Joon 13:20 - ŊWÀʼ NYÙY

²⁰ A m suuy e vèn rúrú jii, wìr wo wù səə́si wír wo tumen mo, ŋgaàŋ səə́si a dzə̀ mo və̀n. Wìr wáa səəsí mo, bo wù səə́si a dzə̀ ŋgaàŋ wo wù tumen mo.»

Joon 13:20 Referans Kwoze

Ŋwàʼ Luk 10:16

Jesus lòo màysì, e sùúy e vé ntum vìyi jii, «Wìr wo wù yuúri kinyo kén, ŋgaàŋ yuúri a dzə̀ kém. Wìr wáa káy ven, bo ŋgaàŋ káy a dzə̀ mo. A wìr káy mo, bo wù káy a dzə̀ ŋgaà wo wù tumen mo.»

Ŋwàʼ Luk 9:48

e sùúy aáwune jii, «A wìr yén wán və̀n ji wír bìʼ mo, bo ŋgaàŋ yén a dzə̀ mo. Wù wáa yen mo, bo wù yén a dzə̀ ŋgaà wo wù tumen mo. Vèn wáa kiíy jii, wìr wo wù li kitú kfə́ fó tèr e věn mvəm, dzə̀ wo dzəə̀n wír wo kuʼùn.»

Maak 9:37

«A wìr yén wán woo moo və̀n bèn ji wír bìʼ mo, bo ŋgaàŋ yén a dzə̀ mo. Wìr wáa yen mo, bo wù yén a dzə̀ ŋgaà wo wù‑uù tumen mo.»

Matio 25:40

Á dzə́r bèy, é wun woo Fon nèn bìnèr jii, ‹Vèn‑eè yii vinyo vee shoon a dzə̀ áàfə́r vémé. Mo vèn‑eè yii aàfə́r vém víne, a ŋgaàŋ fə̀m dzə̀ ghéʼ é le, bo vèn‑eè yii a dzə̀ e mò.›

Galatia 4:14

Mò‑oò joy, dzəsì a dzə̀ kibeʼèy kén, a bó vèn yòʼ‑oò ló a kìnsì wún, a leʼ mo. Vèn‑eè kér mo mo m dzə̀ nshìylav Nyùy, kìn wúnwun woo Jesus Kristu.

Kolosia 2:6

Mo vèn biimen ne ji Tàr won sì Jesus Kristu, vèn ku nèn a yiì vinyo a dzə̀ vé wìr ve dzəə̀n və́.

1 Tesalonika 4:8

Kí nén a dzə jii, wìr wo wù leey ntir rə̀n ntéŋ, leey a dzə̀ á Nyùy ntéŋ, wù yòʼ leey a dzə̀ wír. A Nyùy wo ŋgaàŋ leey ntéŋ və̀n dzə̀ wo wù fó ven Kiyoy kfə́ ke Ranén kí.