Joon 13:21 - ŊWÀʼ NYÙY

²¹ Mo Jesus suuyin vinyo vìn, shilív sə́ shí lùm, wù nèn tòʼ lèn kiránén jii, «Vèn wáa kiíy rúrú jii, kù dzə̀ wír fo vèn vin wo wù yíi way mo áàŋgaà vém vibàné wo.»

Joon 13:21 Referans Kwoze

Matio 26:21

Á lòo yikír, wù suúy jii, «M suuy ven kinyo ke ru kí jii, wìr yíi lò fo věn ŋgoo, e fo mo áàŋgaà vém vibàné.»

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Maak 14:18

Wùn áwune lòo yikír, Jesus suúy jii, «M suuy e vèn rú ji wìr wùmòʼ dzə̀ e věn mvəm wo vèsən áwune yíkir lèn, a wù yíi fo mo áàŋgaà vém vibàné.»

Joon 12:27

Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

Joon 11:33

Jesus yén mo Maria diyì, a wír ve á kì wìyìn e wùn bàm víyi diynìn sa, shilív sə́ shí wáa lùm, a buʼ.

1 Joon 2:19

A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

Lim Aŋgàa Ntum 17:16

Por ku nèn a shìy Silar wùn Timoti e Aten, e lòo ghan fo, e yèn, a ntèʼ dzə̀ anyùy anyùy, a shèŋ kitú, a rə̀m.

Joon 13:2

Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Joon 11:38

Shilív shé Jesus shi nèn kfə̀n màysì, e lùm. Á dù, e mèé e shùu sày, a vé‑eè bùʼ a dzə̀ é wǔn kilan, e dòm kilán, e sə̀tí sho,

Joon 11:35

Jesus dìy.

Maak 3:5

Kinyo kee shooy ki bír Jesus, wù wáa yu nyár bìʼ shilív shév she bi shí. Wù leéy áwune sí sí, e nèn lò, e sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó.

Matio 26:38

Wù suúy aáwune jii, «Kindzə́m ke kí dzəə̀n e mǒ shiliv kí dzə̀ ke dzə̀ kí yùyrí mo. Vèn kú a dzə fèn e mǒ ghaŋ, a kìʼ, a bùnrì.»

Joon 13:22

Wón və́ lìme nèn a leeynín sí, a meŋnín wír woo shó wo wù suuyì.