Joon 14:12 - ŊWÀʼ NYÙY

¹² A m suuy e vèn rúrú jii, wìr wo wù wáy shilív e mǒ wùn, dzə̀ wù wàa yiì sa vinyo ve m yii vìn. A wù kù wíy a yiì, e shaà bèy, bìʼ fo m du fo Tàr wór wùn.

Joon 14:12 Referans Kwoze

Matio 21:21

Jesus bìnèr jii, «M suuy kinyo ke ru kí e vèn jii, a vèn wày shilív e Nyùy wùn, e làa yòʼ a meŋnín ji dzə̀ wù yiì kinyo ke vèn lóné, bo dzə̀ vèn yiì sá kinyo ke m yiìn kin, a yiì, a shaà bèy. Vèn lo, á sùúy e gwan və̀n jii, ‹Meènè fó fèn, e gbù e rìbà ndzə̀v fésə,› wù kù gbù fo.

Maak 16:17

A wír ve á biimené wíy a yiì vinyo ve ví wáa dìn vitaaví vé Nyùy. Á wíy a jùm *anyùy ve á jívir wíri e mǒ yir, e kfə̀n a suŋnín lám símóʼ sí là yéʼéy.

Lim Aŋgàa Ntum 16:18

Wù kú a rəsí, a yiì bèy vishiíy vinín, Por wáa yu nyár. Wù wìy lò, e bìnkìr, e wàm nyùy woo shooy jii, «M suuy e wò, e Jesus Kristu yir jii, fəə́, e màʼtì wán və̀n.» Wù ku nèn màʼtì e ghan see shó.

Lim Aŋgàa Ntum 9:34

Pita yòŋ wun jii, «Aniar, Jesus Kristu sí fer wò. Lò é yuv, e kaàrí gham yée.» Aniar ku nèn lò e yuv.

Lim Aŋgàa Ntum 19:12

A fə̀m‑eè dzə̀ vifá ve wù‑uù sí maʼ e wùn, ví kù a fèr wír. Wíri nèn a tàʼ vinsàʼ və́ vé ndzə̀y, kìn dzə̀ sé lìm, a dù, a neèr e vé yàsií wùn, á wáa bonén, anyùy ve vé‑eè jívir wírií wáa màʼtì sa áwune.

Lim Aŋgàa Ntum 9:40

Pita fəə́r áwune fó ndzə adzə̀m, e sìíy, e tsə̀m fó nsay, a bùnrì. Wù yiì lò, e bìnkìr, e lèéy dzə́n wiíy və̀y, e yòŋ jii, «Tabita, lò é yuv.» Wù ku nèn mvə̀ʼ sí, e yèn Pita, e nànèn, e dzə̀ʼə̀m e kikun.

Lim Aŋgàa Ntum 8:7

*Anyùy ve á jívir wírií lo, á wàa rəəmé, a fəəkír fo wírí wùn, á wàa bonén anín, aàŋkivkìr wùn aàntèŋe bónen sa nyanyày.

Lim Aŋgàa Ntum 5:15

Wíri lo, á wàa fətí aŋgàa yàsí, a dù, a neèr e ghaŋ se dzəə. Á wàa neŋ fo e vikun, kìn é ghàm si, a shìy ji Pita yíi lòo shaà, a fə̀m dzə̀ kindzə̀ə́ndzəm kfə́, é kí ku gbù aáwuné wùn.

Lim Aŋgàa Ntum 2:41

Wíri yú kisúŋnìn ke Pita kìn, ámóʼó biímé anín, á wáy áwune é ndzəv. Wáa dzə e kishiíy fóo fèy, wíri tátí ŋgoo wìr Jesus ansə̀kì ataár.

Lim Aŋgàa Ntum 4:4

Yii bèy, wír anín ve vé‑eè yuun kinyo ke Pita wùn Jooné biímé, e tàtí wír Jesus, á wáa dzə lèn moo ansə̀kì atàn bèy.

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Ŋwàʼ woó Rom 15:19

A wù lo, wù yiì, m wàa yiì viŋgaʼnìn ve vinyò, a ví din vitaáví vé Nyùy, kfə̀n yiì, m wàa fìʼtì kinyo, Kiyoy ke Ranén kí wàa lùmèr melív me wíri, á wàa biimé. A kù dzə̀ mo mò‑oò kèʼèn fó Jerusalem, a ghan, a fìʼtì sáʼka Nyùy woo kùm Kristu feyì, e dù bèn, e dù, e mèé e wòŋ woo Ilirikum, wìr dzə̀m wáa yu.

Lim Aŋgàa Ntum 6:7

Kinyo ke Nyùy ki nèn a sàmèr, kintatì keé Jerusalem ki wáa kùʼ kùʼùn, a dù fo mbìy. Atàá cùu wáa way sa shilív e Jesus wùn anín.

Lim Aŋgàa Ntum 4:16

«A dzə̀ vèsən yèe e wír vìne? Wír veé Jerusalem adzə̀me kìíy ne kiŋgaʼnìn ke kinyò ke áwune yiìn kin, a bó yòʼ dzə̀ sá vèsən wàa kìnèn.

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Lim Aŋgàa Ntum 4:33

Aŋgàa ntum Jesuse nèn a fìʼtì feyì mo Tàr wov Jesus‑eè fəən fó kpu e dzəə ye dzə̀ wíri yù. Wír veé kintatì adzə̀me kú a suusín kitávín,

Maak 11:13

Wù màʼ sí, e yèn kicí ké *fig, a kí teʼè, wù dù, e lèéy ji sà dzə̀ wun yèn báŋ sho a, e yèn a dzə̀ vibábár cáʼcáʼ, bìʼ fo bó yòʼ‑oò siìn ghán se kí yii koomè.

Joon 4:37

Kí nen ghèén mo ŋgàn yìmòʼ yii suuy jii, ‹Ké ŋgaà lìm ki dzə̀ wáy, ké ŋgaà kav, káv.›

Joon 5:20

bìʼ fo Tàr wov koŋ wun e ŋàŋ, din vinyo ve wù yii sho vidzə̀m. A wù kfə̀n wíy dìn, é Wàn wáa yiì vinyo ve ví shaàn ve vèn yén vìn, é vèn wáa leéy, a ker gháʼ.