Joon 14:1 - ŊWÀʼ NYÙY

¹ Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Joon 14:1 Referans Kwoze

Aysaya 26:3

Nyùy Tàr, à yii darìr dzəʼə̀m wìr ve vifií vév ví tíy e wò wùn, yii, aá dzə́ dzə́ yee nyaáŋé, bìʼ fo áwune kù sí yoy, tiir a dzə̀ e wò wùn.

Joon 12:44

Jesus kfən lò, e waàmé jii, «Wìr wo wù wáy shilív e mǒ wùn, yòʼ wáy a dzə̀ e mǒ wùn. Wù wáy a dzə̀ e ŋgaà wo wù tumen mó wùn.

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Nsùyrì Nyùy 43:5

M dzə́ mendzən mendzən bèn bìʼ ka? M rəəy bèn bìʼ ka? M kù‑úù wáa dzə, a yuurí a dzə̀ Nyùy. M kì ji m kù dzəə́ wìy a sùyrì wun, wun woo Nyùy woo Ŋgaà Lùŋèr wom.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

Joon 13:19

M nén a suúy kinyo kìn e vèn lèn bèn, é bo kí yiì a koóy. Kí yií kooyì, é vèn fiʼ biìmé ji dzə̀ rú mo wo dzəə̀n mo.

Efesor 1:15

M nén a sheʼrí wun woo Nyùy mo m yú ji vèn kù wáy shilív e Tàr wòsən Jesus Kristu wùn kitávín, koŋ wír Nyùy adzə̀m.

Joon 12:27

Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

2 Tesalonika 2:2

Mo léŋe sí du ji kishiíy ké Taàtá kin ki ghèén ne, vèr nén a lon ji lá vifií vén ví yòʼ nèn tàv bvəə̀rí, é vèn wáa tùʼtìn. A wìr fə̀m fer bèy a dzə̀ fo wùn kwàʼtì, kìn wù suuy ji sùúy Nyùy, kìn wù yoŋ fo ŋwàʼ ji sàŋ mo, lá vèn yòʼ biìmé.

2 Korin 2:7

A dzə̀ lèn, vèn làysìn kinyo kee shooy fo wù wáa màysì, a rə̀m ntéŋ, é shilív sə́ shí wáa weèy.

Joon 11:33

Jesus yén mo Maria diyì, a wír ve á kì wìyìn e wùn bàm víyi diynìn sa, shilív sə́ shí wáa lùm, a buʼ.

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Jeremia 8:18

Mendzən mem mè dzə̀, a bó yòʼ dzə̀ mè mày, a shilív shém shí yaʼ feyì.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Nsùyrì Nyùy 77:10

Á bèy, m nen sùúy kém ji nyár yémé dzə̀ á jii, Taà Vitu yòʼ dzəə́ li kilíŋ kér, yíi a vinyo.

Joon 16:6

Yii bèy, mo suuyin ne mo lèn, vèn nén a dzə, a sòv a dzə̀ kitú.

Joon 16:24

Kèʼ mo vèsən‑eè dzəə̀n, e meé lèn, vèn yòʼ‑oò yiì ne lòn kifá fo Nyùy e mǒ yir. M nén a suúy e vèn lèn jii, vèn wáa lon rì bèy, é Nyùy wàá fó, é kishéʼrì ki nèn màysì, e rùn e věn meliv.