Joon 13:31 - ŊWÀʼ NYÙY

³¹ Mo Judar fəən, Jesus nèn sìíy, a suúy jii, «Á lèn wo á yíi yen vikuʼùy vé ŋgaà wo yírí dzəə̀n *Wanwìr. Wíri lóo yen, aá wáa yen vikuʼùy a dzə̀ vé Nyùy.

Joon 13:31 Referans Kwoze

1 Pita 4:11

A Nyùy bùʼ wír, wù kiíy mo dzə̀ wù fìʼtì kinyo, ŋgaàŋ wàa fìʼtì a dzə̀ kinyo ke kí lo fo Nyùy. A wo wìr woo mbùʼmé dzə̀ ji wù wáa sə wíri, ŋgaàŋ kù bàʼtí vitaáví ve Nyùy foon e wun vee shooy vidzə̀m, a sə wíri shó kijuŋ. Vèn ku nèn a yiì vinyo vidzə̀m bèy, ji wíri fíʼ a burí Nyùy bìʼ Jesus Kristu wo wù bánri ven, é bo á wáa yiì. Vèsən wáa burí wun, a koʼór yír rə́, é sáʼ rəə́ wáa dù fo mbìy viyá viyá, là may. Amen.

Joon 14:13

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

Efesor 3:10

Nyùy nen yiì, kintatì ke wìr Kristu kìn ki fəə́sín lèn ji vifá ve ví dzəə̀n é yuv ví lóo yen, aá nèn səə̀m mo vifií vé Nyùy vi shaàn vitaáví, a ví dzə̀ dzə́ə sí dzə́ə sí. A kù yén nshèelav sə́ wùn à vifá ve ví kér vitaáví é yuv ví vidzə̀m.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Lim Aŋgàa Ntum 2:36

«Wír veé Isray adzə̀me ku nèn a kiíy kijuŋ jii, Jesus wo vèn‑eè taan é kintam və̀y dzə̀ á wùwun wo Nyùy lèmèn ne ji Mfə̀ə́r wo wù‑uù kàʼàn, e kfə̀n lèm ji Tàr à vifa vidzə̀m.»

Joon 16:14

Wù wíy a nàn yír yém, bìʼ fo wù wíy a lì a dzə̀ vinyo vém, a fèr e vèn.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Joon 11:4

Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

Filipi 2:11

A wír vìn adzə̀me wíy a binsí kiránén ji Jesus Kristu dzə̀ á Taà Ndzə. Á lóo binsí bèy, bo dzə̀ búrí mo á búri Nyùy Tàr.

Efesor 2:7

A wù‑uù yii bèy ji wun din á mo wun kòŋèn vèsən, e bùʼ e mbùʼmé woo là mfìʼ bìʼ Jesus Kristu wo vèsən áwune tatin, aá wáa yen ghán sidzə̀m, e dù, e mày.

Efesor 1:12

Vèr nén a dzə wír mbìyi ve vé‑eè tiirin vifií e Jesus Kristu wùn, a shìy. Nyùy‑iì yiì bey ji wíri wáa yen mo wun woo Nyùy dzəə̀n e gháʼán, a burí wun.

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Ŋwàʼ Luk 12:50

Á kér fo wìy way mo é ŋgeʼ mo á yii wáy wír e ndzəv. A dzə̀, a bó kinyo kee shooy ki shaá, la shilív shém shí yòʼ rə̀sìn.

Matio 8:20

Jesus bìnèr sho jii, «Nyám símóʼ sí kér bíi sév, a menə́n mè kér láʼ sév, yii bèy, a bó ŋgaà wo yírí dzəə̀n *Wanwìr və̀n yòʼ kér fó teʼ kfə́ kee kitú.»

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.