Joon 13:18 - ŊWÀʼ NYÙY

¹⁸ «Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Joon 13:18 Referans Kwoze

Nsùyrì Nyùy 41:9

Fə̀m ŋkar yem tìm kù shòʼ ne sa e mǒ bàm, ŋkar yem ye mò‑oò wayin shilív é wùn wó feyì, a vèr wun‑eè yíkir kighín kimòʼón.

Matio 26:23

Wù bìnèr jii, «Dzə̀ wír wo vèr wun sə̀ʼə̀n nshèv láŋ e mòʼón.

Joon 17:12

Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.

Maak 14:20

Wù bìnèr jii, «Kù dzə̀ wír fo vèn vee nshòv sibaà e ghvə̀mé mvəm, a dzə̀ wír wo vèr wun səʼ nshèv láŋ e mòʼón.

Joon 13:26

Jesus bìnèr jii, «Wír wo m yíi sə̀ʼ nshèv é kiban, e fo sho, dzə̀ ŋgaàŋ.» Wù nèn sə̀ʼ, e fò a dzə̀ e Judar wo dzəə̀n wan Simon Iskariyor.

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 15:19

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Matio 10:36

Ŋgaà vibàn wìr kù wíy a dzə a dzə̀ wír woo wùn nsaàlav.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

2 Korin 4:5

Vèr kù fiʼtì kér jii, á wáa ghvəm a Jesus Kristu ji Taà Vitu, a bó yòʼ dzə̀ vèr wàa suúy a dzə̀ vitú vér. Vèr li vitú vér cáʼ ji aŋgàa lìm vén bìʼ wun woo Jesus.

Jeremia 41:2

Ishmael wùn à wír vee ghvə̀m vìne nèn tùm, e yùyrí Gedalia e nyùy rə̀r, a dzə̀ wun wo fòn woó Babilon‑eè shoʼon ji wù wáa saʼ a woŋ.

Matio 26:21

Á lòo yikír, wù suúy jii, «M suuy ven kinyo ke ru kí jii, wìr yíi lò fo věn ŋgoo, e fo mo áàŋgaà vém vibàné.»

Maak 14:17

Yiì lòo dzə e ŋkuùr, Jesus wùn à wón və́ lìm vee nshòv sibaà e ghvə̀me tár fó adzə̀m.

Maak 14:18

Wùn áwune lòo yikír, Jesus suúy jii, «M suuy e vèn rú ji wìr wùmòʼ dzə̀ e věn mvəm wo vèsən áwune yíkir lèn, a wù yíi fo mo áàŋgaà vém vibàné.»

Ŋwàʼ Luk 22:21

«M suuy bèn, a wìr wo wù kár menàŋ mem yíkir vèr wun kirə́ʼ kimòʼón.

Joon 13:21

Mo Jesus suuyin vinyo vìn, shilív sə́ shí lùm, wù nèn tòʼ lèn kiránén jii, «Vèn wáa kiíy rúrú jii, kù dzə̀ wír fo vèn vin wo wù yíi way mo áàŋgaà vém vibàné wo.»

Joon 13:22

Wón və́ lìme nèn a leeynín sí, a meŋnín wír woo shó wo wù suuyì.

Joon 15:25

A kí kooy bèy ji kinyo ke vé‑eè saŋen é Ŋwàʼ Nyùy jii: ‹Vé‑eè ban mo kisáŋ›, ki fiʼ ghèén.

Joon 18:32

A kinyo kìn ki‑iì kòóy bey ji kfə́ə kpu ye Jesus‑eè suuyin ji wun wíy kpuu fiʼ ghèén.

Joon 19:24

Á nèn sùŋnín jii, «Lá vèsən yòʼ sàr. Vèsən wáa tsəm a dzə̀ kàŋ sho, a yen wír wo wù yíi yòv.» A kí‑iì kòóy bey ji kinyo ke vé‑eè saŋen é Ŋwàʼ Nyùy ki fiʼ ghèén. Vé‑eè sàŋ jii, «Vé‑eè lì ndzə̀y sém, e jàv, e lì kikúm kém, a tsəm kàŋ sho.» Ku nèn a dzə kíwun ke vé rər víyi‑iì yiìn.

Joon 19:36

A vinyo vee shooy vi‑iì kooy bèy ji vinyo ve vé‑eè saŋen é Ŋwàʼ Nyùy vi fiʼ ghèén. Vé‑eè sàŋ jii, «Bó á yòʼ wíy beʼ kighvə́r kfə́ kimòʼón gheéy.»

Lim Aŋgàa Ntum 1:2

e meé e ghan se wù‑uù koʼon é yuv. Bo wù wáa koʼ e yuv, wù‑uù beè Kiyoy ke Ranén kí, e tìr aŋgàa ntum və́ ve wù‑uù shoʼtin.

Lim Aŋgàa Ntum 1:16

«Afə̀r vem, kinyo ke Ŋwàʼ Nyùyi‑iì suuyin kí kù‑uù wíy gheén. A dzə̀ kinyo ke Kiyoy ke Ranén kí‑iì yiìn, Fòn Davir tóʼ fó ghan kùm Judar wo yì‑iì dzəə̀n ŋgaà ŋgoo wòsən, a vèsən áwune yii lim e mòʼón, bo wù kfən lò, e shèm mbìy ji á koó Jesus.»