Joon 13:34 - ŊWÀʼ NYÙY

³⁴ M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

Joon 13:34 Referans Kwoze

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Cù 19:18

Lá wìr yòʼ a siìr ŋkfə́tír. Lá wìr yòʼ a màʼ ŋkfəə́mé e fər və́ kitu. Wìr wáa kòŋ fə́r və mo wù koŋ kitú kfə́. Dzə̀ mo Nyùy Tàr.

Joon 15:17

Ke m tiir e věn wùn kí kù dzə̀ jii, vèn wáa kòŋnìn.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

1 Joon 4:21

Nsər ye Jesus‑eè foon e vèsən dzə̀ jii, wìr wo wù koŋ Nyùy kú a kòŋ saa fə́r və.

Jeem 2:8

A vèn kì taʼ, a yiì réŋ, bo á kì lem a dzə̀ nsər ye yì tíy vitú e Nyùy mvə̀m vifòn, a dzə̀ ye yì dzəə̀n é Ŋwàʼ Nyùy jii, «Wìr wáa kòŋ fə́r və mo wù koŋ kitú kfə́.»

1 Tesalonika 3:12

A vèr kfə̀n lón sa ji Taàtá Jesus ku yiì, é vèn wáa kòŋnìn, e kfə̀n a kòŋ sa wir dzə̀m, a dù fo mbìy réŋréŋ mo vèr koŋ sa ven.

Ŋwàʼ woó Rom 12:10

Vèn wáa kòŋnìn mo wìr yii koŋ fə́r və, é wìr wáa yen wír, a shaà kitú kfə́.

2 Joon 1:5

Kii wò Yìy à Wíri, m nén a lon ji vèn à wóné ku nèn a lèm a nsər ye yì dzəə̀n ji vèsən wáa kòŋnìn. A bó yòʼ dzə̀ nsər ye fíy yìmòʼ, kù dzə̀ yìwun ye vèsən‑eè sí yú, e kèʼ mo vèsən‑eè yuun kinyo ke Nyùy.

Galatia 6:10

Vèsən ku nèn a yiì a dzə̀ vinyo ve juŋ vi e wìr dzə̀m mo Nyùy fó kintóʼ, bo taaka wír ve vèsən áwune tatin, e wày shilív e Kristu wùn.

1 Joon 3:11

Vèn kuúmé kinyo ke vèn‑eè sí yú, e kèʼ mo vé‑eè kèʼèn, a fìʼtì kinyo ke Nyùy e vèn kí. Kí‑iì dzə̀ ji vèsən wáa kòŋnìn.

Cù 19:34

Vèn wáa ker kiŋgwìy ki moo wan nsay, a kòŋ wun mo vèn koŋ vitú vén. Vèn wáa kuumé ji vèn‑eè dzə̀ sáa viŋgwìy e wòŋ Ejiv. Dzə̀ mo Nyùy Tàr woo Nyùy won.

Hibru 13:1

Vèn ku nèn a yiì moo wír wun woo Nyùy, é wìr wáa kòŋ wùmòʼ mo wìr yii koŋ fə́r və.

2 Tesalonika 1:3

A dzə̀ vèr kù a beèrì Nyùy bìʼ ven ghán sidzə̀m. A kí ghèén fo vèr wáa yiì bèy, bìʼ fo vèn wáy shilív e Nyùy wùn kijuŋ, du duùn fó mbìy, kfə̀n koŋ vitú vén féyì.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

2 Pita 1:7

Wìr ku yèʼéy sa mo dzə̀ wù wàa kòŋ fə́r və, e kfə̀n a way wir dzə̀m e shiliv.

Kolosia 1:4

bìʼ fo vèr yén ji vèn wày shilív e Jesus Kristu wùn kitávín, kfə̀n yú sa mo vèn koŋ wír ve dzəə̀n vé Nyùy adzə̀m.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

Nsùyrì Nyùy 119:63

M dzə̀ ŋgaà ŋgoo wìr dzə̀m wo wù ghvə́m wò, ŋgaà ŋgoo wìr wo wù lem ntò sé se yeʼéy.

Nsùyrì Nyùy 16:3

Kee kùm wír ve á yúnin wò e wòŋ fèn, áwune dzə̀ kfə́m sé wìr, a m yú vijuŋ bìʼ áwune.

Matio 5:44

Yii bèy, a m duŋrì kém jii, vèn wáa kòŋ aŋgaà vén vibàn, a bùnrì a fo wír ve á nəʼsì vené.

Ŋwàʼ woó Rom 13:8

Lá wìr yòʼ a ker káa yímóʼó wùn wìr, e shaà yé kikòŋnìn. A dzə̀ mo vèn kú a kòŋnìn bèy, bìʼ fo wìr wo wù koŋ fə́r və sí yii a dzə̀ mo nsər Nyùy taʼà.

Ŋwàʼ woó Rom 13:10

A wìr koŋ fə́r və, la wù yòʼ dzəə yiì kinyo ke bi kí shó gheéy. Wìr lóo kòŋ fə́r və, bo ŋgaàŋ sí yii a dzə̀ vinyo ve nsər taʼ vidzə̀m.