Joon 13:13 - ŊWÀʼ NYÙY

¹³ Vèn yoŋ mo ji Tàr, kfə̀n yoŋ ji Ŋgaà Yèʼéy, a vèn yoŋ réŋ. Dzə̀ rú mo m dzəə̀n.

Joon 13:13 Referans Kwoze

Ŋwàʼ Luk 6:46

Jesus nèn dzə̀r jii, «Bìʼ ka mo vèn yoŋrì mo ji Tàr, Tàr, a bó á yòʼ yii kinyo ke m suuyì?

Filipi 2:11

A wír vìn adzə̀me wíy a binsí kiránén ji Jesus Kristu dzə̀ á Taà Ndzə. Á lóo binsí bèy, bo dzə̀ búrí mo á búri Nyùy Tàr.

1 Korin 12:3

M nén a tàʼ lèn ji vèn kiíy kijuŋ a ji wìr wo wù suuy kfə́ kinyo ke kí loòn a dzə̀ fo Kiyoy ke Nyùy ki yòʼ dzə̀ á wù kfə̀n a dzə ji lòné shóv Jesus. A bó yòʼ dzə̀ wìr kfə̀n a fìʼtì ji dzə̀ Jesus wo dzəə̀n Tàr, a bó bánrí Kiyoy ke Nyùy ŋgaàŋ.

Joon 11:28

Mo Maata suuyin bey, e nèn lò, e dù, e yòŋ fə́r və Maria, e sə̀mrì sho jii, «Tàr à wíri wìy ne, a wù taʼ, e yen wò.»

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

1 Korin 8:6

késən kí dzə̀ jii, Nyùy kù mày e mòʼón, a dzə̀ á wun wo dzəə̀n Tàr wòsən, a bòm wun vifá vidzə̀m, ví wáa yu a dzə̀ fo wun. Taà Ndzə kù mày sa e mòʼón, a dzə̀ Jesus Kristu. Vifá ve Nyùy‑iì bomen vidzə̀m vi‑iì shaà a dzə̀ e wun woo Kristu kiwo, a kù yii wun, bo vèsən wáa dzə sho.

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Ŋwàʼ Luk 10:28

Jesus koóy jii, «À bìnèr rú. Kú a yiì rì bèy, áà wìy lùŋ.»

Ŋwàʼ Luk 7:43

Simon bìnèr jii, «Kì dzə̀ wàa dzə wo wù kér kaá ye kuʼùné.» Jesus biímé jii, «À shù réŋ»,

Jeremia 1:12

Nyùy Tàr suúy jii, «À yèn réŋ, dzə̀ mo m yíi a leéy ji jí sém sí gheén á mo m suuyin.»

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Joon 11:2

A Maria wo fər və‑əə̀ joy və̀n dzə̀ wo wù‑uù yoʼon wuú Jesus e biʼ yímóʼó, a səŋrí e nə́ŋ sə́ sí.

Joon 11:3

Vikìy víyi nèn tsə̀nsí ntum fo Jesus ji ŋkar rə tìm rə̀y joy a feyì.

Efesor 6:9

Ven vee atàr vee shooy, vèn ku nèn a ker akwàn vén sá kijuŋ, é la wìr yòʼ a nə̀ʼsì kwàn və́ nə́ʼsin. Wù wáa kuumé ji wùn kwàn və́ woo shooyi dzə̀ sáa e wìr sar, a ŋgaàŋ dzə̀ Tàr wov woó yuv. Wù kíyri lim wìr dzə̀m, a bó wù yòʼ nyaʼ wùmòʼ woo wír.