven kinyo ke ru kí jii, vèn wíy lon kifá a dzə̀ fo Tàr wor e mǒ yir, é wù ku nèn fò kíwun.
Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.
M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.
Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.
Vèsən ve á tatin vèsən à Kristùu nén a dzə lèn, a kiíy ji dzə̀ vèsən wàa koʼtí e Nyùy si ghán sidzə̀m, là fan, bìʼ fo vèsən wayin shilív e Wan və́ wùn.
Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.
Wìy lòo dzə e kishiíy ke vé‑eè sí maar kiŋkàʼ kìy, a dzə̀ kishiíy ke kuʼùn kí fó kiŋkàʼ foo fèy, Jesus nànèn e wírí ntìntìn, e jàŋ kitávín jii, «A kilòŋ kí yúm wír, wù wìy, e yèn mo, e rəə̀r kilòŋ kfə́.
Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.
Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.
Vèn wiy ri fo Nyùy, é wù li sá ven ji tíy, e bòm lav rə ye Kiyoy kfə́ kí wáa dzə sho, é vèn wáa dzə atàá cù wun woo Nyùy, a yu a dzə̀ fo Jesus Kristu, a lìm fo Nyùy shilív shidzə̀m, é wáa dzə cu ye wù koŋ ji dzə̀ wír vəə́ wàa cù wun sho.
Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,
a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.
Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»
Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»
A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.
Mo Judar fəən, Jesus nèn sìíy, a suúy jii, «Á lèn wo á yíi yen vikuʼùy vé ŋgaà wo yírí dzəə̀n *Wanwìr. Wíri lóo yen, aá wáa yen vikuʼùy a dzə̀ vé Nyùy.
Kí nén a dzə jii, wìr wo Nyùy bùʼùn, a wù lò, a suŋnín e làm wo bó wù yòʼ kiìn, wù wàa lon ji Nyùy ku yiì sa, é wun kiíy á móo toʼtí kinyo kee shooy, é wíri yú.