Joon 13:17 - ŊWÀʼ NYÙY

¹⁷ Mo vèn kiiyin ne kinyo kìn lèn, a vèn lò, a yiì, é vèn wáa yu vijuŋ.

Joon 13:17 Referans Kwoze

Ŋwàʼ Luk 11:28

Jesus bìnèr jii, «Wír ve á kér kishéʼrì ke kuʼùn kií dzə̀ ve á yú kinyo ke Nyùy, yii mo kí dzəə̀n.»

Jeem 4:17

Kí nén a dzə jii, a wìr kì kinyo kee réŋ ke wù kì yíi yiì, e làa yòʼ yiì, bo wù yiì ne a dzə̀ kinyo ke bi kí, e lì njò.

Jeem 1:25

Yii bèy, a wìr tùy kfə́ sí a dzə̀ é nsər Kristu ye yì tatin nsər se Nyùy sidzə̀m, a yiì, bo wìr wáa bòy, bo Nyùy wíy sə ŋgaàŋ, é vinyo ve wù yii vidzə̀m vi wáa dù réŋ, a wù fèn sáyri ghán sidzə̀m, yii mo yì dzəə̀n, e làa yòʼ a yuurí yuurín cáʼcáʼ, a làysìn.

Esiker 36:27

M wíy fo kiyoy kém e vèn, e yiì, é vèn wáa yu sáʼ yém, a tiír kiwuú mo yí dzəə̀n, e bó a yiì kinyo ke m tínen kidzə̀m.

Ŋwàʼ Fəə 40:16

Mooser ku nèn yiì vinyo vìn vidzə̀m, kù mo Nyùy tàr‑iì suuyin e wun.

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.

Nsùyrì Nyùy 19:11

Rúrú, Nyùy Tàr, vinyo vé vi tír ŋgaà lìm wò, m lóo yunín, m wàa ker vilaámé vigháʼán.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Matio 12:50

Wìr wo wù yii kinyo ke Tàr wor wo wù dzəə̀n é yuv taʼ ji wù wáa yiì, dzə̀ wo dzəə̀n jemèr yem, e kfə̀n a dzə lúmér yem, a dzə yè wor.»

Kèʼlo 6:22

Noa yú bey, e kù nèn yiì vinyo vidzə̀m réŋréŋ mo Nyùy kì suuyin e wun.

Joon 15:14

A vèn yú kinyo kém rú, bo vèn sì ŋkar sém.

Ŋgàn 29:18

Lóo dzə, a bó Nyùy yoʼ ghèm ndzə, e dìn e wíri, á wàa yiì mo á koó. Yii bèy, a bòŋ ké wìr wo wù yúnin nsər Nyùy, ghán e wun mbòv.

Jeremia 11:6

Nyùy Tàr kfən yòŋ e mò jii, «Dù, a fìʼtì kinyo kém kí é ŋkà se laʼ seé Juda, e kfə̀n a fìʼtì sa e dzəə seé Jerusalem, aá fiʼ yuùrí ntò se mensàŋ mem, a yiì mo sí dzəə̀n.

Ŋwàʼ woó Rom 2:13

A kí dzə̀ bey, bìʼ fo bó yòʼ dzə̀ wìr ghèén fo Nyùy ji wù kì nsər Nyùy. A dzə̀ nsaʼ kù ràn wun cáʼcáʼ bìʼ fo wù lem nsər yee shooy.