Joon 13:19 - ŊWÀʼ NYÙY

¹⁹ M nén a suúy kinyo kìn e vèn lèn bèn, é bo kí yiì a koóy. Kí yií kooyì, é vèn fiʼ biìmé ji dzə̀ rú mo wo dzəə̀n mo.

Joon 13:19 Referans Kwoze

Joon 14:29

M sùúy ne e vèn lèn, é bo kí wìy a koóy, kí wíy kooyì, é vèn wáy shilív e mǒ wùn.

Aysaya 43:10

«Éè wìr veé Isray, dzə̀ ven vin ve dzə̀ á fèr kinyo kee kùm mo e wír ámóʼó. Vèn dzə̀ wír vém lìm ntayi ve m shoʼon. M shòʼ ji vèn kiíy kinyo kee kùm mo, e wày shilív e mǒ wùn, a kiíy kijuŋ ji kù jòʼ mo Nyùy. Nyùy wùmòʼ yòʼ‑oò ghàn ne a dzə, é bo m wáa dzə, a bó wùwun yòʼ wíy a dzə.

Joon 16:4

M sùúy ne vinyo vìn e vèn lèn ji ví wíy lóo koóy, é vèn nèn a kuumé ji mò‑oò ló a suúy e vèn fó ghan. «A bó m yòʼ‑oò lo tàv, a suúy vinyo vìn e vèn, bìʼ fo kù‑uù rə́si dzə́ vèsən.

Aysaya 48:5

Bìʼ bey, mò‑oò yoòyí ne vinyo vìn fo yàŋgùʼ, e yiì, vèn kiíy, é bo ví wìy a koóy. Mò‑oò yii bèy, fo vèn wáa yòŋ jii, kù yiì a anyùy ve vèn ghvə́mé, é bo vinyo vìn vi wáa koóy. Kù yiì a mebvə̀m me á semen, à me á tònèn é kilàm mè, é bo vinyo vìn vi wáa koóy.

Joon 8:58

Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»

Matio 24:25

Mo m suuyin ne kinyo lèn, é bo kí wìy a koóy, vèn səəm kijuŋ.

Matio 11:3

sà dzə̀ rú wun Mfə̀ə́r wo wù‑uù wíy wìy moo, áwune wáa shìy wo sən á?

Malakay 3:1

Nyùy Tàr woo Taà Mànjòŋ wáa bìnèr kfə́ jii, «Vèn yuúrí, e yù, m wíy tsənsí ŋgaà wom ntum fo mǒ mbìy, é wù wiy, e nàŋsín dzə́ə. Á bèy, é Taà Saʼ wo vèn shiyì nèn sàsìn, e bvə̀y e wun lav cù. Rúrú, ŋgaà ntum wo wù fiʼtì *mensaŋ mem, a vèn tiir vifií shó, sí wiyì.

Joon 1:15

A Joon‑eè ló a fìʼtì wír və̀n e wíri. Wù‑uù sùúy jii, «Dzə̀ wun woo shó wo mò‑oò suuy jii, ‹Wìr wùmòʼ wíy wìy fo mǒ bàm, a wù kùʼ, e shaà mo, bìʼ fo vé‑eè dzəə mo, a ŋgaàŋ‑eè sì.› »

Ŋwàʼ Luk 21:13

Vèn wíy tiím fo, é vèn koóy a dzə̀ kintóʼ ke dzə̀ vèn wàa fìʼtì kinyo ke Nyùy aáwune.

Aysaya 41:23

Vèn ku yoòyí o kinyo ke kí dzəə́ wìy koóy ki, é vèr nèn kìíy ji vèn sà dzə̀ rú anyùy moo ŋgáŋ á. Vèn ku yiì o kinyo ki, kìn dzə̀ ke dzə̀ kí sə̀ wír, kìn ke dzə̀ kí fò a dzə̀ kileémé, é vèr yén, é shúu má ver, aá wáa fàn.

Joon 4:26

Jesus nèn sùúy sho jii, «Dzə̀ mo woo shó və̀n, mo wo m súŋnin e wò.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.